عذرا يا كريم انا مش شايف ان دة حوار ولكن توضيح لبعض النقاط.
فهل هذه النقاط قابلة للمناقشة ام انه قرار اتخذ وتريد ايضاحه لنا؟؟
عرض للطباعة
عذرا يا كريم انا مش شايف ان دة حوار ولكن توضيح لبعض النقاط.
فهل هذه النقاط قابلة للمناقشة ام انه قرار اتخذ وتريد ايضاحه لنا؟؟
استاذ بحري
كون اني انتقد سياسة شخص غير اني انتقد شخصة
الاول ده انتقاد فعل
الثاني ده شخصنة
لما اقول المسئول عن تخطيط ميدان رمسيس ده اخطأ وكان المفروض انه يعمل كذا وكذا هو ده النقد البناء
نقد مع اقتراح حلول او توجيه دعوة لعصف ذهني من الاعضاء
لكن لما اقول ان مسئولين المرور دول ولاد تيت وتيت عشان خلونا نقف 4 ساعات في الميدان هو ده الشخصنة
يا ريت تكون النقطة وضحت
وانا قولت في اول الموضوع ده حوار ودي
اي مناقشة حوارية
لكن الادارة ومجموع المشرفين قد يرون ما لا يراه العضو العادي بحكم نظرتهم الاشمل لكل جوانب المنتدى
--------
استاذ ميدو
الدين هو منهاج حياتنا ولا تستقيم الا به
ما اقصده وفهمه بعض الاعضاء وهذا واضح من ردودهم من يحاولون افتعال فتنة طائفية
هذا ما اقصده اولا
ثانيا من يحاول مناقشة امور عقيدة
انا مشارك في منتديات كثيرة
وفي نفس الوقت عندما احب ان اتكلم في برامج الكمبيوتر اذهب لمنتديات متخصصة
وكذلك حينما استوضح نقاط في الدين اذهب لمنتديات متخصصة
وعندما اناقش سيارت احضر لنايل موتورز
وهذا ما احاول المحافظة علية مع فريق المشرفين والاداريين
التخصص والهوية وليس الغاء الدين
فلم ولن احاول هذا مطلقا
----------
طه باشا
زعلان ليه بس
ده حوار ومتاقشة
يمكن نوصل منها لقرارات افضل لصالحنا جميعا
وبقية النقاط تقدر تاخدها من ردي على السادة اعلاه
-----------------
استاذ محمد صبحي
شكرا لتفهمك المجمل
---------
دكتور احمد
هل هناك من شرط لكون الحوار ودي من عدمه
لو لم يكن وديا لوضع من يوزر الادارة في موضوع مغلق وانت ادرى الناس بذلك
باقي الموضوع قد يكون موضح لك ولقدامى الاعضاء
لكن هناك العديد والكثير من الاعضاء الجديد الواجب ايضاح هذه النقاط لهم
اما عن سياسة المنتدى فهيا واضحة منذ نشأته والحمد لله ولم تتغير يوما والحمد لله لدينا طاقم ممتاز من الاشراف على قدر عالي من الاخلاص والتميز في الاداء
-----------
اخي عبد الله
اوحشتني والله
طالما الموضوع مفتوح يبقى قابل للنقاش فيما عدا قواعد المنتدى
وما اوضحته هو فقط للاعضاء الذين لا يقراون قواعد المنتدى ويزعلون من تطبيق القواعد عليهم
الأخ الفاضل كريم
أولا ألف شكر على ردكم الكريم وعلى استجابتكم ودمج الموضوعين ونسأل الله أن يوفقنا جميعا للخير
أنا موافق تماما لكلام حضرتك في هذه الجزئية و الأسلوب ده بالفعل هو الأسلوب البناء واللي ممكن نستفيد منه كلنا وتستفيد منه البلد مش مجرد الشتيمة لتنفيث الغل والغضب وخلاص وكل حاجة تفضل زي ما هي
حتة من أخوك بأه
عندي سؤال تعليقا على إجابة حضرتك وعاوز أطرحه ومتردد فهل ممكن تديني الأمان ولا أطرحه وخلاص واللي يحصل يحصل وعموما هو في حدود المتفق عليه ومفيهوش شئ خارج السياق
يعني سؤال موظف كويس في إطار السيناريو الدرامي...
