الموضوع: الشبابيه الوقوره ولا

هات اوكتافيا الجديدة لأنها زي ما انت قلت بتحافظ على سعرها وكمان عربية ممتازة ، أنا معاك أنها كبراتي شوية ، بس انت ممكن تختار لون شبابي يخفف من الحتة دي وتروشها شوية وتبقى ميه ميه ، ربنا يوفقك

المشاركة الأصلية كتبت بواسطة adventurer

انا مشكر ليك جدا وعلى فكره احنا ذوقنا قريب جدا لانى هموت على المازذا بس الرى سيل والوسع للكنبه وانخفاضها على الارض وكتر المطبات مانعنى

يا باشا ربنا يخليك ويفقك الى الصالح ، أنا بردو على فكره كنت هجيب اوكتافيا بردو ، بس موضوع انها كبراتي ده هوه الى رجعني غير اني بموت في المازدا3 ، وعلى فكره الريسيل بتاعها مش وحش للدرجة هوه معقول واتحسن كتير دلوقتي وبتتباع بسهولة ، وبالنسبة للأرتفاع هوه مش زي ما الناس متخيلة وأنا مش شايفها مشكلة خالص الا لو مطب عمولة وفي الحالة دي سهل التعامل معاه ، وبالنسبة للكنبة هي على فكره مش فارقه عن كنبة الأوكتافيا تقريبا نفس الوسع، بس عموما طبعا احتياجاتك وميولك هوه اللي بيحدد ، وزي ما قلتلك الأوكتافيا ممتازة بردو ، بس اتفرج على الوانها كلها وشوف اكتر لون شبابي عليها واعملها شوية حركات ودلعها هتبقى تمام ان شاء الله ، ربنا يهديك للصالح