ممكن استفسار من اطباء المنتدى المحترمين
انابطبيعتي طول عمري اكلي قليل ومش بنوع في الاغذية فديما حاسة بضعف ومن فضلكم محدش يطلب مني اكل او اخد فاتح شهية لانه مفيش فايدة :fdsa:
وكل مرة بروح لدكتور من احسن الدكاترة ويطلبوا مني تحاليل كتيرة زي الغدة الدرقية وسكر ووظائف ......... ويطلع كله تمام وبرضو كل واحد بيصمم اعملها من الاول
المرة دي قررت اكرر اللي فاكراه من ادويتهم من غير كشف لاني بقيت خبرة اشتريت هيموتون لان الهيموجلوبين عندي 10 وحقن ب 12 لان بيتكرر عندي التهابات الاعصاب في ايدي ورجلي
بس بالصدفة شوفت اقراص اسمها اركاليون 200 ولقيتها لضعف الذاكرة وتنشيط الدورة المخية وتنشيط الذاكرة وطبيعي الضعفان زيي عنده الاعراض دي
عايزة اعرف هل الاقراص دي ليها اعراض جانبية او تتعارض مع الهيموتون او الحقن ب12
كمان اخد الحقن كل 3 أيام ولا كل اسبوع
وشكرا لكم مقدما