بالظبط هذا ما اقصده
و هو الاتجاه القادم الذي سيسود لا محاله و الغريب ان بدايه تسيده من بلاد عشقت الجير العاده و هي البلاد الاوروبيه
بالظبط هذا ما اقصده
و هو الاتجاه القادم الذي سيسود لا محاله و الغريب ان بدايه تسيده من بلاد عشقت الجير العاده و هي البلاد الاوروبيه
تفتكر عمرو الجير العادى اطول . وهل هو افضل من الاوتوماتيك . الجير العادى عاش معانا سنين طويلة واخدنا عليه يعنى لو واحد بقاله 10 او 15 سنة بيسوق منيوال ممكن يستغنى عنه بسهوله ويتعلم الاوتوماتيك اكيد هيلاقى رجله الشمال عماله تلعب فى الارض بتدور على حاجة تدوس عليها مصيبة لو اتصرفت لوحدها او بطريقة لا ارادية وداست الفرامل وانا ماشى هتبقى مشكلة الحركات ال لا ارادية والمثل بيقول من شب على شىء شاب عليه . يعنى الى اتعود على حاجة من الصعب التخلص منها بسهولة فبالنسبة لى قلت اكمل الطريق زى ما بدأته ..... يعنى انشالله وبعد تفكير طويل وعلشان رجلى الشمال ما تزعلش قلت اجيب منيوال واهو كله محصل بعضه. رغم اغراء الاوتوماتيك هيفقدنا متعة السواقة . الواحد كده فى المنيوال تفكيره وتركيزه بيبقى فى السواقة اما الاوتوماتيك ممكن تسوق وانت بتلعب عشرة طاولة عادى مش محتاج تركيز ل فى نقل ولا اى حاجة طريق وخلاص واديها سكة. والله مش عارف ايهما افضل ......... فعلا الاختيار صعب فى زمن الاوتوماتيك......
هوة يوم و التاني و حاتتعود عليها زي بالضبط لما بتشتري عربية جديدة مسألة سواقة ساعتين و بتكون خدت عليها
انا قعدت اسوق مانيوال طول عمري لأكتر من 14 سنة لغاية سنة 1998 جبت اول عربية اوتوماتيك و من ساعتها ماباسوقش غير اوتوماتيك
اواوتوماتيك ما بيققلش من متعه السواقة بل بالعكس سواقة الاوتوماتيك امتع بكتير
و عندك شوية اوبشنز في الجير الاوتوماتيك مش موجودة في المانيوال
الكيك داون و الباور درايف و برضة اللعب في العصاية و تسقيط نقلات بيها
و اللعب و الحساسية برجلك على دواسة البنزين في الاوتوماتيك متعه تانية
بتخللي رجلك حساسة قوي و تبقى عارف حاتدوس لغاية فين علشان الفتيس يعمل اية
انمتى يقرص معاك عالنقلة و امتي تخف رجلك يطلع للنقلة اللي بعدها و امتى تكبس يسقط نقلة بالكيك داون
بصراحه متعه السواقة فية حاجة تانية
بس لما تكون عربية شديدة و سي سي عالي و فتيس قوي دي بقى قصة تالتة دوس باور درايف و الموتور و الفتيس حايتغيروا تماما و تحس انها عربية تانية خالص من لمسة زرار
ياعم مانيوال اية بس اللي بيدي متعه سواقة
سوق عربية اوتوماتيك شوية و العب و اجري و اقرص و ياسلام لو تسافر بيها و انت حاتنسى خالص فكرة المانيوال دي
و حاتركب الفتيس المانيوال دة لاسانسير بيتكم :wink:
ههههههههههههههههههههههههه هههههههه
ههههههههههههههههههههههههه هههههههه الاسانسير اوتوماتيك.
