أفيدونا ... كورولا 2003 ولا نيو سيراتوا 2009 مانيوال

بصراحة يا جماعة مش عارف ابتدى منين ... من كتر ما قريت مشاركات واراء حسيت فعلا ان الناس هنا فى المنتدى ماشاء الله محدش بيخبى معلومة او بيبخل بيها على اخوة ... فى البداية اقول ظروفى عشان الناس تحط نفسها مكانى وتقدر ترشحلى الأحسن انا كنت بفكر فى النيو سيراتوا وكنت ناوى اشتريها بالقسط بس فى ظل الظروف الإقتصادية الواحد قلقان جدا فا جاتلى فكرة تانية وهى عربية كورولا تكون موديل 2003 او 2004 كاملة مانيول او حتى اتوماتيك مش هتفرق كتير ... يعنى من الآخر كورولا مستعملة موديل 2003 او 2004 حالتها كويسة اشتريها كاش واريح دماغى .... ولا ادفع 60 او 70 الف مقدمة للنيو سيراتو واقسط الباقى مع العلم انى بفكر فى المانيول من النيو سيراتوا .... افيدونى افادكم الله

اشتري على قد اللي معاك وابعد عن القسط طالما تقدر تجيب كاش ، القسط بيكون دوشة وبتدفع فلوس زيادة في الفايدة ومصاريف ومصاريف بنكية وتخليص اوراق ووجع دماغ كتير ده غير أنها فيها شبهة حرام ان ما كانش اكيد، وبعدين اصلا أنا متهيألي أنك لو جبت كرولا 2004 حالتها نضيفة ويا ريت 1600 هتكون احسنلك من النيو سيراتو أول فئة مانيوال ، وربنا يوفقك

اولا على حسب امكانياتك وحسب التزاماتك طبعا الكاش مافيش احسن منه ...
بالنسبة لنقطة 2004 حتى لو حالتها نظيفة فهي كده مر عليها 5سنين ونصف يعنى بداية الدخول في المصاريف اللي هتكون ممكن ثابتة ...الجديد مريح في النقطة دي ..بس لو مش عايز دوامة الاقساط يبقى الكورولا 2004 احسن ليك في الحالة دي من المازدا 3 ......

اقتباس:

---

المشاركة الأصلية كتبت بواسطة mohammedsamirabdeen

الكورولا 2004 احسن ليك في الحالة دي من المازدا 3 ......

---

:Ta_clap[1]:
مش عارف ايه اللي جاب المازدا3 في الموضوع .. والله الواحد سعات بيحس ان المنتدى بيقلب حضانة ... ربنا يهدي

اقتباس:

---

المشاركة الأصلية كتبت بواسطة justs

:pointi~2[2]::pointi~2[2]::pointi~2[2]::pointi~2[2]::pointi~2[2]::pointi~2[2]::pointi~2[2]::pointi~2[2]:
مش عارف ايه اللي جاب المازدا3 في الموضوع .. والله الواحد سعات بيحس انالمنتدى بيقلب حضانة ... ربنا يهدي

---

يعني لو الراجل بيقارن كورولا 2004 بمازدا 3 جديدة سعادتك كنت هاتقوله برده هات كورولا ؟؟؟؟:whtauwant:وبعدين انا عايز اعرف ليه كل مقارنة فيها سيراتو باحس منك ان احنا بنقارن العربية المذكورة مع الهواء؟؟؟؟؟؟؟:rfds:ليه مدى استبعادك ليها بالشكل ده حضرتك جبت مازدا 3 وربنا يباركلك فيها بس ليه الهجوم ده ؟؟؟؟؟وبعدين حضانة علشان بنقول على حاجة كويسة زي السيراتو مثلا يبقى كده لما نقول ونقارن ونرشح مازدا 3 مش برده كده حضانة!!!!!!!!!ربنا فعلا يهدي:_Alshmokh22[1]::ask:

الموضوع مش مستاهل يا رجالة

اللى عنده نصيحة يقولها و كفاية........الهدف من المنتدى أن أحنا نفيد و نستفيد.

بعيداً عن نقطة الكاش والقسط ( طبعاً الكاش أريح )
أعتقد السيراتو الجديدة أحسن من كورولا 2003 أو 2004 فى رأيي الشخصى...........

اقتباس:

---

المشاركة الأصلية كتبت بواسطة mohammedsamirabdeen

يعني لو الراجل بيقارن كورولا 2004 بمازدا 3 جديدة سعادتك كنت هاتقوله برده هات كورولا ؟؟؟؟:whtauwant:وبعدين انا عايز اعرف ليه كل مقارنة فيها سيراتو باحس منك ان احنا بنقارن العربية المذكورة مع الهواء؟؟؟؟؟؟؟:rfds:ليه مدى استبعادك ليها بالشكل ده حضرتك جبت مازدا 3 وربنا يباركلك فيها بس ليه الهجوم ده ؟؟؟؟؟وبعدين حضانة علشان بنقول على حاجة كويسة زي السيراتو مثلا يبقى كده لما نقول ونقارن ونرشح مازدا 3 مش برده كده حضانة!!!!!!!!!ربنا فعلا يهدي:_Alshmokh22[1]::ask:

