الموضوع: انشاء مخارج لمحور التعمير تصله بالهانوفيل والبيطاش

الله ينور عليك النى اعانى لما اذهب الى العجمى

المشاركة الأصلية كتبت بواسطة maged_samy

محور التعمير طريق حيوى مهم يربط الطريق الدولى من منطقة القبارى الى مدينة برج العرب وهذ الطريق له عده منازل ولكنه عند انشاءه اغفل ان يكون له منزل يؤدى الى مناطق الهانوفيل والبيطاش بدلا من ان يضطر مستخدم الطريق الى الذهاب الى الكيلو 21 والرجوع مرة اخرى الى الهانوفيل مما يؤدى الى ازدحام منطقة الكيلو 21 وهى مدخل القادم من القاهرة ومطروح الى الاسكندرية . والحل الثانى ان ينزل مستخدم الطريق الى منطقة المكس المزدحمة بالسيارات النقل من الميناء ويمر بمنطقة الدخيلة الضيقة المزدحمة .
كل تكلفة انشاء المنازل الجديدة هى ردم جزء من الملاحة التى تفصل بين طريق محور التعمير وطريق شارع المكس مرورا بطريق ام زغيو .

طب صوتنا يوصل ازاى

انا شايفهم من سنه وهما شغالين فى ردم الوصله دى

بس برضه مستغرب الى بيصمموا الطرق دول مهندسين بجد ولا لمؤخذه ..... ولا بلاش احسن نتوقف

ملحوظات قاتله على الطريق ده وغيره فى مصر منها

* مطالع ومنازل الكبارى دائما بها هبوط ويعملوها كل ستة شهور وترجع تهبط تانى اكن دى مشكلة ازليه مستحيل حلها بشكل جذرى وفى كل مره يقفلو الطريق تماما لاصلحها

* مفيش اى بنزينة على الطريق ده او اى استراحه والمفروض ان ده طريق دولى يعنى خاضع للمعايير والشروط العالميه وده الحد الادنى

*مفيش اى دوران بشكل علمى زى الكورنيش يعنى لو فرضنا ان واحد غلط لازم ياخد الطريق لاخره عشان يرجع تانى يعنى
يمشى فوق 20 ك عشان يلف

* ناسو او تناسو محور مباشر للهانوفيل والبيطاش مع انه أب تخطيط لوزارات ومهندسين وشركات متخصصه محترفه

* كمان حاجه تفرس فى دوران فى بداية الطريق للمتجه من من الشرق الى الغرب الدوران ده معمول فى نهاية كوبرى وعلى اقصى يمين الكوبرى مخرج للسيارات القادمة من الموقف الجديد وشوف بقه الحوادث كل يوم بسبب تخطيط ووضع الدوران فى هذه المنطقه إلى جى من اليمين بياخد اقصى شماله فى حين الى نازل من الكوبرى جاى باقصى سرعة نتيجة الطريق المفتوح وسرعته 100كم فى الساعة وكمان هبوط الارضية فى اخر نزلت الكوبرى الى بترج العربيه رج

لسه بنبتدى من اول السطر

وفى النهاية حسبى الله ونعم الوكيل

....*