تنبية هام لمالكى جين 2 عن التيل

**mohamed el hussien** · 11-10-2007 05:55 AM

يا جماعة الي كل مالكي الجين 2
وعايزين يغيروا تيل فرامل
التيل غير متوافر في التوكيل
ولكنة موجود في امير وجوزيف في شارع زكي (التوفيق) (رمسيس )
وموجود في محل الشيخ طارق في شارع زكي

انا جبتة من امير وجوزيف ب 200 جنية
هو قالي 210
قلتلة نزل قالي 200 جنية
واشتريت فلتر زيت ب 35
هو بتاع اللانسر ومكتوب علية صنع في اليابان
وهو لونة احمر ومعرفتش اقرا الماركة كويس
وهو صناعة اسباني

لكن اللي كان عند طارق ب 270 قالي
ولما كلمتة في التليفون بعدية قالي 240
بس مشوفتش شكلة عامل ازاي
مش عارف ازا كان هو هو ولا لا

والتوكيل قالي خيجيبوا التيل بعد العيد
اصل الناس توقف عربيتها لبعد العيد
ناس متخلفة

انا بس حبيت اوضح عشان مجدش يروح المشوار دة علي الفاضي حرام
زي مانا عملت النهاردة

وكل سنة وانتوا طيبين
وعيد سعيد
وبعتدزر علي الغيبة الطويلة شوية دي مني

كنت مسافر وبعد لما رجعت كنت مشغول اوووي
وكل سنة وانتوا طيبيبن

**tmz9111** · 11-10-2007 07:34 AM

شكرا على التنبيه جزاك الله كل خير

**memo_hefnawy** · 11-10-2007 12:38 PM

شكرا للتنبيه يا محمد و الله مفتقدينك و أتمنى إنى أشوفك قريب إن شاء الله :)
و كل عام و أنت بخير

**Amooor_el_king** · 12-10-2007 01:45 AM

شكرا على التنيبه
-
هو توكيل بروتون بيعم لالحركه دى كتير ولا دى اول مره؟؟
يعنى اجيب ولا بلاش علشان حركاتهم دى :?

**abo3bdolrahman** · 12-10-2007 01:52 AM

الكلام ده ممكن بحصل فى أى توكيل خصوصا فى زتقة زى بتاعت العيد و أحيانا البضاعة بتتأخر فى الجمارك و عادى يعنى و ما دامت موجودة بره فى حتة تانية يبقى ما فيش مشكلة

**Sharky** · 12-10-2007 02:54 AM

شكرا للتنيه يا محمد و حمدلله على سلامتك

**mohamed el hussien** · 12-10-2007 06:33 AM

ازيك يا ابو عبد الرحمن
كل سنة وانت طيب والمنتدي كلة طيب
ويعود عليكوا الايم بالخير
بس كان ليا عندك رجاء يا بشمهندس
يا ريت مندفعش عن التوكيل
كفاية بقي
دة توكيل قذر اووي يعني
واللة يعني
حاجة تقرف
بس العيب مش غليهم بس
العيب غلي البلد كلها
انا عارف ان معظم التوكيلات كدة

بس لية لية
يكون توكيل عربيتي كدة
حرامي وبطيء اووي
وكمان اية الحاجة مش موجودة
افرض انا ملقتش التيل برة
كنت حاعمل اية
وكان لازم اغير تيل
بقالوا
شهرين
بيصفر وانا منفض
لخد لما مينفعش امشي اكتر
من كدة
قولي بقي انا بتقدملهم مبررات لية

انا عارف ان دة من حبك للبروتون
وانا كمان واللة بعشق الماركة دي
بس يحسنوا الفينش بس
تبقي احسن من البي ام
والناس الماليزين بصراحة محترمين ومهتمين بمصر اووي
وكل شوية ييجوا مصر وبتاع
بس كفاية بقي علي عز الغرب لغاية كدة
كفاية بقي واللة ممكن يوقع بروتون كلها اصلا

**mohamed el hussien** · 12-10-2007 06:35 AM

وكل سنة وانتوا طيبين يا جماعة
بالاخص روووم بروتون
اللي مش حاشوف في احترامة بعد كدة

متزعلش مني يا بشمهندس :)

**abo3bdolrahman** · 12-10-2007 07:25 AM

كل سنة و إنت طيب يا محمد
أنا مش بدافع عن التوكيل و طبعا ده تقصير بس ممكن يحصل فى أى توكيل.
و طبعا كلنا نحب إن توكيل العربية يبقى محترم و على قدر السلعة اللى بيبعها.
و أكيد مش هازعل منك لأنى بحبك و عارف إنك حريص على المصلحة العامة بس أنا كنت باقول رأى.
عموما كل سنة و إنت طيب و عيدكم مبارك.

**Sharky** · 12-10-2007 12:15 PM

بس يحسنوا الفينش بس
تبقي احسن من البي ام
والناس الماليزين بصراحة محترمين ومهتمين بمصر اووي
وكل شوية ييجوا مصر وبتاع
بس كفاية بقي علي عز الغرب لغاية كدة
كفاية بقي واللة ممكن يوقع بروتون كلها اصلا

+1