الموضوع: حوار ودي حول تخصص المنتدى

المشاركة الأصلية كتبت بواسطة ba7ary

ألف شكر يا أستاذ كريم وده المتوقع من شخص محترم زي حضرتك
وحقيقي بتحرجني بذوقك لدرجة إني بافكر ما أقولش السؤال
ولكن عموما أقوله وربنا يستر

طيب حضرتك ذكرت على سبيل المثال (المسؤول عن تنظيم المرور في ميدان رمسيس)
فهل نفس الأمر يمكن تطبيقه عند ذكر المسؤول عن تنظيم المرور في المرور في البلد كلها
(أظن السؤال واضح)

ربنا يكرمك ويجازيك كل خير
والله انا وانت وبقية الاعضاء المحترمين من اعضاء المنتدى ربنا سبحانه وتعالى يسر لنا مكان نجتمع فيه في الله
بهدف الافادة والاستفادة وتقضية الوقت فيما ينفع ويرضى المولى عز وجل
وانا وانت وبقية الاعضاء برضه عارفين ان الديموقراطية في بلدنا لسه ما اتحققتش بشكل كامل ومباشر
وان في ناس فوق النقد
وان نقدهم يعرضنا لمشاكل كتير خاصة انه هايكون نقد شخصي
ولو قولت ده نقد لصفتة فده هايجربعض مدعى الشهرة للطعن في شخصة
ونخالف قوانين المنتدى
ونخالف قوانين الدولة
ويتقفل المكان الجميل اللي بيضم النخبة الرائعة دي

المشاركة الأصلية كتبت بواسطة ba7ary

كلام حضرتك هادئ جدا وجميل جدا والصراحة أنا تأسرني الشخصيات الهادئة العاقلة التي تقول ما تريد قوله دون تشنج أو ضجيج
وأنا موافق تماما على كلام حضرتك وربنا يوفق الجميع للخير ويعينك ويعين بقية المشرفين على المحافظة على المنتدى وعلى استقراره

المشكلة الحقيقية زي ما حضرتك قلت إن في ناس كتير لا تستطيع إسداء النصيحة إلا بأسلوب جارح وهذا أمر غير لائق سواء كانت هناك ديموقراطية أم لا لأن النصيحة ينبغي أن تكون بأدب وإحسان على أي الأحوال
وفي المقابل ينبغي أن يتقبل الإنسان النصح بصدر رحب ويستجيب له لأن غياب الاستجابة للنصح هو ما يؤدي إلى الكبت عند الناس وأول ما الواحد بيلاقي فرصة زي النت مثلا تلاقيه بينفجر وبيقول كلام خارج عن الأدب واللياقة
قصدي إن المسؤولية مشتركة بين الحاكم والمحكوم
وعموما الطريق لسه طويل ومحتاج صبر ولازم نتكاتف من أجل رفع سقف الإصلاح وتصحيح الأوضاع في حدود الأدب والإمكانيات المتاحة وواحدة واحدة ربنا يفرجها وتتصلح أحوالنا
وبرضه مينفعش نكون ملكيين أكثر من الملك ونكتف نفسنا بإدينا طالما في متسع في بعض الأمور

شكرا مرة تانية لتجاوب حضرتك وضروري نتقابل إن شاء الله سواء كان في مقابلة القاهرة لو ظروفي تيسرت أو لو نزلت إسكندرية تشرفنا ونقوم معاك بالواجب

الحمد لله على نعمته
واحيانا الواحد بيخرج عن افعالة الطبيعية نتيجة الضغوط العنيفة
خاصة لو كانت الضغوط من المنتدى والعمل ومن يفترض انهم اصدقاء او زملاء ويقدرون ما تتعرض له ولا تجد مساندتهم لك
انا ما احب ما عليا اني انتقد حال بلدى وما فيها سعيا وراء الاصلح
ماهو ده هدفنا من انشاء المنتدى ده
تجميع الصفوة المنتخبة من عقول ابناء مصر لتغيير مفهوم ثقافة السيارت في مصر وما يتبعها من تغيير للثقافة بصفة عامة ورفع نسبة الوعى ضد من يحاول اسغلال المواطن البسيط في كل شيء

بس بالراحة وبالعقل
وابدا ماتنساش الحكمة اللي بتقول :
انا ماشي ببطء لكن عمري مارجعت خطوة للوراء

اما عن عزومتك يا فندم مقبولة
وانا نازل من الساحل نعدي على حضرتك ناخد التموين
وما تتعبش نفسك في تسويته
معايا تلاجة العربية وشغالة وفاضية من اثر الاجازة

دمت يا فندم وقدها وقدود ولام نتعرف قريب ان شاء الله