حد فهم حاجة من مقالة خالد أباظة النهاردة في أخبار السيارات .. ؟!
حد يا جماعة فهم حاجة من مقالة خالد أباظة النهاردة في أخبار السيارات .. :rfds:
قال فيها أن فيها شركتين أوروبيتين بيحضروا لمفاجأة و أن فيه عربية هتتوزع على المواطنين في كل المحافظات ( الحداية مبتحدفش كتاكيت ) و خاض في الكلام دة ..
حسسني أنهم هيلفوا على البيوت و لو لقوا عند أم فاروق 4 أكياس برسيل هيبدلوهم بفيات برافو ..
و في آخر المقال قال أن العربية الجديدة ثمنها بين 200 و 300 ألف ..
أنا توقعت أنها دعاية مسبقة للأوبل Insignia أو طرح أول عربية ألفاروميو ..
حد فاهم حاجة من الفرقعة الصحفية دي ..
علشان مقالاته بتذهولني على الآخر زي ما كتب قبل كدة و قال مفاجأة و ينتظرها كل المصريين و .. و .. و .. و ..
قلت يمكن التاتا النانو هتنزل و ﻻ حاجة و في و ﻻ طلعت مفاجاة و ﻻ حاجة .. و طلع الإعلان عن قدوم السيارات الاستون مارتن :fdsa::whtauwant: ..
آسف على الإطالة ..