الموضوع: صني سوبر صالون ولا الانترا

أختيارى لنيسان صنى سوبر صالون بكل تأكيد
أنا مش شايف أن الألنترا بتتفوق على صنى فى حاجة بالعكس أن شايف أن مميزات التفوق كلها فى صالح النيسان صنى سوبر صالون

المشاركة الأصلية كتبت بواسطة rrrrreee

نفسى العضو الذى يختار يوضح اسباب اختيارة وتفضيلة ؟؟؟؟؟؟؟؟؟؟؟؟؟

النيسان سوبر صالون
أسم كبير فى عالم السيارات و معروفة مواتير النسان بالقوة و العمر الطويل ( 4 سلندر فى الخط - 16 صمام - كامة علوية مزدوجة DOHC )
تكيف ممتاز
عفشة رياضية
التقفيل ممتاز
شيك جدآ من الداخل و الخارج لازم حضرتك تروح التوكيل و تركب العربية و تحكم على تفقيل الصالون بنفسك
جميع عوامل الأمان
( BA system (Brake assist) - EBD ( Electric brake-force distribution) - ABS (Anti-lock brake system
2 Air Bags
4 جنوط رياضية 6JJ × 15 ألومنيوم
نظام ضد سرقة السيارة خاص بشركة نيسان
مفتاح ( NATS ) بة ردار صغير فى رأس المفتاح
ريموت تحتوى على مفتاح غلق السيارة و مفتاح فتح و مفتاح لفتح شنطة السيارة و مفتاح للتنبية
( إنذار صوتى و مانع تشغيل المحرك , و سنتر لوك)
فوانيس شبورة
مصابيح هالوجين
مسند و حامل أكواب فى الكنبة الخلفية
مرآة جانبية تطوى كهربائيا
مرايات تمتص الضوء المبهر للسيارات خلفك
مجهزة بوصلة iPod
كونسول سقفى مع لمبات قراءة و مكان لتخزين نظارة الشمس
مرآة مضيئة للراكب الأمامى
كونسول خشبي أنيق
مطعمة بالنيكل كروم (داخلى / خارجى)
عجلة القيادة و عصا الفتيس و فرملة اليد جلد طبيعى
عجلة قيادة آلية المؤازرة(باور ستيرينج)
ثبات رائع على الطريق
توكيل محترم
دة المميزات اللى فاكرها الأن و لذلك أرشح نيسان صنى سوبر صالون و فى أنتظار مميزات الأنترا

أنا عندي النترا خليجي اوتوماتيك اول فئة وأقدر اقولك مميزتها :

بالنسبة لاسم الشركة هيونداي دلوقتي تحتل المركز الرابع على شركات العالم في الجودة لسنة 2009 ( تتفوق على نيسان)

النهارده لسه نازل في الاهرام ملحق السيارات ان الهيونداي النترا احتلت المركز الاول على جميع السيارات في فئتها.

بانسبة للانترا متقفلة بالكامل في كوريا في المصنع الرئيسي بتاع هيونداي وده ميزة صعب تلاقيها دلوقتي في العربيات انها تتقفل في مصنعها . وطبعا زي ما الكل عارف الصني متقفلة في مصر ( من أكبر العيوب)

الانترا بلا مناقشة في الشكل والاناقة تتفوق على الصني لانها بتجمع بين الفخامة والشكل الرياضي والايرو ديناميكس الرائع.

أول حاجة شدتني في العربية أول ما جيت أسوقها هي الدركسيون الباور سلس بشكل راااائع وتحس بقمة التحكم في العربية بكل سهولة وبأقل مجهود.

العربية فيها واحد ايرباج للسائق و في عربيات فيها اتنين واي بي اس بس تمنها اغلى.

العربية ثابتة على الطرق السريعة لان فيها نظام الثبات الالكتروني esp .



الصالون من جوه ما شاء الله تبارك الله واسع جدا بالنسبة للصني ومريح حتى في المسافات الطويلة .

الطابلوه بتاع العربية شكله حديث ومش تقليدي زي الصني وفي مكان للنظارة.

تكييف العربية ممتاز خصوصا انها خليجي.

يوجد بجانب السائق مكان لكوبين ومكان آخر لوضع اي شيء .

يوجد ردايو وكاسيت شرايط وسي دي .

الشنطة واسعة جدا وتنفع وقت السفر.

العربية قطع غيارها رخيصة ومتوفرة بشكل واسع.

الانترا سعرها فيها يعني لما تيجي تبعها لا قدر الله هتلافي تمنها ماسك نفسه في السوق.

العربية بتتحمل الظروف القاسية والعمل الطويل والدليل على كده انها من اكتر العربيات المعمولة تاكسي في السعودية.

وبالنسبة للصيانة فمراكز خدمة هيونداي المعتمدة كتيرة ومضمونة.

قارن مع نفسك واستخير الله أولا