الموضوع: استفسار بخصوص هوندا سيتي 2009

الاستاذ اللى بيقارن بين التيدا والستى مفيش وجه مقارنة بين السعر لان التيدا السيدان الاتوماتيك تقريبا عدت ال120 الف والستى ب114 اتوماتيك وغير كدا هى السيتى فقيرة فى الكماليات زى ما الناس بتقول لانها لسه حديثة بس العربية شيك من جوة عن التيدا تحس ان التيدا من جوة موديل قديم , ولكن كلمة حق ان التيدا اوسع من الداخل عن الستى , نيجى بقا لنقطة قطع الغيار الكل غالى والكل اسعاره متقاربة بين بعضهم ,ومن ناحية الماتور تكسب الستى طبعا لان ماتورها متطور جدا فى التكنولوجيا عن التيدا وعن السيراتوا كمان بس السيراتوا اقوى او اكبر فى سعة الماتور والحصان بتعها ولكن ماتورها مش متطور زى الهوندا طبعا ,, بس كشكل خارجى فقط لو قارنا ال3 عربيات يبقا السيراتوا وفى النهاية الستى تكسب من ناحية الماتور والشكل معقول بردوا وشيك وعن نفسى بحس انها فيها شبه من البى ام من الخلف ,واتمنى ان السيتى الجديدة تاخد حقها مش زى القديمة وتنتشر فى السوق لان اللى ظالمها تطور ماتورها !! حتى فى القديم منها وكل المكيانيكية اللى مش بيفهموا فى تصلحها طلعوا عليها اشاعاتتتتتتتتتتتتتتتتتت وانا واحد ركبت هوندا سيتى 2007 ومن معرض عربيات وماتورها 1300 سى سى وفى عز الصيف والعربية اكثر من رائعة من كله سواء اداء وتكيف اللى مكنتش بقدر اجيبه اكتر من 2 وسحب قوى مع انها 1300 ومش تنسوا انا قولت من معرض عربيات يعنى العربية مفروض ان طالع عنها ,, فمن راى ان ماتورها المتطور ده هو سوء سمعتها بس ده عند الناس اللى مش بتفهم فى الصيانات والمواتير لان مفروض الموانير دى ليها اهتمام خاص وصيانة باغلى التكاليف وعند ناس بتفهم فى التصليح

يا جماعة هى اراء مش اكتر ولكن عن نفسى انا لو معايا مبلغ 115 الف حختار الستى بصراحة وبعدين فى كماليات معينة ممكن بتفرق مع واحد ونفس الكمالية دى مش بتفرق عند واحد تانى اما بقا من ناحية الماتور الستى يكسب جدا لانه متطور جدا وحاجة كمان بالنسبة عشان العربية مكنتش منتشرة ده مش عشان عيب فيها ده عشان اول ما نزل سعرها كان ب127 الف فكان غالى جدا وطبعا مكنش ينفع تنتشر بالسعر ده والحاجة التانية الناس اللى بتقول قطع غيارها نار هى نار ماشى بس عارفه منين وهى لسه نازلة وغير كدا لو سعرها نار هو يعنى باقى العربيات اللى قطع غيارها مش نار وفى امثلة كتيرة اوىىىىى وغير كدا كمثال اتفرجوا على المازدا مثلا شوفوا الطنابير بتعتها غالية جدا بس شوفوا بقا حتغيروا طنابير كل قد ايه فى قطع غيار بتكون معمرةةةة وعشان كدا احيانا بتكون غالية والنبى حد يقول قطع غيار اى عربية معدية ال110 الف رخصية ارجوكم وتوكيلها محترم وبيفهموا فى التصليح واحب اقول اخر حاجة انا لسه راجع من بورسعيد فى رحلة يوم عاوز اقولكم بورسعيد ماليانة عربيات هوندا سيفك وسيتى وجولف بالهبل لان الناس اللى هناك بصراحة بيفهموا فى اختيارتهم للعربيات والعربية اللى من ساعة ما دخلت على المنتدددى هنا وبيشككوا فيها وهى الستى 1300 سى سى الموديلات القديمة ماليانة هناك جدا وانا كمان العربية دى سوقتها قبل كدا ومن معرض عربيات وكانت تحفةةةةةة وعن تجربة شخصية فمش عارف ليه الناس بتهاجم الستى عامة يا جماعة مفيش ميكانيكى بيفهم فى تكنولوجية ماتور متطور وحيقولك على العربية انها حلوة عشان مش تجبها وتجيب اللى بيعرف فى تصلحها وغير كدا مثلا العربيات زى الميجان وعربيات كتيرة اوى روحوا ودوها لاى كهربائى عشان يعمل حاجة فى الكهرباء من تصليح او تركيب حاجة فيها حتلاقوهم بيغروقا وبيبوظوا الدنيا ويعكوا عشان ليها تنكولوجيا خاصة وتضطر تروح التوكيل فاى حد مش بيعرف فى حاجة ومش جربها ياريت مش يحكم على الحاجة اللى ميعرفش عنها حاجة بالاعدام وشكرا