انا عاوز اتاكد من حاجة هل غلط انى امور العربية من غير ما استخدام الدبرياج
والخطورة هتكون على انى جزء فى الفتيس ؟؟؟؟
عرض للطباعة
انا عاوز اتاكد من حاجة هل غلط انى امور العربية من غير ما استخدام الدبرياج
والخطورة هتكون على انى جزء فى الفتيس ؟؟؟؟
اكيد ممكن تكسر الغوايش خصوصا لو العربيه ضاغطه على الفتيس الاضافه لا تعرض التروس للتاكل
سؤال وجيه يا بشمهندس محمد.....
بس انا اعتقد ان الاساس فى عمل الدبرياج هو نقل او فصل قدره المحرك عن ألية لاجر بطريقه ناعمه ومتدرجه smooth and gradual وده طبعا لتقليل الاجهادات الميكانيكيه على اجزاء الية نقل الحركه....واعتقد ان تكرار حاجه زى كده ممكن يكون له تاثير سلبى على عمر هذه الاجزاء
هو لما ينفع تعمل كدا اصلا يبقى الدبرياج مزبوط؟؟ولا بايظ
ايوه ممكن تعمل كده فى اى عربيه والدبرياج بيبقى مزبوط عادى
بس انا مبحبش الطريقه دى اصلا لأن دى سواقه بتوع الميكروباصات والزبالين ومينفعش سواق ملاكى يعمل كده
امال هما عاملين الدبرياج ليه
الحركه دى معملتها غير لما الدبرياج فصل واضريت اعمل كده لغايه اما اروح للميكانيكى غير كده مبعملهاش
أنا شغال كدا على طول بس لاحظت الأتى
لما يكون الأر بى إم عالى أو قارس على الغيار الفتيس بيبقى تقيل و سعات ما بيرضاش يجى
إنما لما يكون الغيار مستريح أو أر بى إم منخفض"تحت 2000" بتبقى سهلة و على فكرة ممكن تنقل من غير دبرياج كمان بس لازم سرعة دوران العجل زى سرعة دوران الموتور أو عند عدد لفات منخفض و دى بتبقى سهلة جدا فى البيجو 504 زى ما بعض الأعضاء كانوا قالوا فى موضوع هنا فى المنتدى بيتكلم عن النقل من غير دبرياج
على فكرة أنا أول ماحصل معي كدة كان صدفة
دوس دبرياج و ريح دماغك ههههه ..
أى حاجة فيها خطورة أو هتأدى لإستهلاك و تبويظ جزء فى العربية مش بعملوا ... إلى فى حالات الطوارئ إللى ماينفعش متعملش كده.
انا مرة بعد ما نقلت اكتشفت انى مكنتش دايس دبرياج ( فى ال128 طبعا )
وكانت النقلة سلسة الى اقصى درجة
بس معملتهاش تانى
يا جماعه خلاصه القول
لو مكنش الدبرياج له لازمه مكنوش عملوه وحتى كانو ريحو نفسهم والاكيد ان على المدىالطويل النقل بدون فتيس هايكون له تأثير ع العربيه
السلام عليكم ورحمة الله وبركاته..
أخي القدير..
يقول المثل الحكيم..امش عدل يحتار عدوك فيك..
وعندما تكون ماشيا على الصراط المستقيم فيصعب على الشيطان الاقتراب منك
وعندما تحافظ على النظام تكون سعيدا..
هذه قواعد في الحياة يفترض أن نتبعها في كل قواعد الحياة..إلا ما اضطررنا إلى التجاوز فيها عندما يكون ذلك مسموحا..
لذلك ..إذا كان عندك سلم يستغرق صعودك عليه خمس ثوان
ولكنك أردت الاختصار وكنت رشيقا فقفزت فوصلت إلى الأرض في ثانية
إن تعودت على هذا الأمر فسيحصل لك مشاكل في العضلات والأقدام والركب والظهر
ولو زلقت بالخطأ مرة فقد تنكسر أو تنجرح
فلماذا المجازفة منذ البداية بدون داع..
