Service Due-Service Due now-Wenaby lana raye7

انا اسف جدا اني مقدرتش اكون معاكو النهاردة بس مشغول بترخيص عربية مراتى البونتو

وبجهز للسفرية الساحل

المهم

انو وحشتوني جدا

انا كلمت شاركي النهاردة يمكن الحقوا بس هو حلقلي مع اني ليسة حلق من يومين

بالنسبة لعنوان الموضوع بتاعي

العربية كتبيتلي رسالة من اسبوع كده Service Due والعداد كان 38200 و كمان شيك جير بوكس كلمت التوكيل قلي يواد طنش خالص مدادم عملت صيانة 30000 و 35000 لما توصل ال 40000 تعلى نشوفلك الرسايل ديه وده كان كلام م محي

النهارده الرسالة بقيت service due now كلمت محي قللي متقلقش في صيانة 40000 هتروح كمل عادي الاف اللي بقية انا اصلي عامل دلوقتي 38900

انا خايف بكره الكمبيوتر يكتبللي رسالة (في عرضك عايز اروح التوكيل) ولو كلمت محي تاني هيدبحني ايه راي الشباب

طبعا لوكنت جيت النهاردة كان ايمن هيستلمني تريقة عشان بقلي فترة بعيد بس الظروف والله

الصيف طويل و ان شاء الله نتقابل كتير

يا باشا أخر مرة و أنت بتعمل صيانة معملوش ريسيت reset للعداد بتاع الصيانة......العداد ده بيعد 10000 كم و يطلعلك الرسايل دى.....لو أنت متأكد أنك عامل صيانة ال 30 ألف على 30 ألف و كسور يبقى أصبر لحد لما توصل 40 ألف و روح أعمل الصيانة.........لو كنت عاملها على 28 ألف كم يبقى تصبر لحد ال 40 ألف عشان تظبط الدنيا أو تروح تعمل الصيانة دلوقتى و على 48 ألف هتطلعلك نفس الرسالة تانى.

احمد باشا
انا اسف حضرتك كلمتنى إمبارح و انا كنت لسه عامل التليفون Silent علشان محاضراتى و مخدتش بالى من مكالمتك غير و انا داخل انام باليل و كنت تعبان جدا فمقدرتش اكلمك

زى ما قالك احمد إحتمال تكون عملت صيانة الـ 30 الف عند 28 الف و وشويه فبالتالى الكمبيتور عد 10 الاف و ظهر الرسالة دى أو نسيو يعملولوا ريسيت

و طالما محى قالك كمل للـ 40 الف يبقى ماتقلقلش لغنه لو فيه حاجة خطيره كانت نورت اللمبة الصفراء للصيانة و كانت نورت لمبة الـ stop

اقتباس:

---

كمان شيك جير بوكس

---

والله ليك وحشة يا كبير .... انت فين يا عم ....

لو طلعتلك رساله الجير بوكس تاني ... روح عدل علي التوكيل من غير تليفون ....

الرسالة دي يعني في مشكلة ... ممكن جدا تكون كويل ... ولو مشيت وفي مشكلة في كويل حيضرب اللي جنبة ... ولو ضربوا كويلين العربية حتقف.

لة طلعت لازم تروح يا عم احمد.

اقتباس:

---

المشاركة الأصلية كتبت بواسطة momo10000

ولو مشيت وفي مشكلة في كويل حيضرب اللي جنبة ... ولو ضربوا كويلين العربية حتقف.

لة طلعت لازم تروح يا عم احمد.

---

مش حتقف يا معلم لو اتنين ضربوا :colsmil:

متقفش يا عم أيمن...........

لو اتنين أطعين تماماً حتطفي ، عن تجربتي مع الكويلس لم أفك فشتين فنفس الوأت

هو بجميع الاشكال احمد علي ماشية معاة حلاوة عالاخر ....

العربية لسة في الضمان .... وبونتو جديدة .... والساحل ... ناس مرتاحة يا عم شاركي .... وبيت تاني في السر ...وما خفي كان ابشع !!

ابقي اشوفك في جمصة ولا راس البر علي خير !!!!!

يعني انت اساسا قاعد بتفتي وتقر

أيه ده يا عم أيمن...........أنت مش كل سنة بتطلع بلطيم ؟؟؟
أشمعنى السنة دى ؟؟
ولا عشان راس البر قريبة من بورسعيد ؟؟؟:U_thin1[1]:

لا يا محمد يا مصطفي مش بفتي .....

