حد سمع شريط عمرو دياب الجديد ؟!!!! ايه رايكم فيه ؟!!!!
عرض للطباعة
حد سمع شريط عمرو دياب الجديد ؟!!!! ايه رايكم فيه ؟!!!!
we7esh awy
IMHO
معقول فيه 3 او اربع اغانى بس حبتهم والباقى رزع على الفاضى
zeft w7sh gdan
عمرو دياب شريطه بيبان حلو ولا وحش خلال شهرين و مينفعش تحكم عليه من اول مرة تسمعه
البوم جامد جدا
البومات عمرو دياب اول ما تنزل تحس انها عاديه و ممكن تحس انها سيئه
لكن اصبر شويه هاتسمعه كتير هتحبه قوي زي كل شرايطه اللي فاتت
fageeeeeeeeeeeeeeeeeeeer
مش حلو
التوزيع مش حلو
الالحان مفيهاش جديد
من الاخر مش هو ده الالبوم اللى ينزل بيه
الاغانى الكويسه
وحياتى خليكى - طمنى - بعدت ليه - حلوه الايام
بصراحة كدةانا حااسس
ان تامر هايغطي علي عمرو مع اني مش بحب تامر قوي وبموت في عمرو
اقتباس:
أرسل أصلا بواسطة ابو السعود http://www.nilemotors.net/Nile/nile/...s/viewpost.gif
البومات عمرو دياب اول ما تنزل تحس انها عاديه و ممكن تحس انها سيئه
لكن اصبر شويه هاتسمعه كتير هتحبه قوي زي كل شرايطه اللي فاتت
حتلاقى ودنك تاخد عليه يعنى
اللى بيضايقنى فى عمرو دياب ان فى كتير من الحانه مشابه تماما لالحان اغانى اجنبى
فكرتونى بفيلم الكيف لما كان يحي الفخرانى راكب تاكسى و شريط الكيمى كيمى كاه مشغله السواق ....
هى دى الناس اللى فاهمه عمرو دياب كويس
فعلا ألبومات عمرو محتاجة وقت عشان تتسمع كويس
بس عموما مؤخرا فقدت الحماس لسماع عمرو دياب ...
و لما بيجي على بالي بسمع الحاجات القديمة
مش اووى ومش دة عمرو اللى احنا نعرفه شريط تامر احسن منه
شريط جامد جدا طبعا
ولا عزاء لعزمى فهمى نظمى رسمى
تامر مينفعش يغطى على عمرو ولا حاجه
الالبوم اللى حلو بجد
أنغام
وفى كمان البوم حلو
عبد الفتاح الجرينى
بس ميحدش يبص على شكله
اسمعه بس :)
اه عبد الفتاح الجرينى شريطه جامد جدا , على فكرة انا بسمعه من زماااان لما كان بيغنى فوكال هو و جنات و كنت متنبأ لهم بمستقبل جامد .
و شريط هشام عباس الناس كلها بتقول حلو جدا بس انا لسه مسمعتوش .
و ايهاب توفيق نازل كمان كام يوم , و شيرين كمان .
مش عارف والله هنسمع مين ولا مين !!
اللى انا منتظره بجد ( حــمــاقـــى ) و هزعل لو منزلش الصيف ده .
انا بحب عمرو فـ اكيد الحكم سيكون منحاز شوية :)
اكيد جامد :)
أنا ماليش فى الأغانى بتاتا!!
ليا فى الموسيقى بس إللى مش بيشوهها صوت بشرى عقيم هههه ...
حمراا !!
