الحمد لله عندي سكودا 2008 إشتريتها بنفسي من السعودية
الحمد لله السيارة ممتازة من جميع النواحي عندي ملاحظة واحدة فقط هي صوت الكفرات علي الأسفلت مرتفع بل مزعج جدا
عرض للطباعة
الحمد لله عندي سكودا 2008 إشتريتها بنفسي من السعودية
الحمد لله السيارة ممتازة من جميع النواحي عندي ملاحظة واحدة فقط هي صوت الكفرات علي الأسفلت مرتفع بل مزعج جدا
بس ده ملهوش علاقة خاااااااااااااااااااااااا لص بالعربية
و الاوكتافيا المصري احسن من الخليجي
احسن فى اة
احسن لانها اعلى و كمان مصفحة من تحت لحماية الموتور و الجير بوكس
و سمعت ان موتورها 1800 سي سي و جاز
و شوفت عربية خليجي نازلة بكاسيت مش سي دي
انا بتكلم عن السعودية
الموتور ده موجود في السعودية
و معتقدش ان في خليجي مصفح من تحت
من اخره
اللي في التوكيل مناسبة للمواصفات المصرية و الخليجية لأ
بص يا باشا المشكله ان العربيه مفيش واحده منها زى تانيه
كلهم مختلفين
واحده جنوط ومفيش مثبت
واحده فتحه سقف وطاسات
بس انا عاوز اسالك فى عربيه معروضه علييا
فيها دركسيون ملتى فنكشن أوتوماتيك طاسات 2006
السؤال هل العربيه دى يبقى فيها مثبت ولا لا
شكرا
مع العلم ان العربيه دى خليجى
وطلع بها مثبت
عاوز رايكم يا جماعه لو سمحتم
هى عامله 27 الف
ومعروضه على 137 الف
يا ريت نصيحتكم
بص يا باشا شوف فيها فتحة سقف و لا لأ
و هل فيها حاجة كده تحط فيها الموبايل
و عاوز اقولك ان ب 140 الف جنيه تقدر تجيب واحدة مصري موديل 2007 كاسرة عداد
بس الاوبشنز دى مش هلاقيها فى المصرى
زى السنسور والطره الملتى والمثبت زائد ان فرشها جلد اصلى
مش عارف يا ريت بردو نصيحتكم
وهى على فكره مفهاش فتحة سقف
الاوبشنز موجود حسب السعر اللي حضرتك عاوزة
احنا جايبين سكودا اوكتافيا زيرو موديل 2007 مانيوال فيها جميع الكماليات ب 150 الف جنيه
لكن في الاليجانس و ده استبترونيك و بيفرق عن بتاعتنا في الاتي
تلات تلاجات و بتاعتنا فيها اتنين بس
السي دي 6 اسطوانات بتاعتنا لأ سي دي واحد بس
في فتحة سقف كهرباء مش عندنا
و كمان عندك امكانية رفع الكراسي فوق و تحت كهربائيا بتاعتنا بيبقى السواق بس و نظام هيدروليك سهل جدا
فرش جلد طبيعي و انوار زينون و كمان سنسورز خلفي للركن و كده
و تدفئة للكراسي و مثبت السرعة
و 6 ايرباج بتاعتنا اتنين بس
بس نصيحة مني انا بعتبر ده زيادة عن حدة و فارقة 45 الف جنيه و كمان بتاعتنا اعادة السعر بتاعها مرتفع لكن الاليجانس لأ
لان الكماليات اللي فيها زيادة عن اللزوم
حقولك بقى الاتي
فرش الجلد الطبيعي انت ممكن تعمله برة و حيبقى في رايي احسن
تدفئة الكراسي اعتقد ملهاش ميزة في مصر خصوصا ان تكييف بتاعها كويس اوي
مثبت السرعة بينيم الواحد و دي معروفة
تلات ثلاجات من ثلجتين مش فارقة
نظام الزينون مش مهم اوي
يبقى انتا بتدفع اربعين الف جنيه زيادة علشان الاتي
اربع ايرباج زيادة
و فتحة سقف كهربا
و طارة ملتي ميديا
و سنسورز خلفي
سي دي 6 اسطوانات
و دول ميكلفوش نص حتى المبلغ ده
يبقى انتا بترمي فلوس في الارض
غير لما تييجي تبيعها
سعرها بينزل جامد لان كماليتها زي ما قولت زيادة عن اللزوم
