لانسر 2001 ولا فيرنا 2007

**mahmoudF2010** · 03-07-2009 05:20 AM

انا ناوى اجيب عربية مستعملة فى حدود 45 الى 50 الف ومحتار بين لانسر مكواة 2001 و فيرنا 2007 يا ريت لو حد عندة معلومات بخصوص قطع الغيار واسعارها وتوفرها واستهلاك البنزين هل هما فى نفس المستوى ولا اية وشكرا ..........

**kliken** · 03-07-2009 07:33 PM

فى حدود البلغ دة اظن فيرنا هى اللى ممكن المكوا هتبقى اغلى شويه
الكوا افضل بس لو حالتها تمام بس هتبقى اغلى فى قطع الغيار و موتورها اضعف من الفيرنا

**M.FOUAD** · 03-07-2009 09:10 PM

المشاركة الأصلية كتبت بواسطة kliken

فى حدود البلغ دة اظن فيرنا هى اللى ممكن المكوا هتبقى اغلى شويه
الكوا افضل بس لو حالتها تمام بس هتبقى اغلى فى قطع الغيار و موتورها اضعف من الفيرنا

انا معاك ان موتور الفيرنا سحبة اقوى بكثير من الانسر لكن مين اللي يعيش
شوف المكوة بتلاقي العربية عاملة 300 الف كيلو و لسة بحالتها و التكييف كانة جديد لكن بص على الفيرنا تلافي العربية عاملة 200 الف بس و بتنفخ زيت

**Eslam.Elrefaey** · 04-07-2009 05:17 AM

الفيرنا لو معاك المبلغ ده بس

**mahmoudF2010** · 04-07-2009 06:41 AM

شكرا على الرد
بس لو فعلا المبلغ ده ميجبش لانسر مكوة انا هجيب فيرنا

**SAMEH_FOUAD** · 05-07-2009 01:48 AM

ماتجيبش فيرنا وهاتلك اى حاجة تانى فى حدود السعر دة الفيرنا سيئة وهية جديدة ,يبقى مستعملة هتبقى عاملة ازاى

**SAMEH_FOUAD** · 05-07-2009 03:13 PM

المشاركة الأصلية كتبت بواسطة mohamed_mohsen

هو حضرتك الكلام ده عن تجربه و الا بتقول كده و خلاص؟

والله عن تجربة كذا عربية كمان مش عربية واحدة وموديلات 2008 كلهم ,
شوف انا عارف ان ماتور الفيرنا كويس جدا جدا وسريع اوى ,وعربية سحبتها جميلة اوى وممكن تطلع من اى عربية 1600 ,كل دة انا مجربة وعارفة
بس اللى صاحب الموضوع مش فارقة معاة نقطة الجرى ,يبقى ماتنفعوش الفيرنا ,لانها صغيرة ,خامات فقيره ,قطع غيار بتستهلك بسرعة يعنى مش معمرة زى الانسر اللى بقالها 8 سنين شغالة
الشكل والرحابة للانسر ,
دة غير الثبات اكيد طبعا للانسر وسعر اعادة البيع للانسر , الفيرنا بس هاتكسب فى قوة الماتور بس عشان تعرف تجرى بيها كويس لازم تجنط وتعرض الكاوتش تخلية 195 عشان تثبتها شوية ,
باور الفيرنا اخف من الانسر ,تكيف الفيرنا اقوى
دية وجهة نظرى من تجربتى لاكثر من ثلاث سيارات واحدة 1500 وسياراتين 1600
وياريت لو حد جرب العربية يقول راية فى الاتنين

**E30power** · 05-07-2009 05:26 PM

سورى يا جماعة بس فى الحالة دية الفيرنا تكسب
اقولك لية ... عارف ان موتورالانسر اعتمادى عن الفيرنا بكتيرر دةلمايكون بحالتة ..بالعقل موتور ماشى 8 سنين ولا سنتين
من الاخر
الفرينا عيوبها انها ضيقة وثبتها اكيد اقل من الانسر بمراحل بس بالجنوط تتحل
بس كقطع غيار الفرينا تكسب
ماسكة سعرها فى السوق وفى اى وقت تلاقي الى عايز يشتريها
موتور جباااار ومتنساش انها 1600 وتسد مع اى عربية فى فئتها
مهما كانت هتبقى 2007 والانسر 2001 وانتا وحظك على استخدام الى قبلك
من الاخر:
لو الانسر عرفت تجبها بسعر حلو وتظبتها وتغير المكنة تضرررب الفيرنا بالجزمة
القديمة كمااان
لكن لو عايز حاجة متتعبش نفسك فى قطع الغيار الحراقة اووى هتبقى الفيرنا
فى الحالة دية

انا كنت منبهر بالفيرنا بس مرتحتش فى قاعدتها وربناوفقنا وجبنا الانوس وزى الفل معايا الحمد لله اخترت الراحة عن الموتور الجبار
وسلاماتى
..اركب وجرب الاتنين وشوف انتا مايل لانهى ومرتاح نفسيا ليها وربنا يوفقك باذن الله:):)