أأأقصد المناقشة الودية
امان ايه ايه بس يا استاذ بحرى
احنا كلنا في مركب واحد
وطالما سؤال موظف في سياق السيناريو
يبقي كله بوس هادف
هاها
قصدى حوار هادف
اتفضل يا باشا
ألف شكر يا أستاذ كريم وده المتوقع من شخص محترم زي حضرتك
وحقيقي بتحرجني بذوقك لدرجة إني بافكر ما أقولش السؤال
ولكن عموما أقوله وربنا يستر
طيب حضرتك ذكرت على سبيل المثال (المسؤول عن تنظيم المرور في ميدان رمسيس)
فهل نفس الأمر يمكن تطبيقه عند ذكر المسؤول عن تنظيم المرور في المرور في البلد كلها
(أظن السؤال واضح) :colsmil:
هو ده الكلام مشكور للتوضيح ويارب نكون أيجابين بقي
ربنا يكرمك ويجازيك كل خير
والله انا وانت وبقية الاعضاء المحترمين من اعضاء المنتدى ربنا سبحانه وتعالى يسر لنا مكان نجتمع فيه في الله
بهدف الافادة والاستفادة وتقضية الوقت فيما ينفع ويرضى المولى عز وجل
وانا وانت وبقية الاعضاء برضه عارفين ان الديموقراطية في بلدنا لسه ما اتحققتش بشكل كامل ومباشر
وان في ناس فوق النقد
وان نقدهم يعرضنا لمشاكل كتير خاصة انه هايكون نقد شخصي
ولو قولت ده نقد لصفتة فده هايجربعض مدعى الشهرة للطعن في شخصة
ونخالف قوانين المنتدى
ونخالف قوانين الدولة
ويتقفل المكان الجميل اللي بيضم النخبة الرائعة دي
كلامك =
+101010101010101010
كلام حضرتك هادئ جدا وجميل جدا والصراحة أنا تأسرني الشخصيات الهادئة العاقلة التي تقول ما تريد قوله دون تشنج أو ضجيج
وأنا موافق تماما على كلام حضرتك وربنا يوفق الجميع للخير ويعينك ويعين بقية المشرفين على المحافظة على المنتدى وعلى استقراره
المشكلة الحقيقية زي ما حضرتك قلت إن في ناس كتير لا تستطيع إسداء النصيحة إلا بأسلوب جارح وهذا أمر غير لائق سواء كانت هناك ديموقراطية أم لا لأن النصيحة ينبغي أن تكون بأدب وإحسان على أي الأحوال
وفي المقابل ينبغي أن يتقبل الإنسان النصح بصدر رحب ويستجيب له لأن غياب الاستجابة للنصح هو ما يؤدي إلى الكبت عند الناس وأول ما الواحد بيلاقي فرصة زي النت مثلا تلاقيه بينفجر وبيقول كلام خارج عن الأدب واللياقة
قصدي إن المسؤولية مشتركة بين الحاكم والمحكوم
وعموما الطريق لسه طويل ومحتاج صبر ولازم نتكاتف من أجل رفع سقف الإصلاح وتصحيح الأوضاع في حدود الأدب والإمكانيات المتاحة وواحدة واحدة ربنا يفرجها وتتصلح أحوالنا
وبرضه مينفعش نكون ملكيين أكثر من الملك ونكتف نفسنا بإدينا طالما في متسع في بعض الأمور
شكرا مرة تانية لتجاوب حضرتك وضروري نتقابل إن شاء الله سواء كان في مقابلة القاهرة لو ظروفي تيسرت أو لو نزلت إسكندرية تشرفنا ونقوم معاك بالواجب
الحمد لله على نعمته
واحيانا الواحد بيخرج عن افعالة الطبيعية نتيجة الضغوط العنيفة
خاصة لو كانت الضغوط من المنتدى والعمل ومن يفترض انهم اصدقاء او زملاء ويقدرون ما تتعرض له ولا تجد مساندتهم لك
انا ما احب ما عليا اني انتقد حال بلدى وما فيها سعيا وراء الاصلح
ماهو ده هدفنا من انشاء المنتدى ده
تجميع الصفوة المنتخبة من عقول ابناء مصر لتغيير مفهوم ثقافة السيارت في مصر وما يتبعها من تغيير للثقافة بصفة عامة ورفع نسبة الوعى ضد من يحاول اسغلال المواطن البسيط في كل شيء
بس بالراحة وبالعقل
وابدا ماتنساش الحكمة اللي بتقول :
انا ماشي ببطء لكن عمري مارجعت خطوة للوراء
اما عن عزومتك يا فندم مقبولة
وانا نازل من الساحل نعدي على حضرتك ناخد التموين
وما تتعبش نفسك في تسويته:lurk5:
معايا تلاجة العربية وشغالة وفاضية من اثر الاجازة:colsmil:
دمت يا فندم وقدها وقدود ولام نتعرف قريب ان شاء الله