و على فكرة الطاسة بتاعتها شيك جدا و مش محتاجة جنط
لان ثباتها عالي جدا
و على فكرة رغم ثقل العربية الا ان سحبها عالي اوي
و انا في الخدمة في اي استفسار
شكرا ليك يا باشا على الايضاح الجامد ده
بس انتا تقريبا مفهمتش قصدى قوى
انا كنت بسالك العربيه اللى ذكرتها اللى هى
27 الف طاسات سنسوز طره ملتى ستيبترونك واوتوماتيك مثبت كاسيت
فرش جلد وفرش عليه زى ماانتا بتقول
خليجى
هل هذه السياره تستاهل 137 الف
واللى فى سعرها مصرى بيكون فيها كل الاوبشنز دى ولا لا
معلش انا عملتلك ازعاج
طب هي موديل كام؟؟؟؟؟؟؟؟؟؟؟؟؟؟
و مينفعش تشتريها عمياني لازم توديها لميكانيكي يكشف عليها و يتاكد
خصوصا ان انا حاسس ان سعرها قوليل و ده مشككني
بس ممكن يكون دي طبيعة السوق
هى موديل 2006
وطبعا هنكشف عليها فى التوكيل
وعلى فكره هو كان منزلها ب 140 واحنا نزلنا معاه وعلى كلام عمى انها واخده خدشتين من الجنب الشمال
وفى الناحيه اليمين فى خبطه صغيره
لو طلعت سليمة و نظيفة توكل على الله
بس اسال في المعارض برده و اتاكد من السعر
وربنا يباركهالك باذن الله
بالمناسبة هي لونها ايه
لونها فضى
بس قصدك نضيفه من ناحيه ايه ؟
مش مهلوكة صاحبها محافظ عليها
ان في عربيات تحس ان اللي كان سايقها ..................
مش انسان يعني
لو كده توكل على الله بس حوار الخبطات ده انا مش متاكد سعرها المفروض يبقى كام
روح بامانة لمعرض كده كويس واسال
بصراحة يا جماعة و لو ان رأي جه متأخر شوية
انما اكتر حاجة عاجباني في الموضوع هو اسلوب سرد نادر باشا
الحقيقة انا ما كنتش بحب العربية دي قوي ..يعني عشان شكلها ما اتغيرش من فترة طويلة و دايما كنت اقول لو معايا تمنها مش حشتريها و اشتري الباسات لان الباسات عربية و لا اروع و لا اجمل
فعايز رأي الاخ نادر في الباسات و ليه محطش الباسات من ضمن اختياراته
محمد فهمي
أشكرك على ردك يا أستاذ Borgelharm
الباسات تحفة طبعا من جميع الاوجه...و يا ريت كانت تبقي في دايرة الاختيارات...بس للاسف اللي كانت في نفس فئه الأوكتافيا بتاعتنا من حيث الكماليات كانت فارقة فوق ال50ألف جنيه:)
سلام عليكم
الحمد لله وبتوفيقه خلصنا فى الاكتافيا بس فى حاجه
عاوز اعرف مثبت السرعه بيشتغل ازاى يا ريت اللى يعرف يقوللى
الحاجه التانيه عاوز اركب نور شبوره اللى يعرف مكان اشترى منه وواحد يركبهولى يقوللى عليه
وهو فى التوكيل ب 800 جنيه فياريت اللى يعرف مكان ارخص
جزاكم الله خيرا
أولا ألف مبروك...اختيار موفق جدا :)
بالنسبة للمثبت.....عندك في الدراع الشمال بتاع الاشارات هتلاقيه من فوق فيه زرار On\off هاته علي الon و فيه في الجنب بتاع الدراع زرار + و -.....اطلع علي الطريق و عند سرعة 100 مثلا دوس علي - هتلاقي في علامة عداد في التابلوه لونها اصفر ظهرت ...كده يبقي السرعة اتثبتت...و ممكن تستخدم ال + و - في زيادة او نقصان السرعة من غير الدواسة...
و في حاله انك فرملت و عايز تطلع تاني للسرعة اللي كنت عليها ممكن تدوس + و هيه هترجع لوحدها بدون تدخل منك...
علي فكرة لا أنصح باستخدامه علي الدائري او الأوتوستراد...عشان بيشتت الواحد و مبتعرفش تركز...لازم طريق سفر.
