-
بالصور، عمارة واقعة على وشها!
-
انا عايز اعرف سوال واحد بس
ازاى الخوازىء دى تتكسر؟
دى بتبقى المفروض حاجة جامدة اوى يعنى
-
اقتباس:
المشاركة الأصلية كتبت بواسطة fadi ezzat
انا عايز اعرف سوال واحد بس
ازاى الخوازىء دى تتكسر؟
دى بتبقى المفروض حاجة جامدة اوى يعنى
نستنى مهندس مدني في المنتدى يرد على السؤال ده.
-
و تحس العمارة واقعة سليمة ...
شغل صيني برضه
-
بس والله فكرة حلوة
اهو كل واحد يطلع شقتة من غير اسانسير
الشقق كلها دور اول
واضح انها كانت لسة بتتبنى
-
بس الغريبة ان العمارة نزلت من غير اما تتكسر بصو
للحيطان الى فوق هتلاقوها زى ما هيا متاثرتش اكيد فى حاجة غلط
-
-
-
اقتباس:
انا عايز اعرف سوال واحد بس
ازاى الخوازىء دى تتكسر؟
فعلا الخوازيق المفروض تبقى جامده اوى
لكن اللى حصل فى الصور ده حاجه من 2
1- تصميم احمال غلط من البدايه
2- تنفيذ الخوازيق غلط يعنى ممكن يكون الحديد اللى فى الخوازيق غير مطابق للمواصفات او كميه الحديد اقل من الكميه اللى المفروض تكون موجوده (اعتقد ان الحديد اللى فى الخوازيق اتعرض لقوه شد كبيييير مقدرش يقاومها فحصل اللى فى الصوره ده )
و ممكن تكون خلطه الخرسانه نفسها مش سليمه
ده مجرد اعتقاد من طالب فى 3 مدنى
-
ماهو ممكنيكونو عاملينها بالتصميم دا عشان الزلازل عشان اول ما الزلزال يضرب البلد يوقع العمارات سليمه ولما يخلص يعدلو العمارات تانى من غير خسائر:shyy:
-
اقتباس:
المشاركة الأصلية كتبت بواسطة ahmed.omar
ماهو ممكنيكونو عاملينها بالتصميم دا عشان الزلازل عشان اول ما الزلزال يضرب البلد يوقع العمارات سليمه ولما يخلص يعدلو العمارات تانى من غير خسائر:shyy:
يا ناااااااااااااااصح
دة كلام برضو ؟؟؟؟؟؟؟؟؟؟؟
لو فى مصر كنا قلنا ماشى..... الصعايدة هيشيلوها ويعدلوها
لكن هناك فى الصين قصيرين ..هيعدلوها ازاى
ههههههههههههههههههههههههه ههه
-
المفروض يسبوها زى ما هى دى عمرها تقريباً ما حصلت
-
بالزمة دي أساسات عمارة بالعرض و الإرتفاع ده؟؟؟؟
ده الفيلل الدورين في التجمع الخامس أساساتها أكبر من كده بمراحل...
انا هاخد الصور أعرضها علي الإجانب بتوعنا هشاوف هياقولوا إيه..
شكراً علي الموضوع :)
-
اقتباس:
المشاركة الأصلية كتبت بواسطة nadernabil
بالزمة دي أساسات عمارة بالعرض و الإرتفاع ده؟؟؟؟
ده الفيلل الدورين في التجمع الخامس أساساتها أكبر من كده بمراحل...
انا هاخد الصور أعرضها علي الإجانب بتوعنا هشاوف هياقولوا إيه..
شكراً علي الموضوع :)
ايوة كدة إفضحهم ادام الاجانب :36_1_1[1]:
-
اقتباس:
ايوة كدة إفضحهم ادام الاجانب
بس عالأقل هناك مات واحد بس !!
هنا لو قهوة وقعت على واحد تلاقي كارثة
يا جماعة إحنا اللي مفضوحين
-
مش عارف حاسس ان فية حاجة غلط فعلا دى بالبلدى اتخلعت من مكانها تيجى ازاى ؟
إية شوية هوا خلعوها بالشكل دة.
