ابيزا1200 سيستم بورش!!!

**eng_abdou** · 11-10-2007 05:40 PM

السلام عليكم و رحمة الله ,,, وكل سنة وانتم طيبين.

ان عندي ابيزا 1200 سيستم بورش 93 Injection و بحالة جيدة جدا (فابريقة جوة وبرة – الحمد لله) و بدور علي قربة رداتير اصلى او مستعملة مش لاقي.
سوالي الاول: انا عايز حد يقولي اجيبها منين, ولو حد يعرف محل قطغ غيارعنده قربة رداتير Injection لانها مختلفة عن الكربراتير, يا رايت يقولي على مكانة او حتى تليفونة.

سوالي الثانى : ان بسمع صوت التكيهات الصبح وبعد شواية بيروح, مع العلم ان العيب دة راح بعد ما غسلت الماتورمن شهرين :) ولكن عاد مرة اخري من يومين :( , ارجو الرد ان كان احد واجهة هذه المشكلة من قبل وعرف العيب فين , مع العلم ان الموتور متفتحش ولا حد لعب في التكيهات بتعتة.

ولكم جزيال الشكر

**mmabdelaal** · 30-10-2007 10:02 PM

هو ماحدش رد علي السؤال ليه؟؟؟؟؟
السلام عليكم مهندس عبده, أنا برضه لسة شاري ابيزا سيستم بورش موديل 92 بس أنا خام لسة في موضوع قطع الغيار والتضليح والكلام دا, فلو فيه أي معلومة حضرتك ممكن تفيدني بيها يبقي ليك جزيل الشكر

**eng_abdou** · 31-10-2007 10:19 AM

السلام عليكم و رحمة الله
مش عارف محدش رد لية :? ... يمكن محدش يعرف او مش فاكر.
اية المعلومات التى انت محتاجة... اسئل وانا هرد عليك. :lol:

**doglas** · 31-10-2007 11:27 AM

يا مهندس عبده
جربت الحرفيين ؟ او الوكالة ، او فتح الباب ؟

؟

**eng_abdou** · 01-11-2007 11:25 AM

لا مجربتش !!!!
بس انا عرفت ان في واحد اسمة جمــال ابو ســريع في الحرفيين.
ان شاء الله فى نهاية الاسبوع اتحصل علي وقت واذهب الية.

**TAG_Turbo0** · 01-11-2007 11:48 AM

يعنى ايه ابيزا سيستم بورش
ولا تأصد بوش

**eng_abdou** · 01-11-2007 03:16 PM

ابيزا سيستم بورش دة ابيزا موديل 1992 بس الماتور بتاعها 1200 رشاشات (Injection ) و مكتوب علية System Porsche على غطا التكيهات من فوق بطريقة بارزة وواضح اول ما تفتح الكبوت.
علشان كدة الموديل دة اسمة System Porsche.

**mmabdelaal** · 02-11-2007 11:16 PM

أنا برضه صوت التكيهات عندي عالي شوية, شكلي محتاج ظبط تاكيهات فممكن أروح لمين؟ كمان أنا عايز أعرف أسعار قطع الغيار, زي الفوانيس, المساعدين والكبالن وأذا كانت الحاجات دي عامة غالية ولا لأ؟

**eng_abdou** · 04-11-2007 04:21 PM

بالنسبة لموضوع التكيهات ان معرفش حد و كمان بالنسبة لعربيتي الصوت بيروح و بيرجع تانى فا مش شرط انة تكيهات.
بالنسبة لقطع الغيار فهي رخيصة مقارتة باسعار قطع غيار سيارات ثانية.
اسعار قطع الغيار التي اشترتها كما يلي:
فانوس الاشارة بـــ 35 جنية دة التايوان مش اصلى وهو حلو ونظيف والبلاستك بتاعة كويس مش بيتلف من الشمس.
الفانوس الكشاف 170 التايوان والاصلى بــ 270 وازجاج بتاع الفانوس مصري بــ 35 جنية .
فلتر الهوا بــ 35 جنية دة بالنسبة لعربيتي Injection .
قواعد الماتور في 2 زي بعض الوحدة 90 والثالثة ب 120 عشان اكبر ودول اصلي.
فلتر الزيت الالمانى بــ 20 جنية.
طقم ديسك واسطوانة و بلية Valume ب320 تقريبا
كل دة عند واحد في مصر الجديدة في شارع دمشق اسمة سامح وعندة تقريبا كل قطع الغيار بتاعة ابيزا سيستم بورش.
والسلام عليكم.

**Xpert** · 30-11-2007 11:46 AM

انا اللي عاوز اعرفه و بانخور وراه من زمان ...
الموتور ده يركب في ال 128 ؟؟ :twisted:

الموضوع: ابيزا1200 سيستم بورش!!!

LinkBack

أدوات الموضوع

عرض

-

-

-

المواضيع المتشابهه

سيات سيستم بورش موديل 90

ابيزا 93 سيستم بورش --- حد يسعرها ليا ؟؟؟؟

الى خبراء الابيزا سيستم بورش

الى خبراء الابيزا سيستم بورش

بورش سيستم

الكلمات الدلالية لهذا الموضوع

المفضلات

المفضلات

ضوابط المشاركة