بالنسبة للفوج متجبش غير اللي في التوكيل...العربية مش رخيصة و متستخصرش حاجة زي دي فيها
ربنا يحافظلك عليها:)
طب بالمرة كمان
ذراع المساحات من فوقيه فيه زي مؤشر باربع حركات ده ايه بالظبط
الف شكر يا باشا وهجربه ان شاء الله
صحيح هى الدوسه على - اللى فى الاول دوسه خفيفه ولا دوسه طويله
والفوجات ان شاء الله خلاص هجيبها م التوكيل وامرى لله
يا جماعه انا جربت المثبت مشتغللللللللللللللللللللل لللللللللللش
مش عارف ده يعنى هو مفيش اصلا
ولا المثبت بايظ
وللا ايه
يا ريت اللى عنده فكره يقولللى
يعنى العربيه اللى من غير مثبت بتنزل بالدراع بتاع المثبت وللا الدراع بيبقى متغير
معلش افيدونى افادكم الله
انت كده خليتني أقلق يا مصطفي (أتمنى إني أكون بقول اسمك صح)
أنا كنت ناوي أجيب الأوكتافيا الجديدة (بمثبت السرعة).. هل فكرت تروح بيها التوكيل وتشوف إيه النظام ؟؟
أرجو الرد..
وأرجو من أستاذ نادر نبيل يشرح موضوع الدراع التاني اللي أستاذ (crazylambada) عليه
ممكن ؟؟؟
هو حضرتك جايب عربية مستعملة و متخفش ممكن حضرتك معرفتش تشغله
انا النهاردة بليل اول ما اخلص اللي ورايا حفتح الكاتالوج بتاعها متخفش
و بالنسبة للاستاذ جودل
متخفش العربية تمام اوي و حلوة
بس هو فيه حاجة انا سمعت ان شكلها حيتغير السنة اللي جاية
فحرام تشتريها دلوقتي لانك كده حتخسر على الفاضي
لو عاوز تشتري دلوقتي اشتري الجيتا ما بينهم عشرين الف جنيه بس
على فكره عربيه جامده جدا جدا جدا فوق ما تتخيل ماشاء الله
بس انا مخنوق عشان انا شاريها مستعمله والراجل قاللى ان فيها مثبت وروحنا التوكيل وقالو كله تمام
يمكن انا مسالتش على المثبت على اعتبار انه شغال بس
انا بس كنت بسال العربيات اللى من غير مثبت بتنزل بالدراع اللى فيه الزراير دى كلها ولا ايه ؟
بالنسبة لموضوع المثبت:
هل أصلا العربية فيها طارة مالتي فانكشن؟
عشان لو فيها يبقي اللي انا قولته ده كله هيبقي من الدركسيون مش من الدراع.
تاني حاجة لو العربية مافيهاش مثبت مش هيبقي فيه ولا زرار في الدراع الشمال...فقط استخدامه هيكون للاشارات و تقليب النور.
في حالة وجود الازرار...القي نظرة سريعة علي الكتالوج...أكيد انت مفهمتش من كلامي أو انا مشرحتش كويس:)
بالنسبة للزرار اللي في الدراع التاني ده خاص بالوقت اللي بين كل مسحة و مسحة في حالة المسح المتقطع...(تقريبا مش فاكر قوي)
ألف ألف شكر يا نادر انت طمنتنى
انا هروح التوكيل وانا بركب الفوج اسالهم ع الحوار دا ربنا يسهل
باكرر شكرى وتقديرى ليك
وعلى فكره هى فيها طره ملتى بس تقريبا من الدراع عشان الدراع فيه كل الزراير بتعت التثببيت
نادر باشا انت ماشاء الله في كل الاقسام
meya meya ya Nader...... Allah Yenwar...
Dr. Nader, momken tesa3edni? 3aez 2shteri Ostcavia A5 bas mehtar mabenha we been VW Jetta.
we Eltawkeeel 27'baroh eih ya ma3lem...
السيارتين متقاربين جدا في كل حاجة...حتي شكل التابلوه و الكراسي و الكماليات....اختيار السيارة يعتمد علي ارتياحك الشخصي...و انصحك تركب الاتنين و تسوقهم...لأن فيه ناس بيعجبها دي و ميعجبهاش دي و العكس...اقتباس:
meya meya ya Nader...... Allah Yenwar...
Dr. Nader, momken tesa3edni? 3aez 2shteri Ostcavia A5 bas mehtar mabenha we been VW Jetta.
we Eltawkeeel 27'baroh eih ya ma3lem...
التوكيل بالنسبة لي ممتاز و طول فترة المعاملة معاهم ماقبلناش مشكلة واحدة...و قطع الغيار أسعرها معقولة
بس اعتقد ان توكيل سكودا احسن
Thanks a lot Nader....... Alf Shokr... I am more impressed with Skoda Octavia... You that it won here the car of year 2008 from www.whatcar.com
here is the website that states that it is from the top five in small family car:
http://www.whatcar.com/car-reviews-by-type.aspx?RG=2
Nader, howa shakl el Octavia hayet3'ayar 3ala 2009?
not it will not be changed at 2009
eah a7`bar el3afsha m3ako ya gma3a asly ba7es anha nashfa awy zay matkon rakeb lada