أنا خلاص زهقت

**lord0000** · 30-06-2009 04:24 PM

طيب حد يعرف حد عنده خليجي بسعر معقول ؟

**dodi2** · 30-06-2009 04:53 PM

يا جماعة عايزين نبعت ايميلات لصاحب التوكيل و لما يلاقى عدد كبير بيلح و بيشكى لازم يتحرك و خصوصا ان فيه ناس حاجزة ,
و لما ناس تشكى من اسم معين ممكن يوصله الكلام و يتراجع شوية

**dodi2** · 30-06-2009 04:59 PM

و دا احنمال يعنى بس الناس لازم تعمل حاجة مش تستنى بشهور و بعدين تروح تشترى الخليجى باغلى !!!!!!!!!!!!!!

**hedyelnemr** · 01-07-2009 09:39 AM

الخليجي عند جابر عبد الشهيد واوتو سمير ريان. لو هاتجيبها كاش مش هايبقى في مشكلة ، بس لو هاتجيبها بجزء قسط في مشكلة لأن الخليجي من غير فواتير، وعشان تاخد فاتورة تدفه 5000 جنيه أوفر الأوفر!!! ودي حاجة صدمتني وعرفتها بس امبارح.

**أحمد كمال** · 01-07-2009 09:50 AM

المشاركة الأصلية كتبت بواسطة hedyelnemr

الخليجي عند جابر عبد الشهيد واوتو سمير ريان. لو هاتجيبها كاش مش هايبقى في مشكلة ، بس لو هاتجيبها بجزء قسط في مشكلة لأن الخليجي من غير فواتير، وعشان تاخد فاتورة تدفه 5000 جنيه أوفر الأوفر!!! ودي حاجة صدمتني وعرفتها بس امبارح.

و الله الواحد مش عايز يتلفظ عشان السيدات و الانسات المحترمات اللي معانا في المنتدى

5000 جنيه تمن الفاتورة فوق الاوفر برايس كمان

لــــــــــــــــــــــــ ـــــــــــــــــــــــــ ـــــــــــــــيـــــــــ ـــــــــــــــــــــــــ ـــــــــــــــــــــــــ ـــــه؟؟؟؟؟؟؟؟؟؟؟؟؟؟

فاتورة مكتوبة بمية الدهب على الحرير الصيني الاصلي و لا ايه؟

كفاية بقى الوكلاء و الموزعين دول عايزين ال

نفسي بجد تصدي و موديلها يعدي

حسبي الله و نعم الوكيل

**hedyelnemr** · 01-07-2009 09:56 AM

ولاء وكمان خليجي من غير ضمان !! التوكيل هو السبب في كل ده في رأيي! لأنه الطلب اكتر من العرض ، ومش عارف يسيطر على الموقف، المفروض انه مايديش فرصة للتجار انهم يعملوا كده في عربية تحت اسمه، يعني لازم يكفي السوق والطلبات، انا بجد مش قادرة افهم اللي بيحصل

**أحمد كمال** · 01-07-2009 10:14 AM

المشاركة الأصلية كتبت بواسطة hedyelnemr

لأنه مش عايز يخسر جنيه واحد، لما يطلع فاتورة يبقى هايبقى فيه ضريبة مبيعات، فمين يتحمل الضريبة دي ، المشتري طبعا !!! وكده يبقى السيراتو الهاي لاين وصلت ب 140000 الف جنيه!!!! ده على اساس ايه مش عارفة !!

المشاركة الأصلية كتبت بواسطة hedyelnemr

ولاء وكمان خليجي من غير ضمان !! التوكيل هو السبب في كل ده في رأيي! لأنه الطلب اكتر من العرض ، ومش عارف يسيطر على الموقف، المفروض انه مايديش فرصة للتجار انهم يعملوا كده في عربية تحت اسمه، يعني لازم يكفي السوق والطلبات، انا بجد مش قادرة افهم اللي بيحصل

و هو يعني الضرايب هبلة؟

ماهم عارفين هو باع كام عربية و بكام

من ورق الافراجات الجمركية اللي بتطلع من مصلحة الجمارك اللي هي تابعة لوزارة المالية زيها زي الضرايب

يعني ماعتقدش فاتورة او بدون فاتورة اكيد هيعرفوا يدفعوه

الوكيل طبعا انا مش عاذره في موضوع الكذب و الخداع و التسريب

بس هي مش مشكلته

المشكلة ان فيه Production Slowdown في المصنع في كوريا بسبب الازمة العالمية

و المصنع مش ملاحق

و التوكيل ان كان عليه عايز يبيع الاف العربيات

بس المشكلة انهم مثلا بيطلبوا من المصنع 5000 عربية

بيجيلهم 3000 بالكتير

هو ده اساس المشكلة

و هما مش عارفين يتصرفوا و للاسف بغبائهم بيخسروا الزباين