المشاركة الأصلية كتبت بواسطة MuhammedSoliman
استلمت العربية يا شباب النهارده بعد مجهود كبير من القائمين على التوكيل وعلى رأسهم المهندس محمد رشدى والمهندس محمد صلاح بس للأسف غيرت كل حاجه إلا البليه وكمان اسبوع هاروح اسأل عليها إذا كانت جت ولا لأ والمهندس محمد رشدى أكد لي انها اول ما تيجى هيتصل بيا على طول وهيركبه من غير مصنعيه كمان على اساس إنه هيحسبها على المصنعيه ديه اللى دفعتها وطبعا انا قلقان من البليه ديه اوى لأنها من الممكن تفرك فى اي وقت عشان كده مافيش سفر بيها ولا سرعات عاليه لغاية ما اغيرها عشان طبعا انتم عارفين السير بتاع التقسمه والبليه مهمين اد ايه لأن العربية حتى لو حاولت تدورها هتعوج الصبابات وتعمل اخر قلق وان شاء الله هكلم الراجل اللى اتفضل اخونا rafysamy وبعتهولى بكره ان شاء الله ولو عندوا هجري اركبها على فكره انا دفعت 1644 بالمصنعيات اللى كانت حوالى 375 جنيه وضريبة المبيعات 10 % وهتابعكم بالاخبار اول بأول وشكرا ليكم كلكم على الشعور الطيب والمشاركات