زيت الفتيس المانيوال معليهوش قلق كتير زى الأوتو.....أنا كنت بزوده بس أيام البى أم...........و مفتكرش أنى غيرته غير مرة واحدة يمكن .
روح محطة بنزين بس بيفهموا كويس و خليهم يشوفو مستوى الزيت و لونه......لو لونه متغير يبقى غيره لو ناقص بس يبقى زوده.
عرض للطباعة
زيت الفتيس المانيوال معليهوش قلق كتير زى الأوتو.....أنا كنت بزوده بس أيام البى أم...........و مفتكرش أنى غيرته غير مرة واحدة يمكن .
روح محطة بنزين بس بيفهموا كويس و خليهم يشوفو مستوى الزيت و لونه......لو لونه متغير يبقى غيره لو ناقص بس يبقى زوده.
اعتقد ان موضوع لزيوت بصفة عامة فية كلام كتير قوى واراء متضاربة لدرجة اننى بمجرد القراءة فية بحس اننى غير قادر على اخذ القرار . حتى عندما حاولت الاستعانة بالتوكيل نفسة تضاربت اقوالهم ولا اعرف سبب لذلك .
احكى عن موقف بسيط جدا :
عند اول صيانة لى فى توكيل تويوتا العباسية طبعا تم وضع زيت موبيل 1 فسألت المهندس اغير كل كام فقال 10000كم فقلتلة انا حركتى بالعربية بسيطة ومش بتحرك بيها كتير قالى يبقى. كل سنة .
الصيانة اللى بعديها فى ابو رواش نفس السؤال للمهندس قالى كل ستة اشهر . حتى هنا فى المنتدى اراء كثيرة ومختلفة فى موضوع الزيوت
السلام عليكم يا شباب.....
اسمحولى اشارك بتجربتى.....
انا فعلا حضرت اختبار لزيت الفتيس...الlife time وفعلا مش محتاج تغيره لانه خواصه مختلفه تماما عن الزيت العادى بتاعنا.....
الزيت ده مبيعملش foaming وبالتالى مبيعملش ضغط على الاويل سلز بتاعه الجير بوكس....كمان بيتحرك لاعلى مع حركه التروس يعنى بيغطى التروس بالكامل طول ماهى دايره...كمان متغير اللزوجه بمعنى انه بيتكيف مع درجه الحراره فى الصيف والشتا....
العقبه الوحيده انه اللتر الواحد ب 175 جنيه والعبوه 5 لتر يعنى عشان احط زيت الفتيس ده هدفع مبلغ محترم يقارب تمن الفتيس نفسه....
والزيت ده هو اللى بينزل فى البى ام والمرسيدس والمفروض ميتغيرش لان عمره من عمر الفتيس......
بالنسبة للسيفيك 2005 الأوتوماتك...دليل صيانة المستهلك ينصح بتغيير زيت ناقل الحركة الأوتوماتيكي أول مرة عند 96 ألف كيلو أو بعد 3 سنوات ثم بعد ذلك كل 48 الف كيلو او كل سنتين أيهما أقرب وذلك في ظل القيادة في ظروف شاقة....على العموم أنا إن شاء الله موجود في التوكيل بعد 5 ساعات من الأن و بإذن الله أعرف رأيهم في الموضوع
الأوكتافيا ال a4 كده برضه يا باشا
بس الفكرة كلها فى أيه ؟؟؟
أحنا متفقين أن الزيت اللى بيقولو عليه life time بيبقى غير الزيت العادى خالص فى كل حاجة.......بس الأختلاف بقى فة نقطة تانية
هل خواصه بتتغير مع ظروف الأستخدام اللى عندنا ( واللى أنا بعتبرها فى نظرى شاقة جداً ) ولا مش هيتغير ؟؟؟؟
عن تجربتى مع عربيتى...........زيت الفتيس ال life time اللى كان فيها أختلف أداءه مع الفتيس بعد حوالى 50 ألف كم.
يا جماعة المصنع قال life time oil .... يعني ما بيتغيرش ..... و لو فيه الومينيوم زيادة يبقى مش هيأثر على حاجة ... ده الصانع الالماني ... و اللي اعرفه ان العربيات الامريكاني بتغير الزيت فيها على 60 الف تقريبا ده بالنسبة للاوتوماتيك طبعا....
انا عن نفسي لو الوكيل قاللي هيغيرهولي ببلاش مش هغير طالما المصنع قال انه مش بيتغير الا في حالات التصليح....
خليها بزيت بلادها اللي مش بيتغير احسن لأن في بلدنا العزيز الواحد ما يضمنش ابوه ....
زيت الفتيس لا يتعرض لنفس ظروف زيت المحرك ....
زيت المحرك بيتعرض ل ضغط و حرارة و عوادم و رواسب كثير.... لكن زيت الفتيس لا يتعرض الا للضغط مع الحركة الطبيعية .... غير كدة بيكون في مكان مقفول تماما لا يعرضه للاتربة ولا يختلط مع مكونات اخرى ولا يتعرض لعوامل تبخير....
زيت الفتيس مع العمر بيثقل مش بيخف .... يعني لزوجته بتزيد... ايه السبب مش عارف...
و اللي اعرفه كمان انه بيتزود بس مش بيتغير و ده اكيد بالنسبة للسيارات القديمة ... الجديد نسأل فيه اهل الخبرة و الهندسة ...
لكن انا على اي حال اوصي باتباع تعليمات المصنع مش تعليمات الوكيل ... حتى لو اضطرينا نتصل بالمصنع مباشرة و بعد كدة نروح للوكيل نقوله يعمل ايه بدل ما ينصب علينا .... كفاية النصب اللي اخده في ثمن العربية المضاعف ....
كل مصنع ادرى بعربيته وطالما انهم كاتبين كدا يبقى بلاش يتغير
عشان كده علي رأي اللي قال فيه مكاسب رهيبة من تغيير الجيربوكس للناس اللي ما بتغيروش !!!
و بعدين في المانيا العربية مش واقفة في ميدان رمسيس عمالة تنقل أول تاني أول تاني ألف مرة في اليوم
انا غيرت الزيت للميجان بتاعتي علي 160000 نزل محروووووووووووووق
هو أنت عربيتك عماملة كام يا باشا ؟