العربية عندي اما ضربوا كويلين في وقت واحد .... ممشيتش اكتر من سرعة 30 ... يعني مينفعش تمشي بيها ... فككك مني !!!

اما الاقر ...... دا موضوع تاني

مع تحياتي ..

ايمن مومو
رئيس رابطة رينو في جمصة

اقتباس:

---

المشاركة الأصلية كتبت بواسطة amr_moh

لو اتنين أطعين تماماً حتطفي ، عن تجربتي مع الكويلس لم أفك فشتين فنفس الوأت

---

يمكن أنا لما باظ عندى الأتنين كان واحد منهم مقطعش تماماً


مستنى عنوان وتليفون الراجل يا عمور.

اقتباس:

---

ولا عشان راس البر قريبة من بورسعيد

---

ما بلاش سيرة بورسعيد يا عم احمد الله يخليك.... لو كدة حصيف في مسطرد !!!!

اقتباس:

---

المشاركة الأصلية كتبت بواسطة amr_moh

لو اتنين أطعين تماماً حتطفي ، عن تجربتي مع الكويلس لم أفك فشتين فنفس الوأت

---

حصلت معايا يا عمرو الإتنين كانوا قاطعين و كانت بدور عادى بس متلتة

ما بقاش ليه لازمة خلاص يا عبد المقصود بورسعيد وان كان هوا بيقر على احمد علي بكرة يا ما هيتقر عليه وهيصيف ان شاء الله في ترعة الشابوري

اقتباس:

---

المشاركة الأصلية كتبت بواسطة mohammed moustafa

ما بقاش ليه لازمة خلاص يا عبد المقصود بورسعيد وان كان هوا بيقر على احمد علي بكرة يا ما هيتقر عليه وهيصيف ان شاء الله في ترعة الشابوري

---

:36_1_1[1]::36_1_1[1]::36_1_1[1]:

اقتباس:

---

وهيصيف ان شاء الله في ترعة الشابوري

---

جامدة قوي ترعة الشابوري

وحشني هزارك يا ايمن انت واحمد عبد المقصود ونفسي اشوفكو اوي وعقبال عندكو لما يبقى عندكو بيت سرى انتو كمان

يعم دالواحد مش قادر على بيت واحد

شاركى باشا انا كنت بهزر معاك ربنا يكون في عونك على المزكرة

الcheck geer box ظهرت تاني النهاردة مع صوت خبطة جامدة ركنت العربية و رحت بالبونتو و بكره انشاء الله هروح التوكيل

اصلي كامتهم وحجزت بس هما مصرين انها بسيطة خالص ومفيش قلق 5 مرات شيك جير بكس والرد دايما اطمان على راي حسن سبانخ في فليم الافوكاتو

ربنا يستر

من عين ايمن على سفريت الساحل دي و متختمش بساحل العاج

بهزر معاك يا ايمن واتمنى اشوفك هناك

كدة يبقي كويل اكيد ............ انت غسلت موتور العربية؟

سهلة يا كبير ... وطمنا عليك قبل ما تلبس المايوة وتسافر الساحل.

اقتباس:

---

المشاركة الأصلية كتبت بواسطة Sharky

حصلت معايا يا عمرو الإتنين كانوا قاطعين و كانت بدور عادى بس متلتة

---

:U_thin1[1]:
يبئة غالباً يا شرقي ماكانوش دد تماماً / بياقطعوا يعني .. عايز تجرب فك فشتين مل ٤ حتلاقي العربية طفت

عموماً لو العربية متلتة يعني واحد بس عطلان ممكن تمشي بتأني لكن لو اتنين أطعين تماماً يعني الموتور داير ب-٢ سلندر بس،، خطر جداً إنت كدة ممكن تكسر بستم
:rfds:

اقتباس:

---

المشاركة الأصلية كتبت بواسطة Ahmed Aly

وحشني هزارك يا ايمن انت واحمد عبد المقصود ونفسي اشوفكو اوي وعقبال عندكو لما يبقى عندكو بيت سرى انتو كمان

يعم دالواحد مش قادر على بيت واحد

شاركى باشا انا كنت بهزر معاك ربنا يكون في عونك على المزكرة

الcheck geer box ظهرت تاني النهاردة مع صوت خبطة جامدة ركنت العربية و رحت بالبونتو و بكره انشاء الله هروح التوكيل