البوم تعبان و كله خبط ورزع والحان متكرره و كمان توزيع اغانى كتير زى اغانى زى اغانى عملها قبل كده
يعنى اغنيه وياه دى عامله زى توزيع اغانى كتير ليه وكمان زى اغنيه عملها عمر مصطفى واتصورت قبل كده
الله على حبك انت ؟ فين كلمات الاغنيه بقى دى تنفع لاعلان مش اغنيه فى البوم
بعدت ليه : احساسه فيها عالى اوى وصوتع جميل فيها اللحن كان ممكن يبقى اهدى واروق من كده بس كويسه
اه من الفراق اغنيه كلاسيكيه بس حلوه فكرتنى بقالتلى قول و توقعت الى كاتبها وفعلا طلع بهاء الدين محمد
مالك : عمر دياب عمل زيها تريليون مره
يهمك فى ايه : وهم واجمد اغنيه فى الشريط
تقييمى للالبوم : جيد
مقارنه بفنانين تانيين عمر دياب فى النازل والمفروض يشتغل شوى فى اختيار الاغانى
الواحد ماعادش بييصدق نفسه لما بيلاقى اغنيه حلوه بتنزل بس اتفاجات لما سمعت البوم فضل شاكرا الاخير الى ماحدش ما سمعوش اختيار الكلمات والالحان و التوزيع فضل من اشطر الناس فيه وناس كتير بتحب عمر كانت بتتمنى اغانى فضل بصوت عمر
وكمان الجديد عند فضل كل مره ديو جديد بشكل جديد و طريقته فى الغنا بتختلف من البوم لالبوم
تامر هيغطى على عمر تامر هينزل 14 اغنيه واكيد هينزل اغانى هاديه والناس بتحب الحاجات دى
يعني ايه اول كلمة انت كاتبها دي ؟
تقصد بيه ايه بالظبط
اسلوبك غير مقبول بالمرة في المنتدى وادى الى انذارك مع وقف اسبوع
في حالة التكرار سيتم تجاوز القواعد ووقفك نهائيا من المنتدى
الادارة 1
اهلا بيك ياباشا
البوم انغام ده بالذات لازم تحس بيه بالاختلاف عن اللى فاتوا
لان اخر 3 البومات فهد اللى كان بيوزعلها الاغانى
وحاليا انغام على خلاف معاه فاعتمدت على موزعين تانيين
هما طبعا ممتازين وفى منهم موزعين احسن من فهد لكن ليهم طبعا اسلوب مختلف
فلازم هاتحس ان الالبوم مختلف وممكن تحس انه مش حلو
لكن انا رأيى انه افضل من اللى فات
طيب ياباشا و انت شايف أن هو داة المستوه اللي منتظرأن يقدمة عمرو لجمهورو اللي بقالو سنتين مستانية
أربع أغاني أتسمعو قبل كدة(محروقين) و باقي الاغاني منهم أغنيتان ثلاثة جامدين و الباقي مزيكا تكنو علي ترنسات والمزيكا دية أصلا مابتلقش علي عمرو دياب هو منة لله حماقي هو اللي بدع المزيكا التكنو دية في الاغاني العربي في الفترة الاخيرة و الباقي راح وراة و خلاص طيب ياجماعة المزيكا دية لايقة علي حماقي بس مش لازم تليق عليك يا عمرو و لا أنت ياعم تامر و متهيقلي سهل أني أتقبل أن تامر يقلد حماقي و يعملو أغنيتان مزيكتهم تكنو علي أتنين ترانسات لاكن صعب أني أتقبل داة من عمرو اللي جمهورو مستانية بقالو سنتين تقيمي للالبوم مقبول مش أكتر من كدة لان مش داة المستوة اللي عودنا عالية عمرو دياب الالبوم اللي فات أحلي بكتير :whtauwant:و علي فكرة شريط هشام عباس فعلا جامد و اللي انا مستانية بقي ينظف وداني هو الكنج منير حبيب قلبي أمتة تنزل ألبوم بقي علشان تسكت ناس كتير عمالة تغني عالينا مش تغنيلنا:colsmil:
بص انا شخصيا عاجبنى الشريط جدا و شغال طول النهار عندى .
و لكن خد بالك من حاجة .!