الصراحة الى انت كاتبه انا مش فاهم منه حاجة لجهلى التام عن الاوتوماتيك . وشكرا ...... انا سمعت ان العيد يوم الاتنين..... وشكرا ارجو الافادة لجهل متلقى المعلومات واحدة واحدة انت عمال تقول باور درايف وكيك داون وكيك اوت واسانسير ايه الحاجات الغريبة دى واحدة واحدة وخاصة فى النقطة بتاعت الاسانسير. وشكرا فى انتظار شرح وافى .اقتباس:
المشاركة الأصلية كتبت بواسطة Adham
:D
ياسيدي الموضوع بسيطال Kick down هو ان الفتيس الاوتوماتيك بياخد اوامر عن طريق دواسة البنزين (يعني فية سلك موصل دواسة البنزين بالفتيس) لما تكبس بنزين بيسقط نقلة - هوة دة الكيك داون
ولما تقرص بنزين بيطول معاك مشوار النقلة, و أول ماتخف رجلك على دواسة البنزين يطلع للنقلة اللي بعدها
Power Drive دة زرار في الكونسول بتاع الفتيس غالبا, لما بتدوسة بيزود عزم الموتور عن طريق فتح بخاخات او زيادة نسبة الوقود في خليط الهواء الداخل للموتور
و بيعمل لقطه كهرباء في الفتيس يخللية يحرق عالغيارات مع عزم الموتور العالي و تسمع صوت الموتور اعلى و اقوى
بتحس ان العربية غيرت الموتور بموتور اقوي من كبسة الزر دة
يا باشا الخلاصة ،،، المفيدة ، زيتوتة الموضوع علي رأي اللنبي :D :D
أي شخص ،، جرب الأتوماتيك ،، بيفضله و إستحالة يرجع للمانيوال تاني ،
زي ما أ/ أدهم بيقولك ، لو عايز تتأكد شوف أي حد تعرفه عنده عربية أتوماتيك أسأله عربيتك الجديدة إنشاءالله هتشتريها أيه ،، شوف رده
برده زي أ/ أدهم ،، المانيوال ده تركب لإسانسير العمارة :D :D :D
غير كده ،، لو حضرتك مش مجربه و مش متعود عليه أي كلام مش هينفع ،، فالقرار لحضرتك يا تفضل مانيوال و مش هتحس بأي مشكلة لأنك مجربتش الأتوماتيك يا تجرب الأتوماتيك و تبقي مدمن ،، اسف ،، قصدي تنسي المانيوال تماما و تكرهه
بعدين غالبا حضرتك بتتكلم علي عربية زيرو ، فمش من أولها تخاف للفتيس يبوز ،، :D :D ، فمتشيلش هم لحكاية الصيانة دي
+1
و زي ماقلتلك انا قعدت 14 سنة اسوق مانيوال بس
و من 98 سقت اوتوماتيك و من ساعتها جبت 3 عربيات اوتوماتيك مانزلتش منهم
هوندا أكورد و بعدين لانسر و بعدين فرونتيرا
و الفتيس الاوتوماتيك يعيش كتير قوي طالما بتخللي بالك من حاجتين:
أولاً: تغير زيتة بانتظام و تستعمل زيت مضمون
ثانيا : أوعى النقلات الغلط, ودي مش بتحصل غير بتعمد, انك تحط الدرايف و العربية ماشية ريفرس
او تحط الباركنج و العربية لسة ماوقفتش
ودول مايحصلوش غصب عنك
علشان فية لوك للنقلات دي يعني لازم تدوس الزرار اللي في العصاية
و اللي بيعمل كدة بيعملها قرننة زي مابيعمل امريكاني مثلا
بس الامريكاني ما بيسببش ربع ضرر الريفرس مع الدرايف
و هل الزرار ده موجود في الياريس الاوتوماتيك ؟اقتباس:
Power Drive دة زرار في الكونسول بتاع الفتيس غالبا, لما بتدوسة بيزود عزم الموتور عن طريق فتح بخاخات او زيادة نسبة الوقود في خليط الهواء الداخل للموتور
NOPEاقتباس:
هل الزرار ده موجود في الياريس الاوتوماتيك ؟
معتقدش
مش موجود في الياريس ولا الكورولا ولا اللانوس ولا اللانسر.
موجود في الامبريزا.