اصلي كامتهم وحجزت بس هما مصرين انها بسيطة خالص ومفيش قلق 5 مرات شيك جير بكس والرد دايما اطمان على راي حسن سبانخ في فليم الافوكاتو

ربنا يستر

من عين ايمن على سفريت الساحل دي و متختمش بساحل العاج

بهزر معاك يا ايمن واتمنى اشوفك هناك

---

إن شاء الله بسيطة .. لو عايز تاخد فكرة عن الكولات وطريقة تركبها بص عل موضوع دة:_Alshmokh22[1]:
http://www.nilemotors.net/Nile/showthread.php?t=79485

العربية بتتهز معاك على السلانسية يا باشا ؟؟
و و أنت بتطلع بتحس أن السحب ضعيف جداً لحد لما تعدى 3 rpm ؟

لو كده يبقى كويل.....و فعلاً هتلاقيها بسيطة جداً.......مش هتاخد 10 دقايق شغل

اقتباس:

---

المشاركة الأصلية كتبت بواسطة amr_moh

:u_thin1[1]:
يبئة غالباً يا شرقي ماكانوش دد تماماً / بياقطعوا يعني .. عايز تجرب فك فشتين مل ٤ حتلاقي العربية طفت

عموماً لو العربية متلتة يعني واحد بس عطلان ممكن تمشي بتأني لكن لو اتنين أطعين تماماً يعني الموتور داير ب-٢ سلندر بس،، خطر جداً إنت كدة ممكن تكسر بستم
:rfds:

---

دا إللى اتقالى من التوكيل يا عمرو ان الإتنين كانوا قاطعين
و كلمة متلتة دا وصف تقريبى فقط لحالة العربية

و على فكرة انا لما كنت بعمل صيانة سابقة فى توكيل العبور كان فيه مهندس من شركة كرايسلر مصر معاه ميجان و بيقول العربية محتاجة تغير كويل
و لما كشفوا عليها قالولوا الأربعة عايزين يتغيروا !!!
طيعا الراجل قالهم مستحيل انا مهندس و عارف ان ماينفعش الأربعة يكونوا ضاربين و العربية تكون شغالة دخلوه الورشة علشان يتأكد و طلع و لما سألته قالى فعلا كان فيه 3 قاطعين نهائى وواحد على وشك !!
و استغرب و قالى غريبة قوى العربية دى :36_1_1[1]:

انا كنت النهارده في المقطم بعمل صيانه 100000
وقالوللي ان في كويل محتاج يتغير
مع العلم اني مش حاسس باي تقطيعه او اي حاجه من اعراض تلف الكويل

اقتباس:

---

طيعا الراجل قالهم مستحيل انا مهندس و عارف ان ماينفعش الأربعة يكونوا ضاربين و العربية تكون شغالة دخلوه الورشة علشان يتأكد و طلع و لما سألته قالى فعلا كان فيه 3 قاطعين نهائى وواحد على وشك

---

من غير زعل كلام مستحيل يحدث فالواقع
أنا طبعاً متفهم انك بتنقل الحوار الدار - يعني مبتكلمش فالمصداقية أكيد

وبعدين التجربة مفيش أسهل منها .تعالى أفصلك ٣ كويلات وحاول تتحرك متر واحد
دة على إفترض إن العربية رضيت تدور أصلاً

يا عمرو انا بقولك مهندس فى توكيل كراسيلر قالى الكلام دا بعد ما شاف بعينه
و دا راجل مهندس و فاهم اكيد زى بتوع التوكيل

ثم بتقول كلام مستحيل يحدث فى الواقع و بقولك التوكيل و مهندس كرايسلر قالوا كده قدامى و المهندس نفسه ماكنش مصدق لحد لما دخل و شافو إستغرب زيك كده
لكن سكت لإنه شافها قدامه على الواقع

العربية في التوكيل النهاردة و هعمل توبيك خاص لصيانة ال 40000 بعد مستليمها وده ملخص الشكوى بتعتي في تقرير تسليم العربية

1. رسائل مراجعة الجير البوكس المتكررة
2.زيادة ملحوظة في استهلاك البنزين
3.صوت المتور عالي جدا عند استخدام التكييف
4.العزل سيئ للغاية بعد تغيير الباب الخلفي يمين
5.تسارع السيارة اصبح ضعيف الى حد بعيد

1.حركة المرايات بطيئة ومتقطعة عند الضم
2.فتحة السقف تتحرك بخشونة
3.زجاج الباب اليمين الامامي يصدر اصوات مزعجة عند الاستخدام
4.يجب مراجعة تربيط العفشة بالكامل

