النهارده بقى خدت الجماعه افسحهم بالعربية الجديده وده تقرير بسيط عن العربية لحد دلوقتي

1- قاعدة العربية مريحه جدا وواسعه طبعا وبتفكرني كتير باللانسر
2- سحب العربية حلو بس حاسس انها مش بتجمع كويس او انا الى خايف اقرص عليها على الاول والتاني وانا برجح كده لان على التالت بفتح جامد وبدوس اوي يعنى ماشاء الله ولسه معدتش ال 100 بيها لحد دلوقتي
3- ثبات العربية ممتاز جدا وفى حاجه لاحظتها انها احسن من اللانسر فى الملفات دي وجهة نظر لان انا لما سوقت اللانسر حسيت انها بتروح بعيد شوية فى الملف بحس ان الفخده حتسيب العربية وتجري ههههههههه
4- الساوند سيستم لذيذ اوي والازاز الكهربا ماشاء الله سريع (اوي) وانا مستغرب الموضوع ده انا حاسس انه جايله كهربا زياده هههههههه
5- عامة العربية زي الفل واسمحولي دي حاجه واللانوس حاجه تانيه انا سوقت اللانوس وكده بس النوبيرا افخم كتير

بس يعنى ده مبدأيا وبكرا بقى عاوز اشوف المايه والزيت والكلام ده اعمل تشك لاني بركب وخلاص مفتحتش الكبوت من وقت ما استلمتها