عمرو دياب عمل كل انواع الموسيقي اللى انت تتخيلها و غنى بما فيه الكفاية و اتشهر برده بما فيه الكفاية و اخد الMusic Award كذا مرة .
و هو كمان اللى غير مسار الاغانى فى مصر و كان سبب فى تكريمه للMusic award كانت اغنية (حبيبي و لا على باله) لانه جمع فيها الاغنية الشرقي بالغربي بطريقة مفيش مغنى فى العالم عرف يعملها .
فطبيعى انك بعد ما شفت افضل اداء لعمرو دياب الالبوم ده ميعجبكش , و ممكن اللى جاى ميعجبكش برده .
بس مش علشان معندهوش جديد ! لا , علشان الناس سمعت افضل ما عند عمرو دياب طول حياته .
و برده سبب من اسباب اللى خلتك تقول ان الالبوم مقبول و مش جيد , هو انك سمعت نصف اغانى الشريط قبل صدوره , يعنى مش حكاية ان الاغانى مستواها وحش .
اغنية (طمنى) للاسف اجمل مقطع فيها تم اذاعته فى اعلان بيبسي !
اغنية (وياه) نزلت قبل الالبوم باسبوع !
اغنية ( الا حبيبي و بعدت ليه ) تم تسريبهم قبل صدور الالبوم برده !
يبقي ده سبب ان الالبوم مش عاجبك , مش حكاية ان عمرو اغانيه وحشة .
و كمان يا باشا اللى بيسمع عمرو و بيحبه كويس , فعمرو عنده اغانى قديمة مش هتتكرر تانى ابدا .
( قرب منى _ بعترف _ قبل الوداع _ ايه بس اللى رماك _ ........ الى اخره ) .
و فى انتظار الكليب و القادم عموماااا .
مع احترامى لجميع الردود و وجهات النظر
بس انا رأيى ان الألبوم الأخير لعمرو جامد و من احلى البوماته الأخيره ... ومن وجهه نظرى انه يأتى مع البوم (تملى معاك) فى الجوده و تنوع الألحان و اختيار الكلمات
الألبوم حلو اوىىىىىىىىىىىىى انا بسمعه كل يوم من ساعه ما نزل
ونصيحه للى محبوش الألبوم يصبروا شويه و يسمعوه تانى
ياتى بعده فى الألبومات اللى نزلت الصيف ده بالترتيب :
جنات
انغام
هشان عباس
تامر حسنى
ياباشا و الله و انا معاك في كل الي أنت قولتة بس مش دة الالبوم اللي منتظر من عمرو دياب بصراحة انا شايف ان هو كان محتاج تركيز أكتر من كدة شوية و كان محتاج مينزلش الاغاني اللي أتسمعت قبل كدة مش علشان هية وحشة لا علشان أحنا سمعناها قبل كدة ماينفعش أكون مستني ألبوم جديد و الاقي نصفة قديم و علي فكرة أنا بموت في عمرو و عارف اد اية هو فنان و علشان كدة انا زعلان علي أدأة في الالبوم الاخيرلاني كنت مستني منو الاحسن من اللي فات أو بمعني أصح التقدم اللي هو معودنا عالية مش الرجوع لورا و اني أفتكرله أغانية القديمة علشان أقول أن عمرو جامد هو كدة كدة جامد بس أحنا كنا عايزين الاجمد و الاجمد بس كان محتاج منو شوية تركيز زيادة مش أكتر في أختيار الاغاني اللي ينزلة في البومة اللي جمهورو مستنية بقالة سنتين:fdsa:
اه فعلا نزل اسمه هعيش حياتى وفيه واحد تانى اسمه عبدالفتاح مش عارف ايه منزل عايش حياته هههه
فيه حد من الزملاء فوق طلب شريط منير لقيت نزل منه 4 اغانى قلت انزلهم ليه
Only if u are a King's lover u'll understand how much we've been waiting for that ..
4 nice songs from the upcoming Album ..
1- 3ada Alnahar.
