وجهة نظر فى أسعار البنزين

**Abdo_Eldesokey** · 29-06-2009 03:43 AM

ربنا يسامحك

ده أنا الي مخليني مستحمل الـ 128 البنزين الـ 80

لو سعره زاد عن جنيه يبقى ملوش لزمة ركوب العربيات

وكده كده المشكلة مش في البنزين ... المشكلة في العربيات الى بقالها أكتر من قرن والمفروض تتحال على المعاش

لو بيدوروا على نظافة البيئة يبقى يعملوا مع الملاكى زي ما عملوا مع التاكسى ، أو على الأقل اختبارات فحص العادم تبقى جادة

**lancerevolution** · 29-06-2009 03:49 AM

المشاركة الأصلية كتبت بواسطة abdo_eldesokey

ربنا يسامحك

ده أنا الي مخليني مستحمل الـ 128 البنزين الـ 80 :b4_556:

لو سعره زاد عن جنيه يبقى ملوش لزمة ركوب العربيات

وكده كده المشكلة مش في البنزين ... المشكلة في العربيات الى بقالها أكتر من قرن والمفروض تتحال على المعاش

لو بيدوروا على نظافة البيئة يبقى يعملوا مع الملاكى زي ما عملوا مع التاكسى ، أو على الأقل اختبارات فحص العادم تبقى جادة

بدل ما كنت بتقف 3-4 أيام مستنى تلاقى بنزين 80 الطابور هيخف جدا و ممكن يتلغى بس هتدفع زيادة
و فعلا العربيات القديمة مشكلة طيب و الجديد الى بيحط 80 تعمل معاه إيه

**lancerevolution** · 29-06-2009 03:59 AM

المشاركة الأصلية كتبت بواسطة كبوس الليل

بص...............خليهم ساكتين احسن ومتفكرهمش على اسعار البنزين

بس انا معاك وفاهم قصدك
احب اضيف معلومة ان الكاربون الى بيطلع من عادم العربيات بيسبب لل بيشمه العصبية ولو شمه بكمية وتركيز اعلى ممكن يتسمم ويموت

بس فكرة حلوة منك

لو بتركن فى جراج جرب سخن العربية و هى جوا و أنت قاعد جوا الجراج ما بتبقاش طايق نفسك

**amrico** · 29-06-2009 06:49 AM

الجديد اللي بيحط 80 ده كذا نوع

1- واحد ربنا مديه وغبي وطماع وبيسترخص وبيحط 80 عشان يقاسم الناس الغلابة في بنزينهم وعلى فكرة بيبقى شكله زبالة اوي وهو مثلا واقف في طابور كله عربيات قديمة وهو راكب الحتة الزيرو وواقف معاهم بكل ألاطة

2- سواق عند ناس وراكب عربيتهم الجديدة بياخد فلوس يحط 92 مثلا يروح ضارب 80 ومحدش واخد باله ومقيش طبعا اسهل من الفواتير اللي ممكن يقول بيها انه حاطط بنزين طيارات او وقود نووي كمان

3- واحد جاهل مش فاهم انه بيدمر موتور عربيته الجديدة على المدى الطويل

وموضوع البنزين ال 80 زي رغيف العيش المدعم اللي الناس بياخدوه يأكلوا بيه الفراخ اللي بيربوها

الخلاصة مصر هي بلد الدعم الذي يذهب لغير مستحقيه

**wesam_salom** · 29-06-2009 09:22 AM

المشاركة الأصلية كتبت بواسطة amrico

الجديد اللي بيحط 80 ده كذا نوع

1- واحد ربنا مديه وغبي وطماع وبيسترخص وبيحط 80 عشان يقاسم الناس الغلابة في بنزينهم وعلى فكرة بيبقى شكله زبالة اوي وهو مثلا واقف في طابور كله عربيات قديمة وهو راكب الحتة الزيرو وواقف معاهم بكل ألاطة

2- سواق عند ناس وراكب عربيتهم الجديدة بياخد فلوس يحط 92 مثلا يروح ضارب 80 ومحدش واخد باله ومقيش طبعا اسهل من الفواتير اللي ممكن يقول بيها انه حاطط بنزين طيارات او وقود نووي كمان

3- واحد جاهل مش فاهم انه بيدمر موتور عربيته الجديدة على المدى الطويل

وموضوع البنزين ال 80 زي رغيف العيش المدعم اللي الناس بياخدوه يأكلوا بيه الفراخ اللي بيربوها

الخلاصة مصر هي بلد الدعم الذي يذهب لغير مستحقيه

كلام جميل بأسلوب غير جميل بالمره

كان ممكن تعرض رأيك بأسلوب احسن من غير ما تغلط فى حد

**abzoabzo** · 29-06-2009 09:23 AM

المدينة الفاضلة
ههههههههههه

**Ashraf_Ashraf** · 29-06-2009 12:21 PM

المشاركة الأصلية كتبت بواسطة BASKOTA

الحكومة مش هاممها التلوث عشان مش بيتضرروا بيه زينا

المهم الدخل

ياريت حد يسمع ويقدر

صح

**amrico** · 29-06-2009 01:26 PM

المشاركة الأصلية كتبت بواسطة abu mariam

كلام جميل بأسلوب غير جميل بالمره

كان ممكن تعرض رأيك بأسلوب احسن من غير ما تغلط فى حد

انا مقصدتش شخص بعينه بس لما كنت في مصر قريب والاقي طوابير عربيات واقفين عشان البنزين 80 والاقي في وسط العربيات القديمة شيفورلية لانوس الجديدة وفيرنا واوبل فيكترا طبعا حاجة تنرفز، و خصوصا اني عرفت بعد كدا ان البنزين اللي بيبقى موجود مبيكفيش العربيات دي كلها وفي ناس بتمشي من غير ماتمون لأن الخزانات اللي في المحطة بتفضى.

