السعر المثالي ...لياريس كسر زيرو!!!

**3mr Farrag** · 24-11-2007 01:02 PM

مهما كان يا احمد ماينفعش .............اكيد في حاجه مش مظبوطه
يعني هتلاقيها في الاغلب بتفصل و هي لسه ماجبتش RED LINE هتلاقيها ممكن علي 5000
انا بعتقد ان لو فلتر الهواء مش مظبوط ممكن تعمل كده

و متخلينيش اتجنن و اخد عربيه ابويا و انزل اجبلك بيها 200 و اصورهالك :D

**Sharky** · 24-11-2007 01:37 PM

ممكن يا عمرو يكون العيب فى العربية دى غم إنه مواظب على لصيانة فى التوكيل
ماهى أصل العربيات دى قرف :D

و متخلينيش اتجنن و اخد عربيه ابويا و انزل اجبلك بيها 200 و اصورهالك

مش للدرجة دى يا عمرو باشا :D
هى بالمناسبة أتوماتيك و لا مانيوال و كام سى سى ؟

**3mr Farrag** · 24-11-2007 01:40 PM

هي 1300cc و مانيوال و كمان اول موديل 2001

**Sharky** · 24-11-2007 01:42 PM

هي 1300cc و مانيوال و كمان اول موديل 2001

انا بتاعة صاحبى أتوماتيك 1300 سى سى موديل 2004 و عاملة حاجة و تمانين الف و على فكرة انا جبت بالياريس الأتوماتيك بعد التلين 185 كم بالعافية و ماجبتش أكتر من كده و هى زيرو

**3mr Farrag** · 24-11-2007 01:46 PM

مش عارف بقي بصراحه :roll:
بس تخيل اني جبت بالاكسنت الجربانه :D ام 12 فالف و 1300cc
180كم و كان معايا 3 غيري و كانت ممكن تجيب كمان بس سحبها كان تعبان اوي

علي فكره ماعتقدش ينفع تجيب اي سرعه عاليه من اول مره بالسهوله يعني لازم كذا مره علشان تلاقي الموتور فتح معاك و بقي اسهل في السحب....

**amir** · 24-11-2007 02:07 PM

المشاركة الأصلية كتبت بواسطة 3mr Farrag

بس تخيل اني جبت بالاكسنت الجربانه :D ام 12 فالف و 1300cc
180كم و كان معايا 3 غيري و كانت ممكن تجيب كمان بس سحبها كان تعبان اوي

يا اخ عمر ربنا يستر طريقك , الاكسنت كانت مع اخويا 1500 موديل 1999 و معروف عنها عدم الثبات علي السرعات العاليه و انا مجربها علي 120 كم الهوا بيوجه العربيه!!!!!
و بعدين 180 كم حرام عليك نفسك و اصحابك و الاخرين

**amir** · 24-11-2007 02:55 PM

المشاركة الأصلية كتبت بواسطة 3mr Farrag

بس انا لما جبتها كنت مستعجل جدا و متاخرين ........
غير كده انا بخاف منها بصراحه .......بس ماكدبش عليك بقالي فتره بجري

و مش عارف ابطل الموضوع ده

شكرا علي تقبل النصيحه بصدر رحب و ده من شيم الحكماء....
بالنسبه لعذر التأخير فلو حسبت السرعات المختلفه فهتلاقي:
100كم\ساعه تعني في خلال ساعه تقطع 100 كم
120 كم\ساعه تعني في خلال ساعه تقطع 120 كم
و هكذا , فالسواقه بسرعات عاليه فعلن تقصر زمن المشوار لكن تعالي نشوف ايه المقابل:
مطلوب تركيز عالي جدا جدا
اي محاوله مناوره لتفادي اي عائق مفاجيء ( بلاعه مطب عربيات بني ادمين) هتبقي صعبه و ممكن مميته
زمن التوقف هيطول عن المعتاد ( مسافه اطول علشان توقف العربيه)
لو كاوتش ضرب لا قدر الله مش هاتعرف تسيطر علي العربيه و النتيجه انقلابها غالبا او عبور الجانب الاخر من الطريق و ساعتها هيحصل تصادم في اي عربيه جايه من الاتجاه الاخر و انتا بتسوق و عارف دي معناها ايه
و بعدين مش كل حوادث السرعه او العربيات عموما بتموت للاسف (تخيل للاسف!!) ليه لأن الغالبيه بتؤدي لعاهات و شلل و حاجات من دي, تخيل كده المنظر و الواحد رايح مشوار بعربيته و بعدين يرجع من غير عين او علي كرسي متحرك بقيه حياته و كل ده علشان كان مستعجل 10 او 20 دقيقه!!!
متخيل الندم هيكون قد ايه و برضو مش هيفيد.......
طبعا ربنا يستر طريقنا كلنا بس انت قلت انك مش عارف تبطل جري و انا قلت انصحك و انصح اي حد زيك

و شكرا