ايه الحل في الخبطة دي

**adelmagdy** · 03-07-2009 10:18 PM

العتبة بتاعت العربية دخلت لجوه وانا بركن في كارفور العربيه خبطت في الرصيف الرفيع المهم هل ليها حل

**Ahmed Selim** · 03-07-2009 10:43 PM

على حسب معلوماتى ليها أكتر من حل منهم
1- يتحط عليها معجون و ترش العتب تانى
2- بعض الناس بيبقى عندهم جهاز بيشد العتب لبرة تانى
3- أعتقد بس مش متأكد 100% أن بعض أنواع العتب ممكن تتفك بطريقة معينة و تتسمكر و تركب تانى.

**korayem** · 04-07-2009 12:43 AM

I have a similar bump and scratch in the same place thanks to some stupid motorcycle. if you knew the solution, please share it here to fix mine too.

Jazak allah khayran

**Mosso** · 04-07-2009 01:33 AM

بص هي حلها انك تسبها زي ما هي كده عشان محدش يلعبلك في العتب و ميعرفش يظبطه لانها الحمدلله مش باينه اصلا و هي الحمد لله صغيره,

انما الحل العملي في تصليحها,
لو الصنايعي امكانياته على قده,
هيجيب مسمار قلاووظ و يخرم في المكان الي داخل جوه و يربط المسمار كويس و بعدين يجيب كماشه و يشدها لغاية لما تطلع لبره و يكررها في كذا جزء داخل لجوه ( بس لازم يكون فاهم و مش غشيم عشان ميقطعش الصاج نفسه ) و بعدين يمعجن و يرش,

الحل اتاني لو هو صنايعي ربنا كارمه شويه و مقتدر هتلاقي عنده اختراع كده أوله مسمار قلاووظ برضه بس ده مش بيشد بكماشه ده بيكون ليه دراع هو الي بيشد

انما لو صنايعي قالك هنفك العتبه ساعتها خد بعضك من عنده و اجري بسرعه لانه هيبوظ الدنيا لاني معتقدش ان العتب بتاع الامبريزا 2008 فك و تركيب ( ان عندي مش كده )

و غير كده هي الحمدلله مش باينه