اقتباس:

---

يا عمرو انا بقولك مهندس فى توكيل كراسيلر قالى الكلام

---

ياسلام ،، يعني هو البيكلمك عجلاتي :36_1_1[1]: مهندس بردو

بص يا كبير المية تكدب الغطاس زي ميبئلو

تعالى أفصلك ٣ كويلات وحاول تتحرك متر واحد
دة على إفترض إن العربية رضيت تدور أصلاً

على العموم انا قلت اللى شوفته و اللى اتقالى
و الناس اللى هناك برضه مهندزيييييييييييييييييين :36_1_1[1]:


معلومة جديدة بالنسبة لى انك مهندس
هو انت مهندس إيه عمرو ؟

اقتباس:

---

هو انت مهندس إيه

---

بيقولو ميكانيكا عين شمس من يجي ١٠ سنين


وبعدين مش عيب تبئة صاحب موضوع معك رينو عرفنا بنفسك ولسة بتسأل !! .دنا حفظتكوا واحد واحد
:rfds:

يعنى ممكن تطلع إشاعة طالما بيقولوا و غير مؤكدة :36_1_1[1]:


شغال فين يا عمرو؟

اقتباس:

---

يعنى ممكن تطلع إشاعة

---

أنا بردو مش متأكد :U_thin1[1]:

اقتباس:

---

شغال فين

---

حبئة أبعتلك ال
-CV

طب يا جماعة مدام موضوع الكويل ده مشكلة عبيطة اوي كدة بس مكررة كتير جدا .

ماحد فيكم يتكرم و يبعت للتوكيل في فرنسا يصلحوا الموضوع ده ؟ يعني اكيد سهل عليهم ؟ و لا هو اتصلح في موديلات 2009 ؟

مش علشان يعني حينزلوا ميجان 3 ينفضوا للميجان2 !

( قبل ماحد ياكلني و يقلب الموضوع الي عيوب المجيان ) انا بتكلم بحسن نية علشان فعلا ده من المواضيع الي ملهاش لازمة الي بتقلل من سمعة السيارة الجميلة دي .

يا اما التوكيل يديكم علبة كويلات هدية مع كل سيارة :)

وياترى السمبول فيها نفس الكويل ؟

---

استاذ احمد علي , انبطاع حضرتك ايه عن البونتو بعد الميجان ؟

شكرا .

الموضوع ده المفروض أنه محلول من موديلات 2007 و طالع.....أحمد على عنده موديل 2008 بس جايز يكون عيب تصنيع عادى.

mainly in 2004-2005-2006

في كويل نزل جديد ... الماني .. عشر سنين ضمان. اسود شفاف من فوق.

التوكيل لما لقى العبد لله علطول بغير في التوكيل عيزني اغلط غلطت المرة اللي فاتت وغير تيل الفرامل عندهم تاني

باين عليهم مسمعوش عنك يابو ايمن

محتاج تيا فرامل امامي بس وصاية ومن على وش القفص ومعاه واد جن يركبه ويكون مجايب ايمن او احمد عبد المقصود ( الاستشاريين الخاصين بالحلوة الامورة ميجان تو ) ( تو)

سالت على البركينج سينسور قالى الشب اللطيف 350 +350 تركيب اصلو باين بيركب طقم اسنان ( يلزمه دكتور تخدير + 3 ممرضات+استشاري افاقة) ربنا يشفي

هيسلموني العربية ان شاء الرحمن يوم الاربعاء عشان هيفكوا الفيتيس اصلوا بيديهم رسالة (high Pressure)

مش بقلوكوا دول باين عليهم دكاترة بكره يقولي خالص كل حاجة تمام 120/80 normal

اقتباس:

---

المشاركة الأصلية كتبت بواسطة momo10000

في كويل نزل جديد ... الماني .. عشر سنين ضمان. اسود شفاف من فوق.

---

دا نزل فين يا أيمن و بكام ؟؟

اقتباس:

---

المشاركة الأصلية كتبت بواسطة momo10000

في كويل نزل جديد ... الماني .. عشر سنين ضمان. اسود شفاف من فوق.

---

مش فاكر إسمهة ?

اقتباس:

---

المشاركة الأصلية كتبت بواسطة Amr_Moh

حبئة أبعتلك ال
-CV

---

ماجليش الـ CV يا عمرو :colsmil:

و كل سنة و انت طيب :happybday: