الموضوع: قاعدة الجمل

علشان تتاكد انها فعلا محتاجه تتغير
اولا هاتخلى واحد يكون فى العربيه والموتور طبعا شغال
بدون استخدام فرامل الرجل يقوم بتحريك الفتيس من وضع d الى وضع r مرورا طبعا بـ n وطبعا فرامل اليد مرفوعه للاخر علشان العربيه ماتتحركش والموتور بس هو اللى يتحرك
هنا بقا واحد يكون واقف وعينه على القاعده زى ماهى موجوده فى صوره 3 ويشوف الكاوتش الداخلى ليها بيتحرك ومقطوع ولا لا
وطبعا الكلام ده كله لما تحس ان العربيه فيها اهتزاز وهابده بين نقل غيارات الفتيس

على فكره فى قاعدتين كمان فى واحده تقدر تشوفها بعينك من غير ما تفك حاجه بين الريداتير والفرن تحت خالص
والتالته تحت علبه الهواء مش بتتشاف الا لما تتفك

بس اللى فى الصوره دى بتاعه لانسر بومه وسعرها اكتر من كده
ع العموم هاجيب ليكوا اسعار الثلاثه وابلغكوا ان شاء الله