2- Ya Eskandarany.
3- Beyout Alsuez.
4- Sa3at Sa3at.
Great songs performed by the greatest singer alive ..
Download Here
..اقتباس:
هيا اغنيه يهمك فى ايه ...معدتش على حضرتك؟:colsmil: ( رايى الشريط كله كويس جدا طبعا وعمرو صوتو حلو)
احسن من ابن التييييييت اللى اسمه تامر اللى بيخرف
هوة دة كلام...
..اقتباس:
( قرب منى _ بعترف _ قبل الوداع _ ايه بس اللى رماك _ ........ الى اخره ) .
وحضرتك نسيت (( اغنية صدقنى خلاص ))
"المعازف" جمع معزفة، وهي آلات الملاهي ، وهي الآلة التي يعزف بها
قال رسول الله صلى الله عليه وسلم : " ليكونن من أمتي أقوام يستحلون الحر والحرير والخمر والمعازف .. "
قال الله تعالى في سورة لقمان : " ومن الناس من يشتري لهو الحديث ليضل عن سبيل الله "
- قال ابن عباس رضي الله عنهما : لهو الحديث الباطل والغناء .
وعن الجوهري رحمه الله أن المعازف هي الغناء و آلات اللهو .
- وقال مجاهد رحمه الله : اللهو الطبل .
- وقال الحسن البصري رحمه الله : نزلت هذه الآية في الغناء والمزامير.
- قال ابن القيم رحمه الله: ويكفي تفسير الصحابة والتابعين للهو الحديث بأنه الغناء .
والغناء رقية الزنا و منبت النفاق و شرك الشيطان و خمرة العقل ، و صده عن القرآن أعظم من صد غيره من الكلام الباطل لشدة ميل النفوس إليه ورغبتها فيه ، فإن الآيات تضمنت ذم استبدال لهو الحديث بالقرآن ليضل عن سبيل الله بغير علم ويتخذها هزوا .
وقال تعالى : { واستفزز من استطعت منهم بصوتك واجلب عليهم بخيلك ورجلك وشاركهم في الأموال والأولاد وعدهم وما يعدهم الشيطان إلا غرورا } الإسراء : 63،64
- عن مجاهد رحمه الله ، قال : وصوته الغناء والباطل .
وقال تعالى : " أفمن هذا الحديث تعجبون ، وتضحكون ولا تبكون ، وأنتم سامدون "
- قال عكرمة رحمه الله : عن ابن عباس السمود هو الغنا، يقال : اسمدي لنا أي غني .
- كما قال رحمه الله : كانوا إذا سمعوا القرآن تغنوا فنزلت هذه الآية .
عن نافع رحمه الله قال : " سمع ابن عمر مزمارا ، قال : فوضع إصبعيه على أذنيه ، ونأى عن الطريق ، وقال لي : يا نافع هل تسمع شيئا ؟ قال : فقلت : لا ، قال : فرفع إصبعيه من أذنيه ، وقال : كنت مع النبي صلى الله عليه وسلم فسمع مثل هذا ، فصنع مثل هذا .
- قال شيخ الإسلام رحمه الله : ( أما ما لم يقصده الإنسان من الاستماع فلا يترتب عليه نهي ولا ذم باتفاق الأئمة ، ولهذا إنما يترتب الذم والمدح على الاستماع لا السماع ، فالمستمع للقرآن يثاب عليه ، والسامع له من غير قصد ولا إرادة لا يثاب على ذلك ، إذ الأعمال بالنيات ، وكذلك ما ينهى عنه من الملاهي ، لو سمعه بدون قصد لم يضره ذلك ) .
مذهب الأئمة الأربعة :
- فمذهب الإمام أبي حنيفة في ذلك من أشد المذاهب ، وقوله فيه من أغلظ الأقوال ، وقد صرح أصحابه بتحريم سماع الملاهي كلها كالمزمار والدف وصرحوا بأنه معصية يوجب الفسق وترد بها الشهادة ، وأبلغ من ذلك أنهم قالوا : أن السماع فسق والتلذذ به كفر .
