الموضوع: ركبت rbm و ساعة

المشاركة الأصلية كتبت بواسطة samirayad

الله يخليك يابشمهندس تامر ......... طبعا كده بدون تكييف ......يبقى المشكله من حمل السلانسيه وعدم ثبات المكنه وقت السلانسيه .....وكده يفضل الأطمئنان على دورة الأشعال كلها ( بوجيهات _ كابلات بوجيهات _ قوة شرارة مخارج البوبينا يبقوا الأربعه زى بعض ) ولو كل ده تمام يبقى بلف الأيدل عاوز يتنظف طالما الرجه أو التنخيع بيزيد مع التكييف .....يبقى حمل السلانسيه تعبان شويه .....وكده نطمن على دورة الأشعال وبعد مانظف الأيدل نعمل أيدل ليرننج صح .........علشان وحدة التحكم تتعرف على حمل التكييف وقت السلانسيه ............وأنت بقه اللى حتقوللى ( هل غيرت بطاريه قريب أو فصلت القدره عن المكنه قبل الملحوظه بتاعة الرجه دى ) وتطمنا برضه على باقى الحاجات بتاعة دورة الأشعال ....اللى قولنا عليها

متهيأ لي ممكن نستبعد البوجيهات ( بقى لهم 3 شهور ) و الأسلاك بقى لهم مافيش اسبوع
انا عايز حتى اشغل التكييف على الواقف و اتأكد ان الموضوع بنفس الدرجة لأني تقريبا ما شغلتش التكييف من ساعة ما غيرت اسلاك البوجيهات

يبقى كده فاضل موضوع قوة شرارة مخارج البوبينا - مش عارف بيتعمل عند الميكانيكي ولا الكهربائي ولا مين , اتمنى يكون عند الكهربائي لأني كده كده هاروح لمحمد السيد اخر الاسبوع ان شاء الله عشان اركب عداد ال rpm بعد ما رحت النهارده للكهربائي بتاعي و قال لي اللانوس ما بيركبلهاش rpm
:)

ربنا يخليك يا باشمهندس سمير
:)