-
انا حاسس ان العمارة دى كانت ملزوقة فى الارض بالصق مش حديد واسمنت
وبعدين هى لو مبنية من طوب ازاى العمارة وقعت على الارض سليمة والطوب متكسرش
دى اكيد بلاستك
-
-
اقتباس:
المشاركة الأصلية كتبت بواسطة ehabbasha30
يا ناااااااااااااااصح
دة كلام برضو ؟؟؟؟؟؟؟؟؟؟؟
لو فى مصر كنا قلنا ماشى..... الصعايدة هيشيلوها ويعدلوها
لكن هناك فى الصين قصيرين ..هيعدلوها ازاى
ههههههههههههههههههههههههه ههه
وليه متقلش اهل بحري هايشيلوها ويعدلوها
الصعايدة متنازلين لكم عن المهمة دي
-
الغريب في لصورة دي ان الاساسات ضعيفه والحوائط جامدة وسليمة بالرغم من سقوط العمارة
-
اقتباس:
المشاركة الأصلية كتبت بواسطة eng/muhamad
فعلا الخوازيق المفروض تبقى جامده اوى
لكن اللى حصل فى الصور ده حاجه من 2
1- تصميم احمال غلط من البدايه
2- تنفيذ الخوازيق غلط يعنى ممكن يكون الحديد اللى فى الخوازيق غير مطابق للمواصفات او كميه الحديد اقل من الكميه اللى المفروض تكون موجوده (اعتقد ان الحديد اللى فى الخوازيق اتعرض لقوه شد كبيييير مقدرش يقاومها فحصل اللى فى الصوره ده )
و ممكن تكون خلطه الخرسانه نفسها مش سليمه
ده مجرد اعتقاد من طالب فى 3 مدنى
و ممكن كمان التربة نفسها مش موائمة ... لأن واضح إنها تربة طينية يعنى مشبعة بالمياه ... فممكن تكون سبب المشكلة ... و ده إللى أظنه ... لأن صعب عمارة تقع على وشها إلا لو العيب كان فى التربة مش فى الأساسات ..
ده مجرد إعتقاد طالب فى تالتة عمارة (بس أخذت Soil السنة دى و إدعولى أنجح فيها)!
-
اقتباس:
المشاركة الأصلية كتبت بواسطة relentless_mayhem
و ممكن كمان التربة نفسها مش موائمة ... لأن واضح إنها تربة طينية يعنى مشبعة بالمياه ... فممكن تكون سبب المشكلة ... و ده إللى أظنه ... لأن صعب عمارة تقع على وشها إلا لو العيب كان فى التربة مش فى الأساسات ..
ده مجرد إعتقاد طالب فى تالتة عمارة (بس أخذت soil السنة دى و إدعولى أنجح فيها)!
+11111111111111111111111
و واضح كمان انهم بيبنوا علي الاراضي الزراعيه عادي هناك من غير مشاكل :36_1_1[1]:
-
ذكرتني بالظبط بالمكعبات
اقعد ابني و ابني و في الاخر اول ما المبني يعلي يروح واقع علي وشه
حتي العماراات مسلمتش منهم
حتي اللي يخصهم مش عارفين يعملوه صح
مش بس اللي بيصدروه يعني
-
طيب المبنى نفسة مكون من اية ؟
مستحيل يكون طوب و اسمنت عادى ويفضل سليم بعد وقعة زى دى !
-
اقتباس:
المشاركة الأصلية كتبت بواسطة bossy_fadl
ذكرتني بالظبط بالمكعبات
اقعد ابني و ابني و في الاخر اول ما المبني يعلي يروح واقع علي وشه
حتي العماراات مسلمتش منهم
حتي اللي يخصهم مش عارفين يعملوه صح
مش بس اللي بيصدروه يعني
فعلا زي المكعبات
تشبيه 100%
-
واهم حاجة ان العمارة كاملة يعنى هيستغلوا بعد كده ويعملوها منتجع
-
واضح ان الصينين يقفلوا كويس قوى
شوف العمارة بعد ماوقعت الإزازا و الدهان و الواجهة الخارجية زى الفل
-
اقتباس:
المشاركة الأصلية كتبت بواسطة memoz
+11111111111111111111111
و واضح كمان انهم بيبنوا علي الاراضي الزراعيه عادي هناك من غير مشاكل :36_1_1[1]:
ممكن تبنى على الأرض الزراعية مفيش مشاكل ...