---

يا استاذ محمد .. أنا والله غلبت معاك .. مش عارف أنت محسسني انك ابن اخت صاحب توكيل كيا ، وبعدين يعني انت متخيل انه هقول راي للراجل لمجرد الهجوم على عربية ، أكيد لأ . كل الفكره اني بقوله وجهة نظري بكل امانة مش اكتر ، وبعدين أنا بصفة شخصية مقتنع ان التقسيط البنكي هوه عبارة عن قرض وبالتالي حرام ، بالذات انه ينفع يجيب كاش وقدامه بديل كويس زي الكورولا ،

حتة بقه اني بقول حضانة .. فدي أنا عندي فيها حق ، لأنك جبت المازدا3 في الموضوع والراجل اصلا مش حاططها في المقارنة ، وبجد من غير زعل ده شغل عيال ومينفعش يحصل منك ، فيا ريت تترفع شوية عن هذه الصغائر عشان مش كل موضوع تتذكر فيه السيراتو واقول رأي تروح انت داخل رادد بالطريقة دي ونبوظ لصاحب الموضوع هدفه الرئيسي من الموضوع ، ومتزعلش نفسك يا سيدي ، السيراتو أحسن عربية حتى لو مش عجباني انا ، والمازدا3 اوحش عربية وعجباني واشتريتها .. بس يا عم .. يا ريت تهدى بقه .:_Alshmokh22[1]:

الكاش احسن كتير بعيدا عن مقارنه العربيتين ببعض

يا سيدي لا احسن ولا حاجة ومتزعلش يا هندسة وكل واحد حر في رائيه ووالله انا مقربش حتى لحارس الامن اللي في توكيل كيا بس متاخذنيش انا ملاحظ دايما انك مشرك الكيا مش عارف ليه رغم ان محدتش بيشرك المازدا هتقولي لان لا عليها غبار ماشي ياسيدي ممكن اي حد يكتب ويشرك فيها بل معرفة وللعلم برده انا مابكرهش المازدا وبحبها وفعلا هي عربية ممتازة بس محدش مقدرها في مصر الا اللي يعرف قيمتها وانا عارف قيمتها وحقك عليا يا سامح باشا ............

اقتباس:

---

المشاركة الأصلية كتبت بواسطة mohammedsamirabdeen

يا سيدي لا احسن ولا حاجة ومتزعلش يا هندسة وكل واحد حر في رائيه ووالله انا مقربش حتى لحارس الامن اللي في توكيل كيا بس متاخذنيش انا ملاحظ دايما انك مشرك الكيا مش عارف ليه رغم ان محدتش بيشرك المازدا هتقولي لان لا عليها غبار ماشي ياسيدي ممكن اي حد يكتب ويشرك فيها بل معرفة وللعلم برده انا مابكرهش المازدا وبحبها وفعلا هي عربية ممتازة بس محدش مقدرها في مصر الا اللي يعرف قيمتها وانا عارف قيمتها وحقك عليا يا سامح باشا ............

---

حصل خير ومفيش اي حاجة ... وربنا يبارك لكل واحد فيما رزقه ، وعلى فكره والله انا مش متعمد اني اشرك الكيا ولكن بقول رأي اللي مقتنع بيه.. واهو كله صاج على عجل مش مستاهلة حد يضايق نفسه ..

وبعدين السيراتو ممكن تجيب المازدا والعكس بس بطريقة موازي عمود موازي ......... هندسة وصفية بقى زي ما اخدنا

والله يا جماعة مش عارف اشكركم ازاى بجد مشاركتكم جميلة ومفيدة وكمان روح الدعابة والخناق خلت الموضوع لية طعم تانى فعلا صحيح زى ما بيقولوا ما محبة الا بعد عداوة وربنا ما يجيب عداوة .... ياريت بقيت الأعضاء يشاركونا ويقولونا رايهم اية

بص ياباشا الموضوع باختصار

لو مش عايز تزنق نفسك فى اقساط

هات مستعمل حالتها كويسه

ولو انى بافضل الزيرو دايما

لو هاتجيب قسط

أكيد الزيرو احسن

والسيراتو أفضل اختيار

شوف هو الكاش افضل بكتير من وجع القسط وتعبه وشبهه الحرام اللي فيه
ولكني ايضا لا ارجح كفه المستعمل الا لو كانت عربيه انت عارف صاحبها وشايف وعارف حالتها لان النصب في الحاجات دي كتير قوي ومهما كشفت وعملت ساعات بتكتشف بلاوي مستخبيه
دور علي عربيه زيرو في حدود الكاش اللي معاك حتي لو كانت امكانياتها بسيطه ولكنها افضل مائه مره من عربيه مستعمله ايا كانت نوعيتها

اقتباس:

---

المشاركة الأصلية كتبت بواسطة nano1980

شوف هو الكاش افضل بكتير من وجع القسط وتعبه وشبهه الحرام اللي فيه
ولكني ايضا لا ارجح كفه المستعمل الا لو كانت عربيه انت عارف صاحبها وشايف وعارف حالتها لان النصب في الحاجات دي كتير قوي ومهما كشفت وعملت ساعات بتكتشف بلاوي مستخبيه
دور علي عربيه زيرو في حدود الكاش اللي معاك حتي لو كانت امكانياتها بسيطه ولكنها افضل مائه مره من عربيه مستعمله ايا كانت نوعيتها

---

:36_1_1[1]::36_1_1[1]::36_1_1[1]:

لو هتشترى كاش كنت هقولك النيو سيراتو اكيد

لكن هقولك برده حاول تشترى عربية زيرو فى حدود المبلغ المتاح معاك وابعد عن المستعمل حتى لو كان كورولا






تم غلق الموضوع لتحوله لمشاحنات واستفزاز
مشرف عام 1