هو فيه كتاوت لتقوية الكهرباء الى داخله على اوتوماتيك المارش؟

**hossam_elwani** · 01-07-2009 07:30 PM

هو فيه كتاوت لتقوية الكهرباء الى داخله على اوتوماتيك المارش؟

بسأل السؤال ده لانى عندى مشكلة لما اسافر وابطل العربية وارجع ادورها تانى المارش مايستجبش خالص الا لما اهز الكابل الى راكب فى اوتوماتيك المارش ربطت عليه كويس ونفس المشكلة رحت لواحد كهربائى قالى حركبلك مقوى كهرباء لاتوماتيك المارش مش فاكر اسمة التجارى وحيزبط معاك هل الكلام ده صح ولا اشتغالة كهربائى؟؟؟

**Sharaf2009** · 01-07-2009 09:08 PM

يوجد نوعين من انواع الملفات داخل اتوماتيك المارش:
- الاول يعرف بملف السحب Pull In coil وده بيكون متوصل على التوالى مع ملفات المارش الرئيسه ومهمته جذب القلب المعدنى للاتوماتيك واغلاق الدائره الكهربيه (عن طريقة البسكوته) وفى نفس الوقت تشغيل الية تعشيق ترس البندكس مع الحدافه.

- والثانى يعرف بملف الحفظ او Holding Coil لضمان اغلاق الدائره الكهربيه بواسطة الاتوماتيك.

لسبب او لاخر ممكن تضعف ملفات الاتوماتيك...حراره...دائره مغلقه ....وفعلا يمكن لف مزيد من الملفات فى الاتوماتيك لزيادة المجال الكهرومغناطيسى وزيادة قوة جذب وتعشيق الاتوماتيك...

اعتقد ان دى مش اشتغاله .....دى افتكاسه ......المصريين بيتصرفو ويمشو المركب على البلاط هههههههههههه

**ziours** · 03-07-2009 01:43 AM

عن تجربة الكلام صح مش اشتغالة وانا مركب كتاوت تركي سعرها في حدود 13 جندي

**thegoodhacker** · 03-07-2009 03:49 PM

انا برضه المارش كان بيعمل معايا حركات نقص كده زي بتاعتك بالظبط ( كان ساعات ما بيرضاش يشتغل و بعد كام محاولة يبدا يستجيب ) ... و الكهربائي قالي برضه ملف الاتوماتيك بدا يضعف و ركبلي كتاوت تقوية...... بس اللي اعرفه ان ده حل مؤقت لغاية ما ملف الاتوماتيك يبوظ خالص و ساعتها يبقي لازم يتغير

**lord23** · 04-07-2009 10:36 AM

انا عندي في 128 مركب كتاوت علي المارش وشغال زي الفل

**aYaBooY** · 05-07-2009 12:26 PM

موضوع الكتاوت للمارش موجود في عربيات كتير و كنت مركبة في المرحومة علشان ارحم البطارية لو المارش اتملعن
بس معرفش ايه اخبارة في عربية زي عربيتك اصدي ياباني قديم