بخصوص فوانيس ال128

**Abo.Omar** · 02-07-2009 05:51 PM

عايز اعمل نور بسيط فالفوانيس الاماميه ( شوفتها فكتيير 128 )
وعايز برضه اخلى لمبه الفرامل اللى ورا تفضل قايده مع لمبه النورالامامى بس لما ادوس فرامل الاضاءه تضاعف ( زى العربيات الحديثه)
روحت للكهربائى قالى فالحاله الاولانيه ان دا فانوس فيه الخاصيه دى يعنى مش حركه معموله فيه وقالى فالحاله التانيه مينفعش اصلا
محتاج ارائكو

**ahmed1981** · 02-07-2009 06:05 PM

الحلة الأولى بتشتري فوانيس أمامي فيها فتحة لوضع لمبة صغيرة

وفي الحالة الثانية عادي جداً يعملها كهربائي شاطر
وطالما هو قال مينفعش شوف غيره

**SOBKY** · 02-07-2009 06:16 PM

اعتقد ان موضوع الحالة التانية فعلا ماينفعش.
لان لو النور اتضاعف مش هايبان لان حجم الفانوس صغير. و سطح الانعكاس للفانوس من جوة مش عاكس كفاية للمبتين.
هي ممكن تتعمل .. بس لما تمسك فرامل مش هايبان نور. او بمعنى اصح اللي ماشي وراك مش هايلاحظ الفرق بين نور لمبة واحدة و نور لمبتين.
و ده مش امان.
ده تخيلي انا الشخصي.

**Abo.Omar** · 02-07-2009 06:44 PM

الحلة الأولى بتشتري فوانيس أمامي فيها فتحة لوضع لمبة صغيرة

مينفعش تتعمل فتحه صغيره بحجم اللمبه ؟

اعتقد ان موضوع الحالة التانية فعلا ماينفعش.
لان لو النور اتضاعف مش هايبان لان حجم الفانوس صغير. و سطح الانعكاس للفانوس من جوة مش عاكس كفاية للمبتين.
هي ممكن تتعمل .. بس لما تمسك فرامل مش هايبان نور. او بمعنى اصح اللي ماشي وراك مش هايلاحظ الفرق بين نور لمبة واحدة و نور لمبتين.
و ده مش امان.

مانا مركب فانوس ستوب وان شاء الله لو اتعملت ولاقيت ان فعلا مش هاتفرق وهايكون فيها خطر هارجعها زى ماكانت

**أبو إياد** · 02-07-2009 06:47 PM

الحالتين ينفع ينفع ينفع

شوف العربيات 128 العاده الفوانيس المدوره هتلاقى الفوانيس الاماميه تشتغل مع نور التابلوه غير الواطى والعالى

عندك فى المعدل النور ده بيكون فى فوانيس اشارة الاكصدام

وطالما موجوده فى العاده يبقى ينفع

الحاله التانيه نفس الكلام فى 128 العاده باردو هتلاقى الفانوس الخلفى عباره عن جزئين جزء خاص بالاشاره وده مش موضوعنا
الجزء التانى بينور مع النور ومع الفرامل نفس النور بيتضاعف

يبقى ينفع يتعمل

شوفتوا بقا ان حاجات زمان بترجع تانى

انت بس عاوز واحد كهربائى بيحب شغله ويشتغل بضمير وهو يعمل المستحيل

تحياتى ,,,

**mahamedaraby** · 03-07-2009 12:18 AM

الحاله التانيه تنفع تقريبا

انت كل اللى عليك هتاجيب لمبه ستوب عالى وواطى بس هى المشكله بس فى الكهرباء عايز كهربائى شاطر وفاضى علشان يعملك شغل على نضافه

**SOBKY** · 03-07-2009 04:21 AM

المشاركة الأصلية كتبت بواسطة mohamedezat

الحاله التانيه نفس الكلام فى 128 العاده باردو هتلاقى الفانوس الخلفى عباره عن جزئين جزء خاص بالاشاره وده مش موضوعنا
الجزء التانى بينور مع النور ومع الفرامل نفس النور بيتضاعف

يبقى ينفع يتعمل

متهيالي الفانوس بتاع القديمة ده كان نازل من مصنعه مصمم لكده ..
بس المربع نازل مقسوم من النص .. ف المكان ضيق في خانة نور الفرامل و مش هايكون كفاية.
و الله مش عارف هل انا رايي صح و لا غلط ..
انا بصراحة ما ركبتش 128 خالص و بقالي 9 سنين بره مصر و باشوفها في الاجازات كل سنتين تلاته ..؟؟
فـ عذرا لقلة خبرتي في الـ128 .
و ان شاء الله يطلع انه ينفع

.. علشان نتفرج على الشغل الاصلي ..
بالتوفيق

**Abo.Omar** · 03-07-2009 05:18 PM

طب يا جماعه يعنى الفانوس اللى قدام ينفع افتح فيه فتحه على قد اللمبه ولا لازم اغير الفانوس كله ولا ايه؟

**أبو إياد** · 04-07-2009 02:39 PM

بص يا ابو حميد انا لسه شايف فانوس عربيه 128 معدله ولقيت مكان لللمبه الصغيره دى ياعنى انت مش عاتفتح ولا حاجه انت بس هاتروح لواحد كهربائى يركباك اللمبه بالدوايه ودى بسيطه خالص
ولو انت قريب من فيصل تعالى المركز عندى ونشوفها مع بعض

-

الموضوع: بخصوص فوانيس ال128

LinkBack

أدوات الموضوع

عرض

بخصوص فوانيس ال128 - انشر الموضوع فى :

-

-

-

-

المواضيع المتشابهه

سؤال بخصوص زيت ال128

هو ال128 ال3p علي دنجل ولا مقصات و كمان الشاسيه مقرف زي ال128 العادية ولا ايه نظامها

هو ال128 ال3p علي دنجل ولا مقصات و كمان الشاسيه مقرف زي ال128 العادية ولا ايه نظامها

تعديل فوانيس ال128 للكرستال والشرح بي الصور

فوانيس ال128 ب 400 جنيه !!!!!!

الكلمات الدلالية لهذا الموضوع

المفضلات

المفضلات

ضوابط المشاركة