الموضوع: هل يوجد حل لخفض صوت مروحة التكييف فى ال405 ؟؟

انا لقيت حل مؤقت و هو انك تخلي العربيه تجيب الهواء من خارج المقصورة مش من داخل المقصورة انا عندي الطريقة دي بتقلل نص الصوت خالص

بص الصوت ده ناتج من أحتكاك المروحة لكترة التراب والوساخة فبتخبط فى البادى بتاعها
فلازم عشان تبقي صوتها طبيعى لازم تتفك وتتنضف كويش وبعد كدا مش هتلاقى اى صوت
كان عندى نفس الحكاية بس لما فكيت الطبلوه نضفتها كويس بقت تمام
ولو انت مشغلها على 3 وعمله صوت لو خبطت بأيدك عليها من تحت درج الطبلوه هتلاقي الصوت بيروح بس هيرجع تانى

المشاركة الأصلية كتبت بواسطة nabaster

اهلا يا استاذ كريم بص واهلا بالاسطي زكريا

انا ليا تعليق صغير بس هوا يمكن الاسطي زكريا ماخدتش باله منها

معظم ال 405 بيبقي فيها الصوت ده لان قليل الي بيفك المروحه دي وينضفها فعلشان كده ممكن الناس تبقي اتعودت علي الصوت ده

لاكن لو انتا فكيت وش التابلوه ونضفت المروحه وهقولك معلومه صغيره كمان هات نقطتين زيت صغيرين وحطهم علي المسمار الي في النص بتاعها

بعد ما تعمل كل ده ان لاقيت اي صوت يبقي قول عليا مبفهمش

تقبل تحياتي

سلام عليكم

لآ لآ لآ انت كدا عديت
متيجى نفتح مركز انا وانت.........................
هو ده الصح مفيش حاجه اسمها صوتها كدا هى أساسا ملهاش صوت
لكن الركنة وتراب فلترالتكييف
بيدخلو عليها فبيتقل حركتها وكمان المروحة بتنزل لتحت فتحك فى علبت المروحة
لازم تتفك وهتلاقى اختلاف هايل هتى فى قوة الهوا

المشاركة الأصلية كتبت بواسطة م.احمد زكريا

ما هو دا صوت طبيعي لإحتكاك الهواء مع ريش التوزيع
لأن الهوا بيندفع بقوة من المروحة ودة في السرعة الثالثة عشان التبريد السريع


بس خلاص

طب مهو ده طبيعي فى اى عربية لما بتشغل على السرعة القصوى لزم الهوايات تعمل ووووييييييييييششششششششششش