الموضوع: نبتدي منين الحكاية

المشاركة الأصلية كتبت بواسطة adelmagdy

طبعا انا في دماغي اني اكتب الموضوع من فترة بس اللاب توب الجديد للاسف مافيهوش عربي فبواجه صعوبة في الكتابة العربية حاليا عاملة 31400 العربية طبعا حاسس انها بطة بلدي بالتكيف مش عارف ليه ومن اول ما جبتها واجي افتح التكيف اسمع صوت تنفيس يعني فسسسسسسسسسسس وبعدين التكيف يشتغل وقلت الكلام ده في التوكيل قالوللي ده عادي قولت مش مشكلة انا مش هابتدي بموضوع التكيف هابدا بموضوع البطارية من كام شهر جيت ادور العربية لقيتها مابتدورش قولت يمكن هنجت فصلت القواطيش وركبتها تاني لقيت البطاريه بتموت وهي بتدور العربية ظبعا عملت وصلة ومشيتها مشوار محترم وشحنت والحمدلله اتكرر الموضوع ده تلات اربع مرات وبقيت ماشي بالوصلة عربية زيرو وماشي بالوصلة المهم قريت الضمان قالك ايه بقي لو البطارية ضعفت في السنة الاولي البطارية تتغير مجانا او لو عملت حد اقصي 25000 كم لاكن قي السنة التانية العميل يتحمل النصف تمام لحد كده وعداهم العيب وقزح للعلم العربية بتنزل ببطارية مش جافة فالمهم قولت اشوف البطارية بكام في التوكيل المهم طبعا انا مش فاكر الرقم السهل بتاعهم قولت اتصل بالدليل وحولوني علي مركز ابو غالي جسر السويس الي حصل معايا بالنص:
انا: الو صباح الخير لو سمحت ممكن تخلي اي حد يكلمني في قسم سوبارو
التوكيل: ثواني يا افندم وطبعا المزيكا المعتاده
المهم بعد شوية واحد رد عليا
انا: لو سمحت كنت عايز اسئل علي بطارية بتاعت سوبارو امبريزا 2008
التوكيل: ايوا يا بيه ال55 امبير واللي ال70 امبير
انا: انت ادري شوف انت عندك الموديل 2008 بينزل ب ايه
التوكيل:ايوا يا بيه يعني الكبيرة ولا الصغيرة
انا:؟؟؟؟؟؟؟؟؟؟؟؟؟؟؟؟ بقولك ايه هو ده توكيل سوبارو ولا انا اتصلت برقم غلط؟
التوكيل:ايوا التوكيل والبطارية عاملة 660 جنيه
انا:طب والنبي اديني حد بيفهم شوفلي اي مهندس في سوبارو
انا:لو سمحت بطارية امبريزا 2008 عاملة كام
المهندس:ثواني احولك علي قطع الغيار
انا:لا ابوس ايدك انا لسة متحول عليهم شوفلي انت وقوللي
المهندس:البطارية ب530 جنيه من غير الضريبة
انا: ماركتها باناسونك زي اللي راكبة فيها
المهندس:لا
طبعا هو قاللي نوع عمري ما سمعت عنع حسبتها قولت يعني ادفع 330 جنيه في بطارية مش جافة ليه
المهم روحت جبت فارتا جافة اتحاد اوروبي ب370 جنيه
بعديها بكام يوم رايح الشغل في 6 اكتوبر المهم ماشي في امان الله ولقيت التكيف قلب مروحة اطفي واشغل مافيش المهم قولت اركن علي جنب اشوف الكومبريسور مالة فتحت الكابوت لقيت الوصلات مظبوطة قولت ادور التكيف وابص تاني لقيت الطنبورة بتاعت الكومبريسور ماسكة في حديدة وبتلف بيها وصوت تكتكة عالية المهم طفيت العربية لقيت الحديد اللي ماسك الطنبورة او الفلانشة دي اتكسر كلمت التوكيل قالولي هاتها و تعالي المهم قولت لسه هرجع من اكتوبر لغاية جسر السويس قولت اروح بتاع المعادي لسة بشرح للمهندس راح قايللي كومبريسور اكنه عارف المهم قاللي ما عندناش كومبريسور وهنبعت نجيب من جسر السويس قولتله اعملي الصيانة عقبال ما ييجي قالي ماشي قعدت من الساعة 1 لغاية الساعة 7 كان التوكيل قفل المهم وانا بستلم العربية سئلت المهندس هو اللي حصل ده طبيعي ولا ايه قاللي بص بصراحة في عربيات نزلت فيها كومبريسرات فيها عيوب وده واحد منهم وده العربية رقم 40 اللي تجيلنا فيها الموضوع انا طبعا من وجهة نظري مش زعلان البطارية باناسونيك يعني مش العيب من العربية والتكيف ماركته فاليو فرنساوي يعني العربية مالهاش دعوه علي قد ما هو سوء اختيار مش عارف

