عملت حادثة تانى !!

**AhmedGen2** · 27-06-2009 10:29 PM

كنت راجع من الشغل وانا ماشى فى جسر السويس لاقيت نص نقل انا ماشى وراه فرمل فجأة ، كان فيه مسافة ممكن افرمل لكن النص نقل مفيش أنوار من ورا مش عارف مرور ايه اللى سامح له يمشى كدة ، أنا فكرتها لسة بتمشى طبعا كل دة فى لحظات يعنى عقبال ما فرملت لبست فيه ، لو انا شفت نور الفرامل بتاعه كنت وقفت ، المهم وقفنا طبعا هو عربية مصفحة محصلوش أى حاجة ، رحن القسم وكتبنا محضر طبعا ً مرضتش أعمل تصالح لأنه حيوان هو الغلطان ، بس انا عارف فى الآخر انى مش هاخد حاجة منه ، خد أقوالى وخد أقواله ومع السلامة كدة فوت عالنيابة بعد بكرة خد صورة المحضر ودة اللى انا عاوزه عشان أروح بيه التأمين.

الخسائر: لأ المرة دى أكبر شوية .. انا لما خبطت فيه أصلا سمعت صوت المروحة وعالى انا اتخضيت جامد.

مبدئيا ً كبوت - اكصدام أمامى - فانوس أيمن (هو عموما ً الفانوسين دخلوا لجوة لكن الأيمن هو المكسور) - خرم فى الردياتير - الوش القدمانى دخل لجوا ، والمروحة لما بمشى بالعربية شوية بتروح مطلعة صوت جامد نعرة كدة غريبة مش عارف ايه فمش بمشى بالعربية نهائى وركنها لغاية ماجيب المحضر واطلع بيها عالتوكيل عشان المعاينة.

كنت عاوز أسأل بخصوص التأمين ياريت حد يفيدنى وأنا بكرة هكلم التوكيل كدة كدة.

دلوقتى أنا كنت مأمن مع عز العرب اللى كان وقتها بيأمن تبع الجمعية ، دلوقتى الجمعية أفلست ، انا موقفى ايه بالظبط؟.

**m.3abdel3al** · 27-06-2009 10:41 PM

قدر الله وما شاء فعل يا ابوحميد بالنسبة للتامين طالما معاك صورة المحضر خلاص ناقص بس فاتورة التوكيل بس قول يا رب يصرفولك الفلوس بسرعة

**kloda** · 27-06-2009 10:44 PM

قدر الله و ماشاء فعل
ربنا يعوضك خير
استني ايمن عشان هو مامن تبع عز العرب و صلح العربية تبع التامين هو حيفيدك

**AhmedGen2** · 27-06-2009 10:44 PM

أيوة يا محمد لكن الجمعية أفلست ، ايه الكلام دلوقتى؟.

آه نسيت أقول انى كلمت أيمن على طول وهو هيستفسرلى هو كمان عن الموضوع دة ، أيمن مأمن مع عز العرب لما عز غير شركة التأمين بعد ما الجمعية أفلست يعنى.

**momenhamdy** · 27-06-2009 10:54 PM

قدر الله ماشاء فعل

وان شاء الله العربيه ترجع زي الاول و احسن

**PoweRPassioN** · 27-06-2009 11:04 PM

قدر الله و ماشاء فعل
و حمدا لله على السلامه

**kloda** · 28-06-2009 12:20 AM

بص يا باشا الجمعية خلاص
انا اخويا كام مامن معاها و عمل حادثة بعد ما فلست ولا كانو مامن اصلا
معلش عوضك علي الله
انا ماكنتش اعرف نظام التامين مع عز العرب اة

**Ayman_52** · 28-06-2009 12:49 AM

قدر الله وماشاء فعل .... معلش يا احمد

وبكره هنشوف هنعمل ايه مع موضوع التامين ... وان شاء الله خير بإذن الله

وان شاء الله العربيه تتصلح وترجع زى الاول بإذن الله

**khpopo** · 28-06-2009 01:12 AM

الحمدلله انها جت على اد كده ..ربنا يعوضك ويجيرك فى مصيتك
عز العرب ساب الجمعيه وحاليا مع الشركه المصريه لتأمين التكافلى وده احسن وبتسيب العربيه عندهم وهما بيخلصوا كل حاجه فى عز
ربنا يوفق

**Boody8882** · 28-06-2009 02:38 AM

قدر الله وما شاء فعل
الحمد لله على كل شىء يا أحمد
إنت برضه متخليش الكلام عن إفلاس الجمعية يهمدك , إنت لازم تروحلهم وتخلى مندوب من عندهم يطلع معاك
أنا أعرف ناس عملت كده وجت بفايدة
وإن شاء الله العربية ترجع أحسن من الأول

الموضوع: عملت حادثة تانى !!

LinkBack

أدوات الموضوع

عرض

عملت حادثة تانى !! - انشر الموضوع فى :

-

-

-

-

-

-

-

-

المواضيع المتشابهه

عملت حادثة

أنا عملت حادثة!

الحمد لله عملت حادثة تانى ...

عملت حادثة ....

عملت حادثة

الكلمات الدلالية لهذا الموضوع

المفضلات

المفضلات

ضوابط المشاركة