شكراً يا أستاذ كريم
أنا فخور اني عضو هنا بصراحة
عرض للطباعة
شكراً يا أستاذ كريم
أنا فخور اني عضو هنا بصراحة
بسم الله الرحمن الرحيم
:Ta_clap[1]:
هو دة الكلام وفى منتهى العقل والأتزان .
اسمح لى أخى/كريم أن أحيييك على عقلانيتك ..
تحيـــــــــــــــاتى
والرياضة أيضا لو تكرمت , حيث دائما بتقلب بخناقة ويغلق الموضوع
كلام رائع ويا ريت جميع الأخوة يلتزموا بفتح أى موضوع لا يتعلق بالسيارات فى المنتدى الاجتماعى
المنتدى اكثر من رائع وواجهة مشرفة
احييكم
متفقة تماما معاك
طبعا أنا وناس كتير متفهمين تماما حرص الإدارة على استقرار المنتدى والعلاقات بين أعضاؤه وحال البلد مفهوم على أي الأحوال
ولكن اسمحلي لو الموضوع د محل مناقشة
ممكن نعرف الفرق بين الفكرتين دول
وإىه هو الفاصل بين انتقاد سياسة فلان و انتقاد فلان نفسه
يعني مثلا هل المطلوب عدم التعرض بالشتم والسب لشخصيات معينة سواء كانت اعتبارية أو بشخصها
أم أن المقصود عدم التعرض لأخطاء وسلوكيات وسياسات لشخصيات بعينها
هناك أخطاء يكون سببها مجرد الخطأ البشري في التقدير أو نحو ذلك وهذه أمور مستوعبة
وهناك أخطاء يكون مصدرها سوء القصد وخبث النية
ولا يتوقع مثلا من إنسان ما أن يرفع على صدره لافتة يكتب عليها : أنا شخص شرير خبيث النية
ولكن بالاستقراء من حال الإنسان وتواتر تصرفاته وتكررها ودلالاتها الواضحة يمكن الوقوف على حقيقة الأمر
أتمنى أن يكون مقصدي قد وصل بلا تعقيد
أما مسألة الدين فدي محتاجة مناقشة تانية
و طبعا مسألة الجنس والكلام الفاحش البذئ لا اختلاف عليها سواء كان المنتدى منتدى سيارات أو غير ذلك
ولو الموضوع مش محل مناقشة أصلا فدي مسألة تانية
شكرا لمجهودكم ولسعة صدركم
كلام صح كريم
اؤيدك تاييد كامل
الي الامام نايل موتورز
استاذ كريم , اتفق مع حضرتك في عدم الخوض في نقد شخصيات بعينها بانتقادات شخصيه قد تصل في بعض الاحيان الى السب والتريقه ( نتيجه عن عدم الفهم الحقيقي لبعض الناس من الاعضاء او غيرهم لحرية الرأي والتعبير ) .
وارغب وبشده عدم التطرق للمواضيع التي تتصل بالجنس حيث ان هناك اخوات لنا بالمنتدى ( بنات ) فمينفعش يشوفو الكلام دا ادامهم كدا من رجاله ( الي ما ترضاهوش على اختك او زوجتك او امك .. ماترضاهوش على حد تاني ) .
بالنسبه للدين فانا اختلف معاك اختلاف جزئي , لاني عايز الفت نظر حضرتك لحاجه بسيطه ان الدين هو كل حياتنا فمينفعش فصل الدين عن حياتنا اليوميه او عن سياستنا وتعاملاتنا زي الدول العلمانيه
احنا اتخلقنا في الارض علشان نعبد ربنا ( ومن عبادتنا لربنا التعليم والعمل والتعمير في الارض )
فاحنا في المنتدى بنعلم وبنتعلم من بعض ودي حاجه بنستفيد منها لو كانت حاجه نافعه لينا ولم تضر
كما ورد في احد الاحاديث عن رسول الله صلى الله عليه وسلم " من رأى منكم منكرا فليغيره بيده فان لم يستطع فبلسانه فان لم يستطع فبقلبه وذلك أضعف الايمان "
كمان قال الله تعالى " كنتم خير امة تخرجون للناس تأمرون بالمعروف وتنهون عن المنكر ..... الايه " صدق الله العظيم
فالي هو ماينفعش الاقي حاجه بتحصل غلط ومخالفه للدين والناس شايفاها عادي وما انهاش عن منكر ( دا بيدرج تحت الدين ) , فاعتقد ان دي حاجه ماينفعش ما نتكلمش عنها في اي مكان حتى لو في المنتدى
مثلا واحد داخل يبيع حاجه في موضوع وواحد دخل بخس تمنه او واحد داخل يبيع على بيعة اخيه المسلم , فلازم انبهه ان كدا حرام
لكن لو حضرتك بتتكلم في التفرقه العنصريه بين المسلم والقبطي ,, فدي حاجه تانيه وتعتبر فتنه زي ما حضرتك قلت , ومش من صفات المسلم كمان انه يبث الكراهيه والفتنه بين الناس أو انه يمشي بالنميمه
أشكرك لطرح الموضوع المهم للفت الانتباه للاعضاء