انا بحب المانيوال جدا طول ما احنا في عربياتنا اللي في مصر (لو ركبت 2000 تزغرط :mrgreen: )
لكن طبعا لو عربيتي 6 سلندر و 2800 سي سي وما فوق (خصوصا لو حديثه) يبقى وداعا للمانيوال... بس ان شاء الله العربيات دي الواحد يركبها في الجنه بقى :mrgreen:
دنيا و اخره
ربنا اتنا فالدنيا حسنه و فالاخره حسنه وقنا عذاب النار
دة قر بقى من تحت لتحت و للا أية :wink:اقتباس:
المشاركة الأصلية كتبت بواسطة Ahmed Hassan
ياعم ال6 سلندر خراب بيوت في قطع الغيار و استهلاك البنزين
وكمان الضريبة 650 جنية في السنة
و التأمين 130 جنية
و تسجيلها ب 1650 جنية كمان
يعني موت وخراب ديار
يبقى عندك العربية و تعمل الف حساب لكل مشوار, و تبقى مستخسر تنزل مشوار بعيد علشان البنزين
دة قر بقى من تحت لتحت و للا أية :wink:اقتباس:
المشاركة الأصلية كتبت بواسطة Ahmed Hassan
ياعم ال6 سلندر خراب بيوت في قطع الغيار و استهلاك البنزين
وكمان الضريبة 650 جنية في السنة
و التأمين 130 جنية
و تسجيلها ب 1650 جنية كمان
يعني موت وخراب ديار
يبقى عندك العربية و تعمل الف حساب لكل مشوار, و تبقى مستخسر تنزل مشوار بعيد علشان البنزين
واضح يا جماعة انى هدخل معاكم غرزة الادمان وشكلى هنرسى على الاوتوماتيك انا بقيت مدمنه قبل ما اسوقه انا فعلا اقتنعت تماما ان الاوتوماتيك ده حاجة عظيمة جدا ....... لا خلاص يا اوتوماتيك يا اما بلاش الدنيا بتزداد زحام والعربيات بقيت اكت من عدد البنى ادميين فى مصر فمش ممكن ينفع المنيوال ده فى الاسكندرية لما بنقف شوية فى اشارة نبقى عماليين ننفخ ولو ماشيين فى زحمة رجلينا وركبنا توجعنا من كتر النقلات من اول لتانى لاول مرة اخرى شغلانة المنيوال ..
بس لى سؤال لو فى زحمة وماشى واحدة واحدة اجيب الفتيس على ال D ولا ايه ؟ واحدة واحدة جزاكم الله خير اخوكم بيفهم على مهله .
هو D ده لكل السرعات من ساعة ما اطلع لغاية ما اقف . ولا ايه؟ ولا هناك نقلة للزحمة ونقلة اخرى للسرعات العالية
يعنى لو ماشى بسرعة عالية فوق ال 100 مثلا وحبيت اهدى افضل برضه على ال D ولا ايه والزرار الى فى عصا الفتيس ده للفصل مش كده يعنى لو عايز انقل من D الى N مثلا اضغط على الزرار كانه دبرياش صح علشان احرك عصا الفتيس من غير ما اضغط العصا لا يمكن تتحرك صح.
طيب لو انا على ال D وجت على زحمة ووقفت امور ولا خلينى على ال D واطلع عليه برضه
افيدونى يا اهل الخبرة جزاكم الله خيرا وكله على الله وكل عام وانتم بخير
اخوكم التلميذ حمو سنة اولى اوتوماتيك
مفيش حلاوه من غير نار و صدقني فرق البنزين فالسيارات الحديثه مش كبير قوي بين ال8 و 6 و 4 عن زمــــــــــــاناقتباس:
ياعم ال6 سلندر خراب بيوت في قطع الغيار و استهلاك البنزين
وكمان الضريبة 650 جنية في السنة
و التأمين 130 جنية
و تسجيلها ب 1650 جنية كمان
يعني موت وخراب ديار
يبقى عندك العربية و تعمل الف حساب لكل مشوار, و تبقى مستخسر تنزل مشوار بعيد علشان البنزين
الدى ده تمشى عليه باستمرار لغاية ما العربيه تقف لانه هو ده الغيار الرئيسىاقتباس:
المشاركة الأصلية كتبت بواسطة hamo2007
بتبدا بيه من الوقوف الى الوقوف مره اخرى مهما كانت السرعات اللى هتمشى ومهما كان عدد مرات الوقوف
اما بالنسبه للزرار اللى فى عصاية الفتيس ده معمول للظروف الطارئه فقط
يعنى مثلا لو بتاخد سكه من عربيه فى طريق سريع مزدوج وامامك مقابل قريب
وحاسس ان العربيه مش متجاوبه وخايف لا المقابل يقرب اكثر
تدوس على الزرار وانت كابس دواسة البنزين هتلاحظ ان قوة العربيه تضاعفت
لانه بيفتح رشاشات اضافيه للبنزين فى الموتور (وأعتقد كمان انه بيسقط غيار )
وبسرعه عربيتك تاخد سكه وتبقى فى المقدمه فى وقت قصير جدا
بعد كده بتفصله تانى وتمشى عادى لانك لو فضلت فاتحه بيستهلك بنزين اكثر
وأكيد بيحمل على الموتور فوق طاقته العاديه فيستهلكه اسرع
لذلك هو مصمم للاستخدام فى الظروف الطارئه فقط
أرجو ان اكون استطعت افادتك
اخوك أشرف
ربنا يخليك يا اشرف انا بجد مش عارف اقولك ايه انا مفروض استلم بكره يا مسهل الحال انا مش مصدق نفسى انا اصلى حاجز من شهر ومش عارف خايف ما يصدقوش الوعد وانا رايح سانن سنانى علشان لو استلمتش هاخد العربون وهاحجز من التوكيل الرسمى الى انا مكنتش اعرفه وقت الحجز ...........بس اتعلمت درس اوع يكون فيه توكيل وتروح تحجز من صالة...... انا اساسا مش عارف انام بسبب الموضوع ده ربنا يسهل.
