الموضوع: مساعدة يا رجالة البى إم

ليه الناس اللى عندها فكرة

بخلانة بالمعلومة ..

لأ محبش
بس لاحظت ان فيه ناس هنا في القسم , شافت مواضيع بعد موضوعى و ردت عليه و طنشت سؤالي
مع انها ردت على كذا موضوع مشابه في موضوع تسعير لعربيات بي ام

عامة شكرا لردك ..

و كمان صرفنا نظر عن العربية بعد ما عملنا تقرير في البافارية
و للاسف كانت من عند منيب

المشاركة الأصلية كتبت بواسطة speed4speed

هى المشكله ان الموضوع دا مكرر كتييييير
و لو دخلت جوا القسم حتلاقى مواضيع كتير عن الموضوع دا
عامتا لو هى 2005 الشكل الجديد حتعمل فى حدود 140 او 150 الف
علشان كان فى واحده مو 2007 و ب 175 الف
لو الشكل القديم معتقدش انها تزيد عن 120 الف

اتكرر آه و لكن كل وقت و ليه آذان

يعنى مينفعش الاجابة تبقى واحدة في كل موضوع و فى كل وقت

----

على اي حال , العربية كانت الشكل القديم لان الجديد من 2006 و كانت هتخلص 142 الف و حاسس انه كتير

المشاركة الأصلية كتبت بواسطة tyler_durden

منيب ده كله بيتكلم إن عربياته نظيفة..إيه المشاكل الي كانت في العربية بالظبط

بص يا سيدي

العربية اللى شفناها مواصفاتها كالتالي

316/2005 اللون فضى و ماشية 55 الف كيلو و رشه جانبين و الباقي فابريكه و الصالون نظيف ,
المشكلة ان بعد ما عملنا تقرير البافارية طلع الاتى :

آثار خبطة من اسفل السيارة
محتاجة علبة دريكسيون
/ طلمبة زيت باور / لاكور بتاعها
/ مقصات امامى و جلب مقصات امامي
/ مساعد خلفى و امامى
جوان كاتيرة و جوان اورنج مقاس لزيت المحرك
اربع فرد عجل / لوجود تآكل في الكاوتش عالى وواطى
كارتيرة مثلثة
2 ماكينة زجاج امامي
ضبط زوايا
طنابير عجل
تيل امامي و خلفى
فلتر بنزين

فيه حاجات تانى صغيرة زي ريشة مساحة و خدش بالزجاج و خراطيم بنزين . بس قلنا التوكيل بيحبكها

و طبعا

و بعد ما اخدنا التقرير و صرفنا نظر عن العربية و خاصة ان التكلفة ممكن توصل الى 25 الف لو اتعملت في التوكيل ... طبعا ضربنا طناش على العربية

و لكن احمد منيب اتصل بينا بعدها بيومين و قال تعالوا قابلونى و ممكن نتفاوض في السعر و ننقصه 5 الالاف و لكن طبعا السعر عالى .. و اعتقد ان سعر العربية العادل هو 120الف ...

و لكن لا اعتقد انه ممكن يرضى بيه و لم نذهب للمحاولة بالاضافة لاعتقادنا ان عداد الكيلومترات ده ملعوب فيه لان مش معقولة عربية ماشية الكيلو القليل ده يبقى فيها كل قطع الغيار دي و ده معناها حاجتين في نظري :

يأما ده تأثير الخبطة اللى في اسفل السيارة
يأما صاحبها كان بيستخدمها استخدام سيئ

و في الحالتين , حرام ان يدفع فيها المبلغ اللى كان مطلوب ده