-
العربية فتحت بقها
:_Alshmokh22[1]:من شهر ابريل اللي فات والعربية فاتحالي بقها وهاتك يا طلبات
صحيح مش كلها بسبب الاستهلاك في حاجات كتير كانت اخطاء مني معرفش ايه اللي حصلي الكام شهر دول
اول حاجة طلمبة البور باظت غيرناها بقطعة استيراد
معداش اسبوع واتكلبشت ودفعت غرامة 50 جنيه
يدوب فكيت الكلبشة ومشيت كام متر الفرامل سابت وانا داخلة على اشارة ولحقت نفسي على اخر لحظة بفرامل اليد بس دخلت في كورلا وكسرت الفوانيس اليمين
اسبوع كمان والمارش باظ ومحدشيقولي تقلت عليه وانا بدور العربية لان اللي حصل بالظبط وقفت مني في مطلع وقطعت النفس مرضتش تدور خالص ومن حظي الجميل اني عطلت قدام كهربائي
وبعدها من اسبوعين تقريبا دخلت في التاكسي الي حكيت لكم عنه والفوانيس اليمين كلاكيت تاني مرة تغيير وسمركة في الرفرف اليمين وتغيير قطعة في الدينامو تقريبا اسمها فحمة دي لوحدها كلفت 90 جنية
بعد كام يوم العربيه خبطت من تحت في غطاء مجاري ونفس قطعت الدينامو باظت تاني وكلفت 100 جنيه
البطاريه محبكش عمرها الافتراضي ينتهي الا اليومين دول غيرناها آل يعني الحكاية كانت نقصاها :fdsa:
قلنا ما بدهاش بقه نرش العربية كلها عشان شكلها بقه يسد النفس وطلبت تكون ميتالك
للاسف طلع لونها اغمق من لونها الاصلي النبيتي شوية مع اني كنت اتمنى تكون افتح درجة
قلت مش مشكلة قدر الله وماشاء فعل ومهما كان شكل بقه افضل
زوجي كان مسافر بيها الصعيد من كام يوم عطلت بيه في الطريق في عز الضهر والحر الحارق في الطريق الصحراوي وكانت المشكلة ان العجلة الخلفية قفشت واللي فهمته ان البلي ساح تقريبا المهم كلفت حوالي 300 جنيه :fdsa:ده غير تعب زوجي لمدة 6 ساعات تقريبا في الحر غير ساعتين ونص سفر
تاني يوم رجع ولاحظ ان العجلة الامامية بتسخن طلعت تيل الفرامل قافش وتم تغييره
ده غير ان التكييف بايظ من الشتاء اللي فاتت وكل ما نفكر نصلحه بقه ونشوف مشكلته ايه مش ملاحقين ومش مديانا فرصة
الله اعلم لسه مخبيالنا ايه تاني معرفش ايه اللي صابها عمرها ماعملت معانا حركات النقص دي كل شهر تطلع لنا في مصيبتين تلاتة ربنا يهديها علينا يارب
انا بقيت خايفة اركبها وتعمل مشكلة تاني ومصاريف تاني واكون انا السبب ده غير الكلام الجميل اللي كل شوية اسمعه اني انا السبب انا السبب
الله يرحمك يا 127 عرفت قيمتك على الاقل مكنتيش حوجاني لعربية حد
-
قدر الله وماشاء فعل لازم كده كل فتره يحصل للواحد حاجه فى العربيه بتكون بالجمله واهو الواحد بيتعلم
والاهم الواحد فعلا يستفيد علشان مايقعش فى نفس العيب مره اخرى وكده كده هاتعدى
-
دى حاجة طبيعية جدا و بتحصل على فترات تلاقى فجأة حاجات تحتاج تتغير مع بعض!مفيش قلق لان كل قطعة فى العربية لها عمر افتراضى و ممكن تصادفى ان كذا حاجة يحتاجوا يتغيروا مع بعض!!
انا بصراحة اتعلمت حاجة مهمة من شغلى و هى انى اعمل صيانة وقائية يعنى مسيبش الحاجة لغاية نا تبوظ عشان اغيرها و دة البيعمله التوكيل عندنا بس باسعار وهمية!
انا كل شهر بروح للميكانيكى اعمل فحص شامل على العربية و الحاجة الشاكك فيها بغيرها ودة المفروض اليتعمل مع اى عربية بتمشى فانضف بلد فى العالم(مصر)
-
مش عارف اقولك غير
ربنا معاكى ويقويكى عليها
-
ربنا معاكى بس هى العربيات كده لازم كل شوية تعمليلها صيانة وتغيرى اللى محتاج تغيير اول باول عشان ما يجيش فجأة وتبقى عاوزة تغيرى كذا حتجة مع بعض وساعتها بتكون التكلفة اعلى وبتحسى بالضغط المادى اكبر
معلش يا نور بكرة تمشى زى الاول واحسن وتبطل طلبات
-
دى شبه عربيتنا بالظبط
انا برضه كنت بقول لوالدى انها عاملة زى الخيط القصير تجيبه تربطه من هنا يتفك من هناك وتيجى تربطه من هناك يتفك من هنا وتستمر هكذا
-
معلش استحملي هي العربيات ساعات بيجلها حالة نفسية كدهه تحب تضايق اللي معاها ومظنش اني في عربية معملتش كده هتغدي يومين ملل بس ان شاء الله الامور هترجع تستقر و هترجعي تحبيها تاني و تحسي بغلاوتها عندك
-
معلش يا نور هى بيجيلها أوقات كده تشد حيلها عليكى شوية و بعدين هتنام تانى و تبقى بنت ناس ما تقلقيش
-
ربنا يسترها كمان درجات الحرارة بدات تزيد وبقينا عاملين زى الخليج
وعربياتنا متستحملش الكلام ده
-
Content Relevant URLs by
vBSEO 3.6.0 PL2