السلام عليكم ورحمه الله وبركاته ..

فى البدايه انا معجب جدا بالمنتدى هنا الناس متعاونه جدا وبتشارك فى الخبرات والمعلومات بصوره ممتازه وكذلك الاشراف لايضع قيود كمواقع اخرى

باذن الله انوى شراء سياره مستعمله لانى لست مستعدا لسياره جديده واقساط وخصوصا انها أول سياره فأرغب ان تكون سياره الخبره

انوى دفع من 30 الى 35 الف كحد اقصى للشراء وفكرت فى موديلات كثيره وهناك الملاحظات عليها

جولف : من العربيات اللى باحبها جدا بس هتحتاج منى شويه زيادات وهتكون استعمل اواخر الثمانينات ولكن قطع الغيار الغاليه كمان سمعت عنها مش واسعه من جوه وخصوصا انى طويل نفس الموضوع مع البولو وهى كمان اضيق وسمعت تعيلق من احد الاصدقاء ان قوه موتور الجولف لاتستطيع الفرامل بسهوله التحكم به فى الاوقات المناسبه

سكودا فيليشيا : من صاحب لى معاه فيليشيا انها مش افضل موتور فى فئتها وكمان موضوع التكييف حسب ماسمعت من ناس فى منها تكييف وناس تانيه قالت انها من غير تكييف
اوبل كورسا : مشكله قطع الغيار الغاليه الكل بيخوفنى من الالمانى علشان كده انا عارف ان الكورسا مش المانى بس برضه هى اوبل
سوزوكى سويفت : عربيه سريعه وسحبها جيد لكن سمعت كلام عن العفشه وعن الصاج الورق كمان عن ضعف الموتور رغم سرعه السياره لانها خفيفه ولكن كل فتره تحتاج عمل عمره
اخيرا الهيونداى اكسل : انها افضل من الاكسنت القديم خصوصا فى العفشه ورخص قطع الغيار ولكن بعد حوالى 10 سنين على عربيه كورى ممكن الاقيها فى حاله تستاهل فيها دفع فلوس والمهم عندى كمان هو التكييف
كيا برايد : نصحنى فيها بعض الاصدقاء ولكن ليس عندى معلومات كثيره عن قطع الغيار والثبات والتكييف
نقاط عامه اتمنى وجودها فى السياره اولا انا افضل الهاتشباك وممكن ايضا السيدان ولكن تكون واسعه علشان الطول ثانيا التكييف ثالثا وهو الثبات على الطريق وخصوصا انى ساستخدمها فى السفر ولايهمنى السرعه كما تهمنى القطع الغيار والصيانه
انا طولت جدا بس كتير من الاخوه لما حد بيطلب نصيحه فى الشراء انه يذكر الحدود الماليه وعايز ايه فى العربيه اهم من ايه وشكرا لكم