أولا بالنسبه لموضوع البطاريه.. العربيه الـ 2007 برضه كانت جايه ببطاريه باناسونيك عاديه مش جافه. و كمان انا شوفت صور لعربيات في أمريكا بتكون نازله بنفس البطاريه دي.
البطاريه اللي كانو هيجيبوهالك في التوكيل مش سايله... هيه بطاريه جافه كوري أسمها( دلكور) و هيه بطاريه كويسه على فكره انا مركبها عندي.

بالنسبه لموضوع الكمبريسور انا أول مره اسمع عنه... بس بصراحه مش مستغرب... العربيه أول انتاج ليها بيكون احتمالية وجود عيوب فيه اكبر من السنه اللي بعدها (زي موضوع الطنابير مثلا اللي أختفى في أواخر انتاج 2008 و جميع انتاج 2009).

عموما طمنا... غيرولك الكمبيرسور خلاص؟

ربنا يباركلك في العربيه و شكرا على مشاركتنا التجربه.

sorry for writing in english again about the baterry yes it was delcor but i didnt know that its dry 2nd about the compressor they have changed it without any money paid they said its in the guarantee about this malfunction its only in 2008 in 2009 they realized this mistake and i think that the free check for the air condition is for this reason maybe why not

الحمدلله انا جت على قد كده,
انا كمان كان عندي نفس موضوع البطاريه و غيرتها على 21000 فدفعت نص الثمن بتاعها مع انها كانت بايظه من قبل كده بس انا كنت مسافر فعقبال ما رجعت كنت عديت
انا عندي لما بكون على سرعات عاليه بعد 140 مثلا بحس ان التكييف اداءه قل و انه بدأ يطلع ريحه و انه زي ما يكون مروحه,
فعايز ان شاء الله اروح اكشف عشان الموضوع ده

المشاركة الأصلية كتبت بواسطة mosso

الحمدلله انا جت على قد كده,
انا كمان كان عندي نفس موضوع البطاريه و غيرتها على 21000 فدفعت نص الثمن بتاعها مع انها كانت بايظه من قبل كده بس انا كنت مسافر فعقبال ما رجعت كنت عديت
انا عندي لما بكون على سرعات عاليه بعد 140 مثلا بحس ان التكييف اداءه قل و انه بدأ يطلع ريحه و انه زي ما يكون مروحه,
فعايز ان شاء الله اروح اكشف عشان الموضوع ده

خلي بالك انك لما بتشد جامد بالعربيه الكمبريسور بيفصل اوتوماتيك و المروحه بس اللي تفضل شغاله... لغايه ما تخف عن دواسه البنزين.. الكمبريسور يرجع يشتغل لوحده تاني.

الموضوع دع معمول علشان يديلك كل قوه الموتور عند الحاجه بدون ما يحمل عليه اي حمل اضافي

ايه ده؟
يعني كده طبيعي؟؟!!!!!
انا اول مره اعرف الحكايه دي,
دانا كنت بقلق من الموضوع ده كنت خايف يكون الكومبريسور بيخف مع القرص على الموتور

المشاركة الأصلية كتبت بواسطة mosso

ايه ده؟
يعني كده طبيعي؟؟!!!!!
انا اول مره اعرف الحكايه دي,
دانا كنت بقلق من الموضوع ده كنت خايف يكون الكومبريسور بيخف مع القرص على الموتور

لا الموضوع ده طبيعي... لاحظ لمبة ال a/c هتلاقيها بتطفي لما تشد جامد... و بعدين تنور تاني لما تخف القرص

انا ملاحظتهاش قبل كده بس هبقى اركز عليها بعد كده ان شاء الله