بس التربة شكلها طرية جدا و مشبعة بالمياه ... بالدليل إن المبنى وقع و ماتكسرش ...
فغالبا هبوط جامد فى جهه من الأرض
-
ازاى عمارة بالارتفاع ده كله تقع والازاز اللى موجود فيها كله سليم ؟؟
ده لو مكنش اتكسر من الواقعه كان انفجر من صوت وضغط الارتطام
مش كده ولا ايه ؟؟
-
الحمد للة عرفت العمارة اية الى حصل
الى حصل انا فى الصين فى زلاازل فيترو يعملو
العماير والبيوت على سوست بتاخد وتدى
فهنا حاجة حصلت فى الاساسات خلت اعلمارة توقع
فالسوست نزلتها لحد الارضوبعدين اتقطمت
-
العمارة سليمة بالكامل ... ازاي ؟؟؟؟ ممكن نقول احتمال تاني ... العمارة ماوقعتش ... العمارة عملوها في حتة بعيد و جايين يسقطوها في الارض اللي طلعت على مقاسها :36_1_1[1]: شغل صينيين بقى :colsmil:
-
مخدوش بالكم ان الخواذيق مفرغة ومجوفة ... هل ده طبيعي..؟
-
الحمد للة عرفت العمارة اية الى حصل
الى حصل انا فى الصين فى زلاازل فيترو يعملو
العماير والبيوت على سوست بتاخد وتدى
فهنا حاجة حصلت فى الاساسات خلت اعلمارة توقع
فالسوست نزلتها لحد الارضوبعدين اتقطمت
-
اقتباس:
المشاركة الأصلية كتبت بواسطة fadi ezzat
الحمد للة عرفت العمارة اية الى حصل
الى حصل انا فى الصين فى زلاازل فيترو يعملو
العماير والبيوت على سوست بتاخد وتدى
فهنا حاجة حصلت فى الاساسات خلت اعلمارة توقع
فالسوست نزلتها لحد الارضوبعدين اتقطمت
اللى اعرفه ان السوست دى بتكون فى البيوت بس ( اللى ارتفعها 4 او 5 طوابق على الاكثر )
لكن الابراج زى الل موجود فى الصورة المفروض انه بيعتمد على طريقه تانيه وهيا الخوازيق اللى بتكون فى النص ودى بتكون أضخم بكتير من الخوازيق التى تستخدم لمنع انهيار التربه وبيكون عددها حوالى اربعه فى منتصف المبنى اسف الاساسات وبتكون بعمق كبير وبتحتوى على نسبه كبيره من الحديد
وعلى فكره بعض الشركات الكبيره هنا فى مصر بتستخدم الاسلوب ده علشان الزلازل ولزياده العمر الافترضى للمبنى
-
اقتباس:
و ممكن كمان التربة نفسها مش موائمة ... لأن واضح إنها تربة طينية يعنى مشبعة بالمياه ... فممكن تكون سبب المشكلة ... و ده إللى أظنه ... لأن صعب عمارة تقع على وشها إلا لو العيب كان فى التربة مش فى الأساسات ..
ده مجرد إعتقاد طالب فى تالتة عمارة (بس أخذت soil السنة دى و إدعولى أنجح فيها)!
