طيب حد يعرف حد عنده خليجي بسعر معقول ؟
عرض للطباعة
طيب حد يعرف حد عنده خليجي بسعر معقول ؟
يا جماعة عايزين نبعت ايميلات لصاحب التوكيل و لما يلاقى عدد كبير بيلح و بيشكى لازم يتحرك و خصوصا ان فيه ناس حاجزة ,
و لما ناس تشكى من اسم معين ممكن يوصله الكلام و يتراجع شوية
و دا احنمال يعنى بس الناس لازم تعمل حاجة مش تستنى بشهور و بعدين تروح تشترى الخليجى باغلى !!!!!!!!!!!!!!
الخليجي عند جابر عبد الشهيد واوتو سمير ريان. لو هاتجيبها كاش مش هايبقى في مشكلة ، بس لو هاتجيبها بجزء قسط في مشكلة لأن الخليجي من غير فواتير، وعشان تاخد فاتورة تدفه 5000 جنيه أوفر الأوفر!!! ودي حاجة صدمتني وعرفتها بس امبارح.
و الله الواحد مش عايز يتلفظ عشان السيدات و الانسات المحترمات اللي معانا في المنتدى
5000 جنيه تمن الفاتورة فوق الاوفر برايس كمان
لــــــــــــــــــــــــ ـــــــــــــــــــــــــ ـــــــــــــــيـــــــــ ـــــــــــــــــــــــــ ـــــــــــــــــــــــــ ـــــه؟؟؟؟؟؟؟؟؟؟؟؟؟؟
فاتورة مكتوبة بمية الدهب على الحرير الصيني الاصلي و لا ايه؟
كفاية بقى الوكلاء و الموزعين دول عايزين ال :khd:
نفسي بجد تصدي و موديلها يعدي :049: :3mla:
حسبي الله و نعم الوكيل
لأنه مش عايز يخسر جنيه واحد، لما يطلع فاتورة يبقى هايبقى فيه ضريبة مبيعات، فمين يتحمل الضريبة دي ، المشتري طبعا !!! وكده يبقى السيراتو الهاي لاين وصلت ب 140000 الف جنيه!!!! ده على اساس ايه مش عارفة !!
ولاء وكمان خليجي من غير ضمان !! التوكيل هو السبب في كل ده في رأيي! لأنه الطلب اكتر من العرض ، ومش عارف يسيطر على الموقف، المفروض انه مايديش فرصة للتجار انهم يعملوا كده في عربية تحت اسمه، يعني لازم يكفي السوق والطلبات، انا بجد مش قادرة افهم اللي بيحصل
و هو يعني الضرايب هبلة؟
ماهم عارفين هو باع كام عربية و بكام
من ورق الافراجات الجمركية اللي بتطلع من مصلحة الجمارك اللي هي تابعة لوزارة المالية زيها زي الضرايب
يعني ماعتقدش فاتورة او بدون فاتورة اكيد هيعرفوا يدفعوه
الوكيل طبعا انا مش عاذره في موضوع الكذب و الخداع و التسريب
بس هي مش مشكلته
المشكلة ان فيه Production Slowdown في المصنع في كوريا بسبب الازمة العالمية
و المصنع مش ملاحق
و التوكيل ان كان عليه عايز يبيع الاف العربيات
بس المشكلة انهم مثلا بيطلبوا من المصنع 5000 عربية
بيجيلهم 3000 بالكتير
هو ده اساس المشكلة
و هما مش عارفين يتصرفوا و للاسف بغبائهم بيخسروا الزباين
هو دا جشع التجار المصرين واللعب بالناس بصراحة انا حاجز النيو سيراتو الهاى لاين من يوم 7/4 ولحد دلوقتى وما استلمتش وحجزتها من وموزع مش من الوكيل وريحت دماغى وانا مش مستعجل على العربية لانى ماعنديش استطاعة ادفع اوفر برايس ولو جنية واحد لان العربية مش تستاهل يعنى كل البروباجندا كلها دى طلعت ولا نزلت عربية كورى شأنها شأن هيونداى ودايو او شيفرولية فا الى مستعجل يشوف حاجة تانية افضل منها يعنى او فى نفس السعر يعنى الى يدفعنى 140 الف جنية انا اكمل حاجة بسيطة واركب تويوتا كورولا طبعا عربية غنية عن التعريف ولو مثلا عاوز عربية صغيرة عملية جدا ممكن اجيب سيريون او يارس اقل فى السعر وعربيات جميلة جدا وممكن اشترى السيتى يعنى يا جماعة فى بدائل كتير عن النيو سيراتو طب ما السيراتو كا عربية موجودة من زمان فى السوق ومحدش كان بيقولها انتى فين لما ظبطوها وغيرو شكلها وزودو الكماليات الناس جريت ورا العربية كأن مفيش فى السوق غيرها يا جماعة الى محتاج يشترى عربية ضرورى يعيد التفكير فى عربية تانية وفى اختيارات افضل كتير والى مش مستعجل يستنى شوية ويرفض الاوفر برايس وسبها تصدى وموديلها يعدى وعلى عينك يا تاجر