- وسئل الإمام مالك رحمه الله عن ضرب الطبل والمزمار ، ينالك سماعه وتجد له لذة في طريق أو مجلس ؟ قال : فليقم إذا التذ لذلك ، إلا أن يكون جلس لحاجة ، أو لا يقدر أن يقوم ، وأما الطريق فليرجع أو يتقدم . ، وقال رحمه الله : إنما يفعله عندنا الفساق .
- و في مذهب الإمام الشافعي رحمه الله : صرح أصحابه العارفون بمذهبه بتحريمه .
و في مذهب الإمام أحمد فقال عبد الله ابنه : سألت أبي عن الغناء فقال : الغناء ينبت النفاق بالقلب .
* قال شيخ الإسلام ابن تيمية رحمه الله : ( مذهب الأئمة الأربعة أن آلات اللهو كلها حرام ، ثبت في صحيح البخاري وغيره أن النبي صلى الله عليه وسلم أخبر أنه سيكون من أمته من يستحل الحر والحرير والخمر والمعازف ، وذكر أنهم يمسخون قردة وخنازير ، .. ولم يذكر أحد من أتباع الأئمة في آلات اللهو نزاعا) .
- وقال : ( والمعازف خمر النفوس ، تفعل بالنفوس أعظم مما تفعل حميا الكؤوس ) .
* قال الشيخ ابن باز : والمعازف هي الأغاني وآلات الملاهي أخبر النبي صلى الله عليه وسلم أنه يأتي آخر الزمان قوم يستحلونها كما يستحلون الخمر والزنا والحرير وهذا من علامات نبوته صلى الله عليه وسلم فإن ذلك وقع كله والحديث يدل على تحريمها وذم من استحلها كما يذم من استحل الخمر والزنا والآيات والأحاديث في التحذير من الأغاني وآلات اللهو كثيرة جداً ومن زعم أن الله أباح الأغاني وآلات الملاهي فقد كذب وأتى منكراً عظيماً نسأل الله العافية من طاعة الهوى والشيطان وأعظم من ذلك وأقبح وأشد جريمة من قال إنها مستحبة ولا شك أن هذا من الجهل بالله والجهل بدينه بل من الجرأة على الله والكذب على شريعته .
* قال الألباني رحمه الله : اتفقت المذاهب الأربعة على تحريم آلات الطرب كلها .
* قال الطبري رحمه الله : فقد أجمع علماء الأمصار على كراهة الغناء والمنع منه . وهو القائل بعد هذا : ( قال ابو الفرج وقال القفال من أصحابنا : لا تقبل شهادة المغني والرقاص ، قلت : وإذا ثبت أن هذا الأمر لا يجوز فأخذ الأجرة عليه لا تجوز ) .
* وقال الحسن رحمه الله : إن كان في الوليمة لهو ، فلا دعوة لهم .
و في النهاية أذكركم بثلاث آيات من كتاب الله :
قوله تعالى:{ وما كان لمؤمن ولا مؤمنة إذا قضى الله ورسوله أمرا أن يكون لهم الخيرة من أمرهم ومن يعص الله ورسوله فقد ضل ضلالا مبينا }
و قوله تعالى {إنما كان قول المؤمنين إذا دعوا إلى الله ورسوله ليحكم بينهم أن يقولوا سمعنا وأطعنا، وأولئك هم المفلحون}
وقوله تعالى{ فلا وربك لا يؤمنون حتى يحكموك فيما شجر بينهم ثم لا يجدوا في أنفسهم حرجا مما قضيت ويسلموا تسليما }
ألبوم حلو جداَ .. و بدون الخوض في تفاصيل .. الواقع و الأرقام بتقول عمرو دياب بعيد جداَ عن أي إسم تاني ممكن يذكر جنبه .