من3 ايام وانا بشم ريحة بنزين خفيفة وانا سايق وبتزيد اكتر لما اخد ملفات مع اني حاطط جميع انواع المعطرات جوة الصالون
فامبارح كنت على الصحراوي والريحة زادت جداً نزلت و فتحت الكابوت قولت يمكن رشاشات اشم ولزقت مناخيري في الرشاشات مافيش اي حاجة والريحة عمالة تيجي وتروح قولت اعدي على الميكانيكي اللي جنب البيت عندي -في حلوان (مشيت بيها60 كم وهي كده)
اول ما وصلتله شاورلي وقال لي ايه اللي بينقط ورا العربية ده نزلت لقيت بقعة بنزين كبيرة كأن حنفية مفتوحة -انا قولت التانك اتخرم -والعمليه مش ناقصة غرامة
الراجل راح رافع الكنبة وقال لي بص تحت غطا التانك لقا فيه خرطوم من الخرطومين اللي داخلين للتنك الكليبس اللي ماسكة ناطر راح جايب كليبس بلاستيك من عنده وركبه وخد10 جنيه
وقال لي احمد ربنا انت لو كنت عديت على سيجارة كنت بالسلامة انت والعربية
انا قولت اقولكم عشان تاخدوا بالكم