ممكن ينفذوه بصورة اختيارية وليست اجبارية , واقترح ان اللى يسلم عربيته القديمة يخفضوا له جمارك العربية الجديدة لأن الشعب دفع جمارك على القديمة ومن حقه يستردها
ممكن ينفذوه بصورة اختيارية وليست اجبارية , واقترح ان اللى يسلم عربيته القديمة يخفضوا له جمارك العربية الجديدة لأن الشعب دفع جمارك على القديمة ومن حقه يستردها
انا راى يكهنوا العربيات القديمة كلها لانها سبب رئيسى فى عطلة المرور
بس يصرفوا مبالغ بحق الله نفس القيمة السعرية بتاعتها فى الشارع المصرى
انا حاليا بركب فورد امريكانى موديل حاجة وسبعين 2400 سى سى وحش حقيقى ماشى على الارض
عايز بقى يخدوها ب 5000 جنيه زيها زى السيات 133 ؟؟؟؟
مش كدة حرام برضو الى بيعملوه
مش لاقى كلام ينفع اقوله غير انى مش موافق على المشروع ده
ولو عاوزين يطبقوا نظام معمول بره فى دول تانيه يبقى يطبقوه بالكامل بحزافيره لما الشعب يبقى مبسوط ماديا وخلصت كل همومه وبقى عايش فى نعيم يبقوا يفكروا فى احلال الملاكى القديم
الاخوة الافاضل
هذا الكلام كان متوقع مع استمرار حالة الركود و خاصة ان نسبة السيارات الاجرة كما قال رشيد حوالي 8% من اجمالي المركبات في مصر و لو قلنا نصفهم سيتم تكهينه يبقى بنتكلم على 4% من حجم المركبات و هذه النسبة ليست كافية لدعم مصنعي السيارت في مصر و تحريك الركود .
الفكرة كما قال الاخوة جيدة لكن المهم التنفيذ , يعني لو تم تقدير السيارة القديمة حسب موديلها لان مش معقول تتقدر ال 504 مو 78 أو 79 بنفس ثمن ال 127 الايطالي مو1975 مثلا و النقطة الثانية يتم عمل تخفيض جمركي ضريبي على السيارة الجديدة و تسديد ثمنها بالقسط المريح بدون فائدة .
كده يبقى معقول و الناس تتشجع تغير للجديد أو لمستعمل نصف عمر في حدود عشرة سنوات .
أنا شايف الناس كلها معترضة على الموضوع من غير ما نعرف عنه اي تفاصيل مش فاهم ليه؟؟ الموضوع لسة مجرد فكرة وممكن قوي انها تتنفذ بشكل كويس ودي وجهة نظري في الموضوع:
- طبعاً الموضوع هايبقى إختياري وليس إجبارياً لأن القانون أصلاً لم يحدد مدة لتكهين السيارات الخاصة وحدد ذلك فقط للأجرة وليس من المتصور أن يتم تغيير القانون لتحديد فترة لتكهين السيارات الخاصة، لأن ذلك سوف يكون متعدياً على الملكية الخاصة والحرية الشخصية والدليل على كده انه القانون الحالي لما منع ترخيص الأجرة اللي عمرها أكبر من 20 سنة سمح بترخيصها ملاكي مع الحق في استخام رخصة "لوحات" الأجرة في سيارة أخرى حديثة،،، يعني كل اللي ليهم ان العربية تكون سليمة 100% في الفحص الفني
- الفكرة كلها هاتبقى باختصار في إتاحة استبدال السيارة القديمة لمن يرغب بأخرى جديدة من السيارات المجمعة محلياً، مع إعفاء الجديدة من الجمارك وضريبة المبيعات "وهو ده اللي حصل مع مشروع التاكسي"
- في مشروع التاكسي حصل حاجتين كمان عشان يساعدوا اصحاب السيارات أولاً اتفقوا مع البنوك على تمويل تمن السيارات الجديدة بفايدة أقل من سعر السوق وثانياً اتفقوا مع شركات دعاية انها تحط اعلانات على العربية مقابل مبلغ شهري يُخصم من القسط "طبعاً لمن يوافق من أصحاب التاكسيات على استغلال سيارته إعلانياً"
- لما تحسب فرق الجمارك وضريبة المبيعات وسعر تكهين العربية القديمة هاتلاقي ان ده ممكن يعمل رقم أعلى من سعر بعض السيارات القديمة في السوق "نقول متوسط من 15 إلى 20 ألف جنيه حسب ما شوفنا في مشروع التاكسي"
- من المتوقع ان الفكرة دي لو اتنفذت هاتكون للعربيات اللي عمرها أكتر من 30 سنة على أقل تقدير يعني بنتكلم على موديلات ماقبل 80 وبيتهيألي إن غالبية السيارات اللي ليها العمر ده هاتكون فعلاً محتاجة تتكهن
- طيب لو صاحب العربية القديمة شايف ان عربيته تساوي أكتر من كده أو إن حالتها تصلح لاستمرارها على قيد الحياة "زي مابنشوف كتير عربيات قديمة وحالتعا زي الزيرو وأحسن" يبقى ببساطة هو مش مضطر يشترك في المشروع ده
- لو الحكومة عايزة تنجح مشروع زي ده يبقى ياريت تعمل ميزة كمان هي تقسيط المبلغ المتبقي بدون فوائد ولو على سنتين أو 3 سنوات
- صحيح ان الهدف الرئيسي للمشروع هو ان الحكومة عاوزة تساعد أصحاب المصانع إنهم يتجاوزوا الأزمة ويتخطوا مرحلة الركود،، أعتقد ان ده نجاح للحكومة في دعم المصانع اللي موجودة في مصر وفيها ناس بتشتغل،، ومافيش مانع نساند الحكومة في الهدف ده خصوصاً ان إحنا كمان هانستفيد في صورة إلغاء ضريبة المبيعات والجمارك
ياريت ياجماعة نحاول نشوف أيه الاقتراحات اللي ممكن نقدمها عشان فكرة زي دي تتنفذ بشكل كويس