الموضوع: ايه رأيكم فى الموتسيكلات الصينى؟؟؟؟

انا الحمد لله جبت واحد مستعمل سنه و نصف و بقاله معايا سته شهور شغال زي الفل بس المهم هو الصيانه والاعتناء به

بص ياباشا انا قبل 6 شهور شاري واحد هوجان زيرو ب 3800 طبعا بالنسبه لي كنت اول مره اركب سيكل وطبعا فرحان بيه فكنت حاسس انه ممتاز ولكن مشاكله كتير ووقعت بيه اكتر من مره والسرعه كنت لو عديت ال 80 احس انه كله بيرجف ومفيش اي ثبات وغير انه طبعا انته وماشي في امان الله ممكن يطفي لوحده وكنت من سابع المستحيلات اسوق وحد راكب وراي عشان مافيش ثبات خالص طبعا سبته لاخوي في مصر وسافرت علي شغلي وقبل اسبوع بالضبط طلعت في راسي ورحت شاري كاوزاكي 636 موديل 2004 طبعا مستعمل وكنت خايف منه خالص من سواقته وكنت افكر في الي حصل معاي في الصيني وخصوصا انه ده اتقل بكتير المهم من اول طلعه ياباشا وماشاء الله احس اني محترف سياكل وامشي 140 ولا في حاجه خالص يعني ثبات علي الارض ممتاز بس مشكلته في ضغط الهواء لما بتزيد علي ال120 وكافي خالص انك توطي علي السيكل كانك نايم عليه ودوس يا باشا ولا يهمك الشي التاني انه مستحيل يطفي معك الا لو عطل يعني من الاخر لو قدامك حاجه ياباني لو موديل 1900 توكل علي الله فيه وابعد عن الصيني وغني له ولو كان علي الزيرو اما اذا كنت مشاويرك علي قدك ومش بتاع سرعه خلاص توكل علي الله في الصيني وخصوصا انه احلي في الشكل واذا كنت غير مهتم بموضوع الثبات ده ولا السرعه

رأيي ان الحاجة لو جيبتها زيرو وعاملتها حلو تعيش معاك زي الفل ولو اتعفيت عليها تقلب عليك..


والموتوسيكل الصيني زيه زي الموبايل الصيني والجزمة الصيني وكل حاجة صيني..

وزي حتى الحريم الصيني (أو الحريم عامة).. دلعه وصونه وعامله كويس يعيشوا معاك عاملهم وحش يقلبو عليك ويطلعوا التربنتين



وتحياتي للجميع