انا اتخـــــــــبط

**evoo90** · 01-07-2009 01:06 PM

من ساعه كنت بجيب اختى من حلوان وانا راجع عند منشيه ناصر اللى بعد منطقه حلوان البلد لقيت واحده عايزه تعدى رحت مهدى عشان اعديها وفجأه سمعت فرمله جامده على شمالى لسه ببص جنبى لقيت عربيه لازقه فيا وحاجه سوده اترمت على الكبوت بتاعى ماعرفتش افتح الباب الا لما الحيوان جرى بالعربيه ببص لقيت واحده ست وقعت من على الكبوت رحت باصص على العربيه اللى خبطتنى لقيتها ربع نقل وبيتردد يقف ولا يجرى ومره واحده راح فارك وجارى نزلت اختى تقف مع الست دى وفتحت وراه يادوب لحقت نتشت الرقم بتاعه بس مالحقتوش لفيت ورجعت اطمن على الست لقيتها كويسه بس ايديها ورجلها بتوجعها المهم اطمنت عليها وكل ده لسه ماخدتش بالى من عربيتى رايح اركب لقيت حكه من اول الباب من ورا لغايه الرفرف قدام قبل الفانوس حكه صغيره ولقيت الباب داخل لجوه ومطبق من فوق العتبه لغايه الاكره ....
المهم روحت ورحت لوالدتى فى الشغل وبلغت عنه وعملت بحث اسم وعنوان وجبت اسمه ورقم تليفونه وعنوانه
بس ده شكله واد ماعندوش دم لو كلمته هيشتم ولو روحتله هروحله بالقسم وشغل بلطجه بقى
انا اكتفيت بعمل بلاغ بس تقيل شويه وبعون الله لما يروح يرخص تانى هيبيعوه اللى وراه واللى قدامه عشان يدفع مخالفاته ده غير الناس اللى بتحب تخدم ووعدونى انه هيقف ويتروق عليه فى اى كمين من الصف لغايه وسط البلد
وربنا يعوض عليا فى اللى حصل فى العربيه ويارب تكون الست دى بخير واياك اشوف اى سواق ربع نقل جنبى تانى

**ConDoR** · 01-07-2009 01:12 PM

قدر الله وماشاء فعل

**muslimah_dentist** · 01-07-2009 01:14 PM

لا حول و لا قوة الا بالله

ألف سلامة الأول ع الست و اللى حصلها و حسبنا الله و نعم الوكيل فى الاهمال و الناس المهملة اللى متقهمش يعنى ايه سواقة

و ألف سلامة عليك و على أختك و على العربية

الحمد لله

قدر الله و ما شاء فعل

**Samir Elshahawy** · 01-07-2009 01:30 PM

قدر الله و ما شاء فعل
و ألف حمد لله علي سلامتك و سلامة الست
و كويس أنك جبت نمرة الواد أبن ال ........ ده

**أبو إياد** · 01-07-2009 01:32 PM

الحمد لله على كل شىء
بس انا باحسدك على هدوء اعصابك فى موقف زى ده
بس الواد لازم يتشد ولو عملت محضر رسمى لازم يتجاب النهارده ويتعمل عليه حفله
مش افترى بس علشان هروبه من الموقف
لو كان وقف كان ممكن انت والست تسامحوه وتستعوض ربنا على ما اصابك

**misterioso-maldini** · 01-07-2009 02:19 PM

الحمد لله علي اللي حصل يا حبي و لو حد ضايقك تاني كلمني و اجي اظبطه

**seaman** · 01-07-2009 03:05 PM

سلامتك وسلامه الست يا مان.. ولا تضايق نفسك المهم ان انتا بخير

**ainshouka** · 01-07-2009 04:02 PM

المشاركة الأصلية كتبت بواسطة mohamedezat

بس الواد لازم يتشد ولو عملت محضر رسمى لازم يتجاب النهارده ويتعمل عليه حفله
مش افترى بس علشان هروبه من الموقف
لو كان وقف كان ممكن انت والست تسامحوه وتستعوض ربنا على ما اصابك

بالظبط الكلام دا سليم ومتسكتش عن حقك ولا تتهاون فيه الناس دى حيوانات اصلا ماشية على الطريق - حيوانات بمعنى الكلمة - ولازم تتربى وميصعبش عليك بعد كده ايه اللى ممكن يحصله احنا من كتر مابنسكت على السلبيات دى الحيوانات دول بيعملوا اللى هما عاوزينه