الموضوع: الكارينز بعد 1200 كم (الكارينز لا تقارن)

مبروك يا باشا وربنا يكفيك شرهـا

المشاركة الأصلية كتبت بواسطة heha

أنا أستلمت العربيه من أسبوعين وعامله دلوقتى 1200 كم وأنا لسه راجع من الساحلالشمالى أمبارح ودى أنطباعاتى عن العربيه

1- السحب جيد( على فكره همه عاملين حاجه غريبه فى دواسة البنزين أنا أول مره ألاقيها فى عربيه - لودست على الطرف السفلى للدواسه بيكون السحب مش جامد أوى بس لو دست على الدواسه من فوق الدواسه متركبه على رجلاش بتتقلب لقدام وتروح نازله وفى الحاله دى بيكون السحب تحفه والتسارع رائع أكنك عملت كيك داون ذى اللى فى بعض السيارات اأوتوماتيك
2- العفشه مش وحشه ومش تحفه
3- الوسع الداخلى كبييييييييييييير أوى ى ى ى وللعلم أنا طويل شويتين ومرجع الكرسى على الأخر واللى قاعد ورايه مستريح جدا جدا والشنطه واسعه أوى ى ى ى ى أتا لو قلتلكم أنا كنت حاطط فيها أه وأنا مسافر مش هتصدقه
4- مش لازم أقولكم على الثبات لأنه حتى بالمنطق مستحيل عربيه بالعرض ده والوزن ده ويكون ثبتها وحش
5- الحاجه بس اللى مش عجبان أن صوت العربيه بيعله لمجرد وصول الأر بى أم ل 3000 بس لما سألت قالولى بس عشان من منطق التوفير همه شايلين العزل اللى فى الكبوت فده اللى بيسمعنى الصوت
6- حاجه تانيه مش عجبانى هيه إضاءة الكاسيت لونها أزرق وإضاءة التابلو ه برتقالى فمش ماشيين مع بعض وده بسبب إن الكاسيت طبعا بيركب هنا فى مصر مش بتاع الفابريقه
7- معلش مش هقدر أقيم التكييف عشان أنا متعود مع أى عربيه جديده ماشغلش التكييف غير بعد 2000 كم
8- عند وصول سرعة العربيه ل 120كم فى ألارم بضرب وتظهلر لمبه فى التابلوه مكتو ب عليها 120
9- بصراحه أنا ماحستش بأى مشكله لحد دلوقتى بس أعتقد إن التقييم بتاع الفرامل بيكون فى المواقف الطارئه

....* على فكره حاجه غريبه جدا كاتبنها فى الرخصه بتاعة العربيه أنتوا عارفين العربيات العاديه بيكتبوا فى الرخصه إن الشكل ليموزين دى مصنفنها ذى ال 4*4 وكاتبنها جييب مقفول

استاز هيها انا استلمت العربيه من اسبوع وعملت بيها حوالي 450 كيلو انا متفق معاك في كل الي قلته بس كان ليه ملحوظتين
الاولى موضوع السحب انا حسيت انها مابتجمعش 100 100 الا لما بتعدي 2000 ار بي ام بس انا مااخدتش بالي من موضوع الدواسة الي حضرتك قلت عليها علشان كده حجرب وارد عليك ان شاء الله

تانيا موضوع التكييف انا من اول يوم وانا مشغله وهو حاجه فوق الممتازة علما بان معايا سيارة تانية لانسر 1500 اعلى فئة 2008 بس تكييفها اقل من الكارينز بس انا لاحظت انه بيحمل على الموتور اكتر من الانسر واعتقد ان قوة الكوبريسور بتاع الكارينز اعلى من الانسر نظرا لفرق المساحة الداخلية بين الاتنين وده ممكن يفسر قوة التكييف في الكارينز وتحميله على الموتور اكتر من الانسر فياريت لما حضرتك تبقى تجرب التكييف تبقى ترد عليا في الملحوظة دي

غير كده العربية عندي احلى من الانسر بكتيير مع ان فرق السعر حوالي 55000 جنيه
بس برده الانسر (اوتوماتيك ) مالهاش حل في التجميع حيث ان اول ما بقرص على الدواسة للاخر اول حاجه ال ار بي ام بيطلع وبيوصل 5500 ار بي ام في ثانيه وبعدين تلاقي العربيه بيطير ده مابيحصلش عندي في الكارينز بس انا لسه ماجربتش موضوع الدواسة الي حضرتك قولت علي وكمان لازم ناخد في الاعتبار وزن السيارة الي بيزيد اكتر من 300 كيلو عن الانسر

المشاركة الأصلية كتبت بواسطة ak1981

مقارنة ظالمة في السحب مع لانسر لسبب بسيط ان لانسر عربية خفيفة جدا و سيدان

كارينز عربية تقيلة و كبيرة و عائلية و اكيد اللي جايبها مش ناوي يطير بيها :)

انا في راي ان المقارنة مش ظالمة خالص لان الانسر بتجمع من 0 - 100 في 13 ثانية اما السيراتو في 11 ثانية والكارينز نفس موتور السيراتو 11.9 ثانية (تقريبا 12 ثانية) وده تاثير فرق وزن السيارة وده معناه ان التسارع بتاع الكارينز اعلى من الانسر بس الملحوظه بتاعتي ان الانسر بتجمع مباشرة لان فيها حساس رياضي بيفصل الحركه عن الموتور علشان يرفع ال ار بي ام عند قدرة للمحرك وهي اعتقد 6000 اربي ام لان زي ما حضرتك عارف ان قوة الموتور بتعلى مع ال ار بي ام لغاية ما توصل لاعلى قيمة وبعدين تقل وهيه دي تكنولوجية الحساس الرياضي
وكل الكلام ده وانا لسة ما جربتش موضوع الدواسة زي ما قال الاخ

وبصورة ابسط ان لو ان بتسابق بالعربيتن اول ما حنطلع الانسر حتطلع وتسبق الاول وبعدين الكارينز حتحصلها وتسبقها في اخر ثانية (ده في حالة الانطلاق من 0 -100)
ده في حالة الدواسة العاديه لغاية ما اجرب موضوع الدواسة الي الاخ قال عليه

ماهو معدل استهلاك البنزين للسيارة ؟
وما هو مدى كفاءة الفرامل ؟ وكذلك في عدم وجود abs \ ebd هل يؤدي ذلك لاي انحراف اثناء الفرامل ؟
وما هي كفاءة المكيف ؟ ومدى مناسبته للحجم ؟ خصوصا بعد نزع كونسول الوسط الذي كان يحوي فتحات تبريد للكنبة الخلفية .. ؟

يعني ايه العفشة مش وحشة ومش حلوة؟