هام جداُ : كيف تتصرف في حالة الطوارئ

**Eng. Rafy Samy** · 01-07-2009 11:29 AM

صباح الخير عليكم
في سؤال مهم جداً لازم نتكلم فيه... لو لاقدر الله حصل ظرف طارئ نتصرف ازاي بمعنى لو في واحد تعبان او في حالة حرجة ولازم ننقلة المستشفى في اسرع وقت وقررت انقلة بعربيتي - يبقى لازم اجري - لازم اخد اقصر الطرق - لازم اخد افضى الطرق كل ده معروف بس في 3 مشاكل حيقبولنا دايماً :
1- الاشارات اللي العساكر بتام فيها وممكن تفقل لاكتر من 15 ساعة
2- اللجان وشرطة المرور اللي لو قابلك واحد منهم ممكن يأخرك باي سبب حتى لو كان تافه
3- الشباب الروش اللي ممكن يفتكرك بتشد معاه وانتم عارفين الناتيجة

ازاي الواحد ممكن يتصرف في الظروف اللي زي دي ( ربنا مايكتبهاش على حد )
وايه الصح اللي المفروض يتعمل ...
هل ممكن يكون في علامة معينة توضح ان العربية فيها حالة طوارئ وتخللي اللي حواليك يخدوا بالهم ويوسعولك..؟
هل ممكن نتفق على علامة معينة للحالات دي..؟؟

**أبو إياد** · 01-07-2009 11:47 AM

حتى لو العلامه دى الكل عرف معناها الكل هايستغلها الى ان الكل يعرف انها خدعه

رحمه الله عليك ياوالدى بس حرام الواحد يقول كلمه لو

بس كان بيموت جانبى فى العربيه وانا سايق زى المجنون فى عز الزحمه الى ان وصلت للمستشفى ولكن ,,,,,,,,,,,,

**Eng. Rafy Samy** · 01-07-2009 12:36 PM

يا جماعة الموضوع ده مهم جداً جداً واي واحد فينا ممكن يكون في الموقف ده...
فيا ريت الكل يشارك بتجربته وخبرتة لعلها تكون معلومة مفيدة تفيد اي واحد فينا عند اللزوم
شكراُ

**khalid_adel** · 01-07-2009 03:56 PM

بص انا لو في حاجه طارئه زي كده مش بسيب ايدي من الكلاكس واعتقد صوت الموتور مع الفرمله الجامده اللي بتحصل دي تكفي ان كله يوسع وربنا مايجيب طوارئ تاني يارب ( عشان ساعتها مبيبقاش فارق معايا اي حاجه ولا العربيه كلها )
اما بقى مره كنت مجرور بالعربيه ومدي انتظار وبقلب نور الصبح وايدي على الكلكس لحد البطاريه ما فضيت وبرضه العربيات مصممه تعدي بعد الي جاررني او تزنق عليا وتخش وراه ازاي معرفش
المصيبه بقى ان في بتاع 20 واحد كانو حينزلو تحت الكاوتش بسبب ان الناس مصممه تعدي من قدامي وفجاءه يلاقو الحبل وكذا واحد اتشنكل فيه وكان حيقع تحت العربيه بس ربنا سطر ( والله ضارب كلاكس ومدي انتظار ومطلع ايدي بشاور عشان ميعدوش ) وبرضه الناس تبصلي شزرا وبقرف عشان ازاي اخليهم ميعدوش من على الحبل والله ناس غربيه بجد

**Samir Elshahawy** · 02-07-2009 12:04 AM

قي ناس بتبقي باردة جدا يعني فاكر اللي عايز يعدي ده أحسن منه علشان كده هما عملوا الحارة الشمال للتخطي و البطئ علي اليمين و لما تلاقي واحد جاي من الشمال بيقلب نور يبقي علي طول توسع له و تدي أشارة يمين و تأخد بمينك تاني لكن اللي بيحصل هنا تلاقي عربيتين ماسكين اليمين و الشمال و ماشيين جنب بعض بنفس السرعة و لا ده عاوز يعديك و لا ده عاوز يوسع لك هنا بقه بروح كابس علي الاثنين و مرة كنت مستعجل جدا كان أبني سخن و لازم ألحق أوديه للدكتور روحت داخل ببوز العربية بين عربيتين لدرجة أن المراية الشمال خبطت مراية العربية اللي في شمالي و هنا أضطر يوسع

**EslaM_NagY** · 02-07-2009 01:30 AM

الكلاكس مبيسكتش
صوت الفرامل
صوت الموتور

ساعتها ببقى بايع العربية بمعنى الكلمة.

**blazer** · 02-07-2009 02:59 AM

المشاركة الأصلية كتبت بواسطة eslam_nagy

الكلاكس مبيسكتش
صوت الفرامل
صوت الموتور

ساعتها ببقى بايع العربية بمعنى الكلمة.

بلضبط كدا
انا حتى لو خبط حد ممكن وقتها اكون قاصد (اكيد هبقى ادفله اللى هو عاوزه بعديها)
بس لو حاله حياه او موت يبقى متستناش
لو حتى تطلع على الرصيف تمشى فى جنينه على شريط المترو اى حاجه مباحه اهم حاجه تكون عملت اللى عليك

**Eng. Rafy Samy** · 05-07-2009 12:42 PM

مفيش طريقة نقدر امنه نقدر نفهم بها اللي حولينا ان في حالة طوارئ ولازم يسعدونا ...؟

-

الموضوع: هام جداُ : كيف تتصرف في حالة الطوارئ

LinkBack

أدوات الموضوع

عرض

هام جداُ : كيف تتصرف في حالة الطوارئ - انشر الموضوع فى :

-

-

-

-

-

-

المواضيع المتشابهه

كيفية توصيل البطارية فى حالة الطوارئ

عاجل جداُ : مشكلة في الفرامل ..

الكلمات الدلالية لهذا الموضوع

المفضلات

المفضلات

ضوابط المشاركة