الحمد لله أستلمت الياريس اوتوماتيك فول اوبشين بعد حيرة فظيعه لانى كنت حجيب السيراتو الجديدة بس زوجى الحبيب مكنش مقتنع و اعد يقنعنى باليارس لحد ما وافقت و بصراحه طلع عنده حق العربيه تحفه مقارنة بعربيتى القديمه "سيراتو " مع العلم انى سوقت قابليها الماتريكس و لحد ما استلمت ركبت لانسر 1300 .

اكيد اليارس لا تقارن انا حبتها اوىو حسيت بالفرق فى كل حاجة، بس من كتر ما انا كنت خايفة من حتة الثبات لسه عندي شويه قلق عشان كده بفكر اركب جنوط اسبور :

رحت دمشق لاقيت السعر معدي ال 3000بس الصراحه تحفة لانها اصلى.
طيب رحنا عند اشرافكو بصراحه اسعار مناسبه و هما محترمين بس بيقولوا الأحسن اننا نغير الكاوتش عشان احس بفرق فى الثبات بجد و نخليه 195\55 ممكن تشوروا علينا انا مش عايزه شكل انا كل اللى بدور عليه الثبات مع العلم ان سفرنا معقول يعنى من 7-8 مرات فى السنه.و لو حغير الكاوتش ايه احسن نوع؟

انا مش عايزة اطول عليكوا بس فيه حاجه كمان موضوع انها بتدور لوحدها اول محط المفتاح ازاى يعنى؟ ما انا اوا محطه start بعد الon طبيعى
كمان مفيش انذار لحزام الأمان و لا لما تعدى ال120

فى المجمل انا مبسوطه بيها اوى و مبسوطه اكتر بمشاركتى فى احلى منتدى