نيجى للدرس:-
يعنى الغيار D افضل مثبته من ساعة ما اسخن الصبح واطلع بالعربية لغاية ما اركن صح.
طيب الغيار 1 و 2 لهم لزوم ام فى الطرق الوعرة فقط يعنى لو فى زحمة فى مطلع كبرى ال D كفاية ولا ايه .
الزرار الى فى عصا الفتيس ...... تقريبا مش هستعمله خالص مش كده هل هو ده الاوفر درايف.
معلش انا اسف للازعاج
يعنى لو فى مطلع والدنيا زحمة فى المنيوال كنت بوزن العربية بضعطة خفيفة على بدال البنزين مع الضغط على الدبرياش طيب فى الاوتوماتيك هاعمل ايه..مهم قوى الافادة ازاى اوزن العربية لو وقفت فى مطلع..
الزار اللي أبو شريف بيتكلم علية دة زرار الباور درايف
بس حمو كان بيتكلم عن زرار عصاية الفتيس اللي بيخللي العصاية تروح عالمراشدير و الباركنج
والزرار دة بيبقى ترباس علشان مايحصلش بالغلط ان حد يخبط العصاية تقوم ناقة مارشدير او باركنج اثناء السواقة و العربية ماشية تقوم تكسر الفتيس
يا حمو الدرايف تمشي علية في زحمة او سفر او واقف في اشارة و توقف العربية و رجلع عالفرامل في الاشارة
و لما تحب تقدم شوية في الاشارة لما تفتح تخف رجلك عالفرامل شوية تقوم العربية تمشي شوية و بعدين توقفها بالفرامل برضة لغاية ما الاشارة تفتح تاني
يعني تبقى سايق برجل واحدة و خلاص
ولا فتيس و لا دبرياج و لا حاجة :wink:
بس انا بافضل اني لو واقف في اشارة مدة اريح رجللي و اجيب ال N
و بالنسبة للباور درايف فدة مش موجود في كل العربيات
بعضهم بيبقى بيشتغل بس عالكيك دوان من غير زرار باور درايف
اقتباس:
المشاركة الأصلية كتبت بواسطة hamo2007
ولا حاجة
دي ميزة الاوتوماتيك
ان طول مانت معشق العربية عال D العربية عمرها ماتريح منك لوراء أبداً
حاتفضل واقفة في مكانها ولو في افظع مطلع و لا حاترعش و لا حاتبطل و لا اي حاجة
ولو المطلع مش جامد ممكن تضطر تلمس رجلك بس على بدال الفرامل علشان العربية ماتمشيش لقدام
ولما تحب تقد شوية تدوس بنزين شوية صغيرة و توقفها تاني بلمسة فرامل
فعلا يا أدهم باشا انا نسيت اتكلم عن زرار تحريك العصايهاقتباس:
المشاركة الأصلية كتبت بواسطة Adham
علشان تبقى عارف ياحمو هيكون عندك زرارين فى عصاية الفتيس
زرار كبير وده لازم تدوس عليه كل ما تحرك عصاية الفتيس
وزرار تانى صغير جدا بتاع الاوفر درايف ولما بتدوس عليه بينور لمبه فى التابلوه
انا استخدمت الزرار ده فى الكرولا ال 1300 وهو ممتاز جدا فى الازمات على الطرق السريعه
لكن لو استخدمته وانت ماشى هادى لن يكون له تأثير
بس انا غير متأكد من وجود زرار الاوفر درايف فى الصنى ال 1600
ياريت لو حد معاه صنى 1600 يأكد لنا وجوده
هتبقى عربيه ممتازه لو موجود فيها الزرار ده
ويارب يسلموك العربيه الاسبوع ده علشان تحكيلنا عن تجربتك معاها
كتر خيركم على الردود الجميلة دى النهاردة رحت وفاكر هستلم ولقيت عربيات مرصوصة بره قلت فورجت يا واد طلع لاسبقيت الحجز وقالى انت لو قلتلى اوتوماتيك من الاول كان زمانك مستلم بس انت كنت طالب مانيوال وغيرت رايك فقال لى من هنا لاخر الاسبوع اكون حضرتلك واحدة .
