بص يا باشا أنا كان معايا e30 320 كنت برضه بجيب الطرمبة الأستيراد كتير شوية.....بس مش قوى
المهم أنت ممكن تشوف حد كويس يجرب الطرمبة و أنت بتشترى ( بيوصلها كهرباء و يشوف الضغط اللى طالع منها ) و لو لقى الضغط كويس تتوكل على الله لو لقاه معقول يبقى بلاش منها.........و ممكن كمان تشوف الفلتر لو لقيته مش نضيف بزيادة يبقى أنت عندك مشكلة تانية هى اللى بتخلى الطرمبة تبوظ بسرعة.....و لو ده اللى حاصل غالباً هتلاقى البنزين نفسه مش نضيف و خصوصاً لو متعود تمون من محطة معينة أو التنك عندك مش نضيف.
عموماً أنا فاكر أخر مرة غيرت الطرمبة الميكانيكى نصحنى أنى أجيب طرمبة المرسيدس ال 190 عشان هى هى بتاعة عربيتى بس أحسن شوية و أرخص كمان و فعلاً كانت أرخص حوالى 80 جم و تقريباً مغيرتهاش لحد لما بعت العربية......شوف لو عربيتك ممكن تلاقيلها طرمبة مرسيدس تمشى عليها ولا لأ.
المفضلات