السيارات تختلف عن بعضها..
وما يسهل في أخرى يصعب أو يستحيل في أخرى
واستبدال غيار السرعة من دون دبرياج في البيجو أو 128 لا يصلح في كل السيارات
لأنه يسبب احتكاكا بين التروس الأمر الذي يفسد التروس وقد يتلف الجير كله.
وكذلك مسألة التموير والسيارة ماشية ..نعم..قد يسهل ذلك عندما تكون سرعة السيارة خفيفة
لأن تماسك التروس يكون ضعيفا..ولكن هذا يكون من خلال سحب حديد من حديد بمعنى أن سيحدث خدش وإن كان غير مؤثر
ولكن كثرة الخدوش تؤثر..
لذلك لا أنصح به..أبدا..
فأنت تنزل من الحافلة بعد أن تتوقف كليا..لأنك لو نزلت منها على اعتبار أن حركتها بطيئة جدا..فقد تقع..وقد تتأذى..
والسلام عليكم ورحمة الله وبركاته..
شوفوا تقولوا زبالين تقولوا بتوع ميكروباص
انا بقالى اكتر من 20 سنه باسوق من غير ما استخدم الدبرياج غير فى الغيار الاول والمارشدير
غير كدا لأ
وغيرت فى عربيات الدنيا كلها
وعمرى لا اشتاكيت من فتيس ولا عمرى غيرت اسطوانة ودسك ولا بليه ولا عمر الفتيس ما فارق المحرك ابدا
دوس دبرياج و ريح دماغك
ممكن عادى و كمان اكتشفت بالصدفه انك ممكن تنقل من غير دبرياج كمان بس يكون الموتور سربعه دورانه قليله كانك مدور العربيه وواقف لكن موضوع التموير دو عادى جدا بس ممكن يكون له تاثير على المدى البعيد لما تكون مرهق او تعبان ممكن تعمل كدة
هى الفكرة كلها يا محمد باشا انك بتفك تعشيقة ترسين اثناء دورانهم ودة بيزيد من عملية تاكل التروس عن المعدل الطبيعى!
انت هتلاقى الموضوع دة سهل لو الترس (العربية)بيدور بسرعة بطيئة لكن لو ماشى بسرعة مرك ما هتعرف تعملها لان هيكون صعب انك تفك التعشيقة من غير وجود ترس وسيط!
معرفش قدرت اوصلك حاجة ولا ايه!!
بس فى المجمل انت كدة بتتسبب فى الاتى:
- زيادة معدل تاكل التروس
- ارتفاع درجة حرارة زيت الجيربوكس وتغير خواصه
http://bujassoum240.jeeran.com/transmission-simple.gif
سيب اللى يقول يقول :36_1_2[1]:
انا بمور بس من غير دبرياج وجربت الحكاية دى فى الفيورا واللانوس وعربية
واحد صاحبى والتموير سلس جدا تحت 1.5 rpm جربت امور فوق كده بشوية
بيكون فيه عضه بسيطة
يا باشا كلامك صح ميه الميه
وفعلا انا جربت امور على سرعة عالية الفتيس مرضيش
لكن انا بمور وانا تقريبا هقف خالص
يعنى لو انا ماشى وقدامى مطب المفروض ادوس فرامل وبعد شوية دبرياج
والعربية داخلة على المطب او ادوس دبرياج وانقل وانا على المطب ( وكل ده حسب ظروف الطريق)
لكن بالتجربة بعد ما افرمل والعربية تهدى التموير بالدبرياج = التموير بدون دبرياج
والمشكلة انى اتعودت
أتوقع انه ممكن حضرتك تمشي بالعربية بدون دبرياج في حال كان في مشكلة بالدبرياج.. وممكن تفصل الفتيس وتكمل شغلك عن طريق دواسة البنزين والله أعلم.
:majd(2)::satelite: