تويوتا عيون 98 ام لانوس زيرو

**mtema99** · 16-10-2007 11:33 AM

لو الكورولا لسه ما عملتش 100 الف كيلو و حالتها كويسه و نضيفه اوي اوي يبقي هاتها .انما لو حالتها حتي 80% يبقي اللانوس احسن.
انا بقول تويوتا علشان بتستحمل عن اللانوس و عفشتها اقوي .
لكن لو مش نضيفه او انت استهلاكك في العربيه بسيط و مش بتهلك العربيه يبقي اللانوس افضلك علي اساس انها زيرو و الزيرو طعم تاني

+1

**modux** · 16-10-2007 11:39 AM

رأئي الشخصي

اركب تويوتا و بلاش اي كوري اهو بردو ياباني و بيعيش عن الكوري

**makram555** · 16-10-2007 11:43 AM

الزيرو بدون تفكير

**د/ خالد** · 18-10-2007 04:14 AM

الزيرو زيرو يا باشا ............................ خليك في الانوس الزيرو لانها حتى لو بدأت يبقى فيها مشاكل مش هاتبقى قبل 6 سنين وكفايه انها زيرو وانك اول رجل ها تبقى فيها ومش عارف انا الناس ليه لسه متخوفه من الكوري مع انه اكتر العربيات اللي ماشيه في مصر حاليا كوي وماشيه زي الفل ماشاء الله ....... ولكن الكورولا 98 انته مش عارف العربيه ديه حصل فيها ايه ومش عارف كانت ماشيه ازاي وماتعرفش مشيت كام لانه معظم التجار حاليا بيلعبوا في العداد .......... والف مبروك مقدما وربنا يديلك خيرها ويكفيك شرها باذن الله

**aguenena** · 26-11-2007 12:19 PM

الزيرو زيرو يا باشا .........................

**zezo13178** · 28-11-2007 04:04 AM

طبعا الزيرو لا يعلي عليه هات لانوس عربيه حلوه وممتازه وتقريبا بنفس السعر المعروض عليك في الكورولا بس طبعا 62 كتير جدا علي عربيه عيون موديل 98

**Karim_Monir** · 28-11-2007 01:23 PM

بالاضافة لكل الكلام ده انت ناوي تغير العربية بعد قد ايه
لو هاتغير كمان 5 بالكتير هات اللانوس واكسب الضمان والزيرو
لو هاتغير كمان 10 هات الكرولا معمرة وقطع غيار كويسة
ناعمة بطريقة غريبة لا تضاهيها فيها اي عربية تانية
اعادة بيع زي الفل
كمان 5 سنين هاتكون زي الكرولا ال 94
شوف لحد دلوقتي بتتباع بكام
وحالتها شكلها ايه ويوم ما تحب تتشد بيكون شكلها ايه
بس اهم حاجة فعلا اتاكد من حالة الكرولا كويس وما تكونش عاملة اي حوادث عشان هاتتعبك قوي لو كانت فيها حاجة
ربنا يوفقك
ولو 75 مانيوال فكر في السريون برضه لانها تويتا متنكرة :D