زيادة كفائة التكييف

**haythamkmal** · 31-07-2009 03:05 PM

فى واحد فى جسر السويس عنده الجهاز الموجود فى التوكيل لشحن التكيف ، ان جربتة وفعلا بيدى اعلى كفاءة لانى بيعتمد على الشحن بصمامين هاى بريشر و ال لوبرشر ، وكمان الجهاز هو البيعمل الفاكيوم وتنظيف داءرة التكيف و تحديد مقدار الزيت فى الدائرة حسب نوع و موديل السيارة .
اسمة سليمات الاطير ... وتليفونة 0101953673 ومكانة خلف سنترال النزهه - من جسر السويس - امام الجراج
هو كهربائى كمان فوق الممتاذ

**khaledfox** · 11-08-2009 09:16 PM

تسلم ايك يا باشا وشكرا على النصيحه

**gaafar13** · 11-08-2009 11:08 PM

على فكره التكيف بتاعها انا تعبت معاه ودا احد اسباب بيع العربيه

وعملت معاه البدع

غيرت الكباس حطيت الكباس الكبير ومحستش باى تغيير

غيرت الكباس و غيرت الخراطيم كلها وغيرت السربنتينه وغيرت السكسبنشن

وولا حيات لمن تنادى كل اللى كان ناقص انى اغير التلاجه

**khaled_rafea** · 12-08-2009 10:02 AM

لا حول ولا قوة إلا بالله, يعنى مفيش امل !!!

**Khalid Shalabi** · 30-09-2009 12:07 AM

مع اني كنت بشتكي من كفاءة التكييف في سيفيك 93 Si و لفت برضة و عملت كل حاجة

الحمد لله ربنا هداني لكهربائي اسمه نزية في حرفيين زرزارة ببورسعيد - فك التكييف كله بالكامل و نطفه و غير ماسورتين و الايدل و الجزء اللي ورا درج التابلوة كان مسدود جدااا و طبعا شحنه R12 والحمد لله دلوقتي تلاجة - بشغلة 3 في عز الضهر و 2 او 1 بليل

نزية دا اصلا اختصاصة ظبط ضفيرة و كنترول و كهرباء المواتير المتسقطة

هجيب رقم تليفونه بكرة ان شاء الله لو حد مهتم بس طبعا محتاجة زيارة لبورسعيد و 4 ساعات تقريبا

تحياتي :)

**kimoboy** · 30-09-2009 11:37 AM

Try to change the AC fan with a bigger one and stronger and that will help

المشاركة الأصلية كتبت بواسطة khaled_rafea

لا حول ولا قوة إلا بالله, يعنى مفيش امل !!!

**SAMEH_FOUAD** · 04-10-2009 03:34 AM

استاذ جعفر انت ازاى كان معاك ماتور sir وبتقول التكيف وحش
انا الحمد لله التكيف فى الايام بتاعة الحر اللى فاتت الجامدة وفى توقيت الساعة 2 الظهر بشغلة على 4 اول خمس دقايق ,وبعد كدة تلاتة حوالى عشر دقايق ,وبعد كدة بتلج وبجيبة على اتنين وساعات واحد ,بس مابقيتش بجيبة على واحد عشان الشمس معاكسة ليا دايما فابتبقى متسلطة على العربية لكن غير كدة مافيش اى حاجة
كنت ممكن تغير التلاجة من الاول او تنظفها وهتلاقى الدنيا بقت تمام
وياريت بقى تقولنا اية الاخبار مع السيراتو الجديدة وفرق التغير ,وطبعا كان ماتور الsir اقوى فى السحب والتسارع والسيراتو اقل فى القوة عارف تمشى بيها عادى ولا مش فارقة