هادي لحضرتك مثال !!!
حضرتك بسم الله ماشاء الله راجل من اعضاء المنتدى، وعندك سيارة خاصة بالتأكيد او بتفكر في الشراء، واتوقع انك بفضل الله حالك المادي ميسور افضل من ناس كتيييييييييير في البلد (اللهم ادام النعمة والفضل والخير عليك)
لو مثلا سمعت عن واحد بيفرق لحمة هاتجري تقف في الزحمة عشان تاخد لحمة، اكيد لأ لأن الحاجة دي للمحتاجين اللي فعلا مش قادرين يشتروا.
اتمنى حضرتك تكون فهمت قصدي وانا اذا كنت شتمت الناس دول فأنا بشتم نماذج عندها طمع وجشع في اخذ حق او دعم لا تستحقة وبالتالي لا احمل تجاههم اي نوع من انواع الإحترام

وتقبل احترامي اخي الفاضل الكريم وربنا يباركلك في مريم

**lancerevolution** · 29-06-2009 01:49 PM

المشاركة الأصلية كتبت بواسطة amrico

الجديد اللي بيحط 80 ده كذا نوع

1- واحد ربنا مديه وغبي وطماع وبيسترخص وبيحط 80 عشان يقاسم الناس الغلابة في بنزينهم وعلى فكرة بيبقى شكله زبالة اوي وهو مثلا واقف في طابور كله عربيات قديمة وهو راكب الحتة الزيرو وواقف معاهم بكل ألاطة

2- سواق عند ناس وراكب عربيتهم الجديدة بياخد فلوس يحط 92 مثلا يروح ضارب 80 ومحدش واخد باله ومقيش طبعا اسهل من الفواتير اللي ممكن يقول بيها انه حاطط بنزين طيارات او وقود نووي كمان

3- واحد جاهل مش فاهم انه بيدمر موتور عربيته الجديدة على المدى الطويل

وموضوع البنزين ال 80 زي رغيف العيش المدعم اللي الناس بياخدوه يأكلوا بيه الفراخ اللي بيربوها

الخلاصة مصر هي بلد الدعم الذي يذهب لغير مستحقيه

عندك حق و وجهة نظرك و صلت
و فعلا الدعم بتاع البنزين ال 80 ما بيوصلش لمستحقيه و بقاسمهم فيه ناس تقدر على بنزين 90 و 92 بكل سهولة و بدون أى مشاكل بس طمع
و المثال الأول دا انا شوفت منه كتير جدا و فعلا شكله ما بيبقاش حلو بالمرة

**Samah AbdAllah** · 29-06-2009 02:11 PM

مع الاحترام لكل اللى اتقال

مين اللى قال ان كل واحد معاه لانوس ولا فيرنا دخله الشهرى يسمحله يحط بنزين 90 ولا 92

معظمنا عارف كتير من الناس بيشترى عربية ازاى وليه

ناس كتير بتشترى بالتقسيط او حتى ينتظروا فترة طويلة يدخروا فيها تمن العربية ولا حد ورث مبلغ بسيط يكمل عليه ويجيب عربية او يعمل 15 جمعية ورا بعض لحد ما يجمع تمن العربية وده مش عشان يتمنظر بالعربية ولا واقف فى طابور ال 80 عشان ياخد الدعم ويبوظ عربيته وخلاص لأ الناس بتعمل كل ده وتشترى عربيةعشان ترتاح وتترحم من زحمة المواصلات وبيشتروها جديدة عشان يترحموا من مشاكل الصيانة والتصليح كل شوية عن ميكانيكى ولا صنايعى
الناس دى ظروفها ما تسمحش بشراء بنزين 90 و 92
وياريت يا جماعة اللى يعيش برة مصر ميقارنش الحياة فى مصر باى مكان اخر لكل دولة ظروفها ونظامها ويشوف هو بيشتغل قد ايه هناك عشان كده دخله عالى
وبلاش نحكم على ناس مانعرفش ظروفها ايه

الموضوع: وجهة نظر فى أسعار البنزين

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تأثير زيادة أسعار التراخيص وإرتفاع البنزين على أسعار السيارات الجديدة والمستعملة

«التموين» تؤكد رفع أسعار البنزين

بمناسبة ارتفاع أسعار البنزين

أسعار البنزين

الكلمات الدلالية لهذا الموضوع

المفضلات

المفضلات

ضوابط المشاركة