رجعت وانا بجر ازيال الخيبة خيبة الامل طبعا واحبط اخر احباط واخذت انظر الى العربيات التى سوف تسلم بحسرة وبحقد وبكراهية لدرجة انى ركلت واحدة من الواقفيين عقابا لاصحاب الصالة.وانا الى تحملت الالم الذى حدث فى قدمى لانى ركلتها خطاء جت فى الجنط. قلت يلا بجملت.
ولسه فى مرحلة الانتظار.......وانتم حببتونى فى الاوتوماتيك وعلشان كده غيرت المنيوال.
شكرا لكم واتمنى انه يكون الاختيار الاصوب انشالله
الصبر جميل ياحمو وهدى اعصابك واعلم ان كل شئ بارادة اللهاقتباس:
المشاركة الأصلية كتبت بواسطة hamo2007
وتأكد ان الانتظار الطويل ده فيه خير ليك
ولى طلب عندك عايزك لما تستلم العربيه تشوفلى مقاس الجنط 15 ولا 14
مقاس الجنط 15 والكاوتش بريدجسيتوناقتباس:
ولى طلب عندك عايزك لما تستلم العربيه تشوفلى مقاس الجنط 15 ولا 14
جزاك الله خيرااقتباس:
المشاركة الأصلية كتبت بواسطة yahyanaabil
وياريت من فضلك لو معاك صنى هيدروماتيك تقولنا
هل فيها زرار الأوفر درايف فى عصاية الفتيس ؟؟؟
يا جماعه زرار الاوفر درايف OD ملهوش علاقه بال كيك داون “KICK DOWN”اقتباس:
المشاركة الأصلية كتبت بواسطة ابوشريف
أي عربيه اوتوماتيك فيها اربع نقلات اماميه في الفتيس مش هتلاقي فيها زرار اوفر درايف.
العربيات اللي فيها ثلاث نقلات اماميه في الفتيس هيه اللي هتلاقي فيها زرار اوفر درايف.
السبب في ده ان زارا الاوفر درايف هوه التقله الاماميه الرابعه.
في عربيات تانيه اوتوماتيك بيكون فيها DRIVING MODES في الفتيس... يعني مثلا HOLD او POWER و ده موضوع تاني غير الأوفر درايف.
بالنسبه للنيسان صني.. لو الفتيس باين فيه النقلات الأماميه 4 يبقى اكيد زرار الاوفر درايف مش موجود.
هو الكيك داون ده معناه أنى اسقط نقله؟؟
يعنى اكبس بنزين فالفتيس ينقل للنقله اللى بعد بعدها؟؟
كده صح ولا أنا غلطان؟؟
والله يا جماعة نفسى اشارك بس انتم اساتذتى وانا تلميذ بالنسبة اليكم ومن قال لا اعلم فقد افتى
حمو من ناشىء منتدى الاوتوماتيك
معناه نزول نقله.. يعني لو كنت على الرابع مثلا و ماشي 120 و دوست الدواسه على الآخر هتلاقي العربيه نزلت نقله (جابت تالت) لحد ما الـ RPM يوصل للحد الأحمر و بعدين العربيه تجيب رابعاقتباس:
المشاركة الأصلية كتبت بواسطة vooooo
يعني باختصار الفتيس بينقل للتقله اللي قبل اللي انته عليها
Ahmed Hassan كتب
زرار الاوفر درايف اللي بيبقي في الفتيس مش هو النقله الاماميه الرايعه بالعكس دا ينقل الفتيس للنقله التالته و بيفضل عليها لحد ما تفصل الزرار تاني يقوم الفتيس واخد الغيار الرابع .و لما بتشغله بيطلعلك علامه في التابلوه مكتوب فيها ان الاوفر درايف مفصولاقتباس:
يا جماعه زرار الاوفر درايف OD ملهوش علاقه بال كيك داون “KICK DOWN”
أي عربيه اوتوماتيك فيها اربع نقلات اماميه في الفتيس مش هتلاقي فيها زرار اوفر درايف.