يا بشمهندس التربه طينيه و وحشه ماشى لكن الخوازيق ايه اهميتها
الخوازيق يتم استخدامها فى حاله اذا كانت التربه غير صالحه للبناء عشان اوصل لعمق كبيير و التربه عند العمق ده تقدر تتحمل احمال المبنى فبستخدم خوازيق على عمق كبير لنقل حمل المبنى الى تربه تستطيع تحمل هذه الاحمال
اقتباس:
مخدوش بالكم ان الخواذيق مفرغة ومجوفة ... هل ده طبيعي..؟
و الله هو الطبيعى اللى انا شفته بيتنفذ بعينى ان الخازوق مش بيكون مفرغ بس اكيد ده نوع معين من الخوازيق
و انا برده مازلت شايف ان المشكله مشكله كميه الحديد فى الخوازيق واضح جدا ان الحديد اتعرض لقوه شد و لم يتحملها و طبعا الخرسانه مش بتشيل شد خالص فحصل اللى حصل فى الخوازيق
-
انا عاوز احاول اشرح الصوره للناس فهحاول بمثال صغير كده
تخيل ان فى قالب طوب مثبت على سيخ حديد و سيخ الحديد ده مثبت فى التربه كويس اوى
و سيخ الحديد بيتحمل قوه شد على سبيل المثال واحد كيلو
تعالى على قالب الطوب ده و زقه من اتجاه معين هتلاقيه بيميل بسيخ الحديد و سيخ الحديد بيحصل له شد اول ما القوه اللى انت بتزق بيها تعدى واحد كيلو ( القوه اللى الحديد يقدر يشيلها ) هتلاقى السيخ اتكسر و قالى الطوب و قع على الاتجاه المقابل للاتجاه اللى انت بتزق منه
مش عارف فهمتو قصدى و لا لأ بس ده شرح على قدى كده و اتمنى يكون كلامى صح و ان العيب عيب فى الحديد
[warning] كلام طالب فى 3 مدنى[/warning]
ممكن يكون صح و ممكن يكون خطا و لو فى مهندس مدنى كبير ياريت يفيدنا
-
المفروض يا جماعه دى مش خوازيق لأكتر من سبب :
1- الخوازيق بيكون فيها حديد وبيكون على شكل اسياخ عموديه واخرى لولبيه ملتفه حول الاسياخ ودى لا فيها لا ده ولا ده
2- الخوازيق بتكون موجوده تحت سطح التربه فقط واللى احنا شايفينه ده المفروض انه سقف الدور الثانى
دول ممكن يكونو مواسير او جايز يكونو بيعملو العمدان (جمع عمود) مفرغه فى الصين
دا طبعا لو كانت الصورة حقيقية وان كنت اشك فى كده وخصوصا لوجود الزجاج كله سليم رغم ارتطام المبنى الذى يبلغ ارتفاعه أكثر من عشرة طوابق
-
عيب تصميم فى الاساسات
من الصور واضح ان الانهيار حصل فى الخوازيق ادت الى انكسارها بالصورة ده
المبنى ذات نفسه متصمم كويس بدليل عدم حدوث اى انهيار فيه
بس الخوازيق مش موجود فيها اى حديد؟؟؟؟؟؟؟ وكمان مفرغة
وده ادى الى كسرها بالطريقة ده لعدم وجود حديد يتحمل عزم الشد
و لطول المبنى ووزنه التقيل وضعف الاساسات
ادت لتكون عزوم لى على الاساسات (الخوازيق) لم تتحملها الاساسات
وبكده ممكن نتطرق لجزئية تانية
هل هى مشكلة تنفيذ (ميل فى المبنى) ادى لتكون مركبة قوى لوزن المبنى فى الاتجاه الفقى وده ادى لتوليد قوى الشد
او عيب فى التربه ادى الى هبوط قواعد المبنى وولد نفس مركبة الوزن فى الاتجاه الافقى وده برده بيؤدى الى توليد قوى شد على الاساسات
لم يتحملها حديد التسليح الغير موجود اساسا فى الخوازيق
-
اتا كنت فى الصين كل حاجة فى المبانى هناك بتتصنع جاهزة يعنى بيعملوا أعمدة وحوائط خرسانية جاهزة على التركيب والأسقف بتبقى خشب مقوى لان هما اوزانهم خفيفة فالحاجات دى بتعيش
-
الصور واضح انها متركبه
بس لو حد قال كده يبقى بيدافع عن الصين
وعينك ما تشوف الا النور بقه :>