الموضوع: السيارة الاكثر شعبية فى قسم أوبل (بلا خيبة) تعود للتألق من جديد (تعديلات بسيطة)

المشاركة الأصلية كتبت بواسطة manabedo

معلش يل مخ حرزل شويه يعني انا اجيب ايه باظبط و منين و التنكلفه كام وانت عامله من قدام علش شكل سهم ازاي يا بوب

يا باشا ولا يهمك انا تحت امرك

شوف يا باشا
هتجيب اللمبه اللى بقولك عليها دى مسطره طويله كده ليدات جوه غطا بلاستك تقريبا الطويله سعرها 50 جنيه او اقل

هتحتاج 2 فى كل جنب وقدام وورا كمان يعنى كله 8

هتجيب زرار زى بتاع التكييف كده وسلوك بقى لزوم التوصيل وكتاوت

هتروح لكهربائى شغله نظيف ركز فى دى اوى
لازم يكون نظيف مش عاوزين عك اكتر من اللى احنا بنعمله ده

هتركبهم فى مستوا اعلى عن الارض من مستوى الشاسيه الحديد
عشان لو حكيت فى مطب ولا حاجة مش يتكسروا منك

وهتوصل كله ببعضه وتوصلهم على المفتاح بالكتاوت
وشوف عايزهم يشتغلوا على طول من المفتاح ولا مع نور التابلوه ولا مع الشبوره
زى ما انت عايز

بس لو هتشغلهم مع حاجة يبقى لازم تروح لكهربائى فاهم فى ابول عشان مش يبوظلك الضفيره

بالنسبة للسهم خليه يركب الاتنين اللى قدام على شكل سهم مش لازم على خط واحد