العربيات اللي فيها ثلاث نقلات اماميه في الفتيس هيه اللي هتلاقي فيها زرار اوفر درايف.
السبب في ده ان زارا الاوفر درايف هوه التقله الاماميه الرابعه.
كلامك مضبوط جدا بدليل ان فعلا فى التابلوه بينور لمبه offاقتباس:
المشاركة الأصلية كتبت بواسطة hazem_khidr
حتى انا احترت ليه بينور off مش on لما بندوس على الزرار
بس انت كده فسرتها تمام .....شكرا لك
ا
مهو اللي بتقوله ده معناه ان الاوفر درايف هوه النقله الرابعه.اقتباس:
المشاركة الأصلية كتبت بواسطة hazem_khidr
اللي بيلخبط الناس ن اللمبه بتنور مكتوب عليها “OD OFF” و ده معناه ان الفتيس شغال 3 سرعات بس... و لما الأوفر دريف بنشغله اللمبه بتطفي.. و ده منطقي!!!
لما لمبه الاوفر درايف تطفي ده معناه ان الفتيس شغال 4 سرعات عادي... و لو عايز تعمل تسارع مفاجيء المفروض تدوس دواسه البنزين على الاخر فالعربيه تعمل kick down.
يا ريت بس نتاكد من المعلومات قبل ما نكتبها لأن الموضوع ده بالذات الناس مش ناقصه لخبطه فيه.
ايوه الاوفر درايف هو النقله الرابعه .اقتباس:
مهو اللي بتقوله ده معناه ان الاوفر درايف هوه النقله الرابعه.
الزرار دا لما بتدوس عليه و اللمبه بتنور معناه انك بتفصل الاوفر درايف مش بتشغله. علشان كده بيكتب off مش بيكتب onاقتباس:
اللي بيلخبط الناس ن اللمبه بتنور مكتوب عليها “OD OFF” و ده معناه ان الفتيس شغال 3 سرعات بس... و لما الأوفر دريف بنشغله اللمبه بتطفي.. و ده منطقي!!!
لا ي احمد انا متاكد من معلوماتي و يا ريت تسأل اي حد عنده اتوماتيك وفاهم حيقولك نفس كلامي :wink:اقتباس:
يا ريت بس نتاكد من المعلومات قبل ما نكتبها لأن الموضوع ده بالذات الناس مش ناقصه لخبطه فيه.
لاتعليق
وبعد قليل:اقتباس:
المشاركة الأصلية كتبت بواسطة hazem_khidr
أرجوك يا أخى تاخد بالك إن ردودك يثق فيها الكثير من الأعضاء فتحتاج لدقة أكثر وتأنى أكثر فى عرض أى معلومة .اقتباس:
المشاركة الأصلية كتبت بواسطة hazem_khidr
[quote="Ahmed Hassan"][quote="ابوشريف"]كلامك سليم ياباشا و مضبوط 100% بس خللي بالك انا قلت زرار الباور درايف مش الاوفر رايفاقتباس:
المشاركة الأصلية كتبت بواسطة Adham
و بالمناسبة معظم العربيات بيبقى فيها D3 و D4 اختيارين في عصاية الفتيس الاوتوماتيك (ال Selector) و الأوفر درايف بيبقى هوة ال D4 و لما تجيبة بيخللي العربية تاخد النقلة الرابعه و الموتور يرتاح في المسافات الطويلة لو في سفر او هاي واي
لا يا دكتور احمد انا مش غلطان ولا حاجه و فاهم انا قولت ايهاقتباس:
المشاركة الأصلية كتبت بواسطة Dr Ahmed
في الجمله الاولي قولت(زرار الاوفر درايف) مش هو النقله الرابعه .
و الجمله التانيه قولت (الاوفر درايف)هو النقله الرابعه بمعني انك في النظام العادي بيبقي الاوفر درايف شغال عادي لكن لما بتشغل الزرار ف دا معناه انك بتفصل الاوفر درايف او النقله الرابعه.