اوبل ول بى ام

**sniperfox** · 04-07-2009 06:31 AM

السلام عليكم انا معايه اوبل فيكترا 1995 وبفكر اجدد وادامى اوبل فيكترا موديل 2000 او ب ام 316 موديل 1998 انهى احسن فيهم من حيث اسعار قطع الغيار وتوافرها والثبات على الطريق
ياريت الى يقول رايه يكون عن تجربه او معرفه جيده بالسياره ؟؟

**MohamedGafar** · 04-07-2009 09:39 AM

مش عارف ، بس البي إم عربية حساسة جدا ، ومقالبها كتير ، ومصاريفها حاجة رهيبة - زي ما تكون فاتح بيت تاني.

وبرضه الأوبل قطع غيارها مش رخييصة قوي ، لكنها مش حساسة قوي زي البي إم.

تحياتي.

**Ahmad Allawy** · 04-07-2009 10:46 AM

والله انا مش عارف.. بس علي كلام تامر صديقنا معانا في المنتدي..
بيقول ان البي ام احسن بكتير.. و بالعكس.. بيقول انها مش حساسة زي الاوبل..
وخاصة ان الاوبل الاوتو ايكوتك.. و بالتالي صياناتها و مصاريفها اغلي من العادية.. و حساسة شوية عنها..
وموضوع قطع الغيار.. بيتهيألي قطع غيارها هتكون في نفس رينج الاوبل.. و يمكن ارخص كمان..

عموما.. لما نشوف رأي باقي الرجالة ايه..

**tamertamer** · 04-07-2009 02:05 PM

طبعا البى ام افضل بكتير من حيث الثبات والشكل والراحة والامكنيات والتجميع لكن للاسف فى عيب ظهر الايام قلى فاتت وهى ان المستوردين جابو ليها قطع غيار كتير اوى فى فترة من حوالى 10 شهور وللاسف البضاعة تقريبا خلصت فى السوق وكانت رخيصة ارخص من الاوبل فى حجات كمان بس للاسف قلى حصل ان الحاجة قلت جدا فبتوع قطع الغيار رفعو السعر بطريقة غريبة فالناس ابتديت تخلص منها بشكل غريب فطع غيرها غليت سواء الاستيراد او الجديد انا متابع العربية دية جدا وعايز انبهك لمعلومة هنا فى مصر نزلت لغايت 1997 316
فاكيد قلى بتتكلم عليها جية من برة وعلى فكرة قطع غيرها بتعيش اوى
على الاغلب معقين على العموم ابقا اكشف عنها

**ehabbasha30** · 04-07-2009 02:42 PM

كان معايا فيكترا 2001
ودلوقتى بى ام 1989
رغم الفرق فى الموديل
لكن اسمحلى اقول ان البى ام ..بى ام...... كفاية الاسم والعلامة
شرط انها تكون سليمة

**M.almaghraby** · 04-07-2009 02:49 PM

يعني انتا غيرت 2001 ب 1989؟؟؟؟؟؟؟!!!!!!

**Hesham256** · 04-07-2009 03:05 PM

المشاركة الأصلية كتبت بواسطة ehabbasha30

كان معايا فيكترا 2001
ودلوقتى بى ام 1989
رغم الفرق فى الموديل
لكن اسمحلى اقول ان البى ام ..بى ام...... كفاية الاسم والعلامة
شرط انها تكون سليمة

الأسم و العلامة لا يعني شيء مينفعش اقول عربية أحسن من عربية لمجرد الاسم لأنه ملوش اي فايدة و لو علي الاسم برضه أوبل و ده من المانيا معترفة ان اوبل أول أحسن شركه حالياً و ده موضوع انا عامله في الصفحة التانية او التالتة.

و مش متهيائلي أن 89 هتبقي احسن من 2001 و لو علي كلامك قولنا احسن في أيه من غير الاسم بس عشان أوبل اسمها احسن.. و يا ريت عن تجربة...
و شكراً

**N.a.j.d** · 04-07-2009 03:23 PM

المشاركة الأصلية كتبت بواسطة tamertamer

طبعا البى ام افضل بكتير من حيث الثبات والشكل والراحة والامكنيات والتجميع لكن للاسف فى عيب ظهر الايام قلى فاتت وهى ان المستوردين جابو ليها قطع غيار كتير اوى فى فترة من حوالى 10 شهور وللاسف البضاعة تقريبا خلصت فى السوق وكانت رخيصة ارخص من الاوبل فى حجات كمان بس للاسف قلى حصل ان الحاجة قلت جدا فبتوع قطع الغيار رفعو السعر بطريقة غريبة فالناس ابتديت تخلص منها بشكل غريب فطع غيرها غليت سواء الاستيراد او الجديد انا متابع العربية دية جدا وعايز انبهك لمعلومة هنا فى مصر نزلت لغايت 1997 316
فاكيد قلى بتتكلم عليها جية من برة وعلى فكرة قطع غيرها بتعيش اوى
على الاغلب معقين على العموم ابقا اكشف عنها

اخ تامر ازيك معلش انا عايز اعرف ازاي البي ام اتقل من الاوبل مع العلم انه البي ام اخف مقارنه مع الاوبل صيحيح انها شبابيه اكتر بس الاوبل حلو مش وحش

**tamertamer** · 04-07-2009 04:16 PM

المشاركة الأصلية كتبت بواسطة astradti

اخ تامر ازيك معلش انا عايز اعرف ازاي البي ام اتقل من الاوبل مع العلم انه البي ام اخف مقارنه مع الاوبل صيحيح انها شبابيه اكتر بس الاوبل حلو مش وحش

انا سقت العربية البى ام دية اكتر من مرة الاوبل بتعتمد على الثقل فى المقام الاول يعنى لو المسعدين تعبنين الاستيبل ينقلب لمرجيح لكن البى ام بتعتمد ان اول الجرى والسرعات وتهبط لاسفل وملصقة للارض لتكون اكثر امنا وقوة وانسيابية للهواء الخارجى حتى لو المسعدين تعبنين شوية هتجرى ومفيش مشاكل ودة الفرق فى تصميم العفشة الرياضية قلى بتنزلة شركت بى ام فى كل عربيتها تقريبا
وكمان العربية البى ام الموديل دة بزات تقيل جدا وثابت ثبات مرعب يعنى لو العربية الاوبل ثبات 20% الابى ام ثبات 35% ودة عن تجربة شخصية حياتية
احنا هنا بنقارن بين التكنولوجيا المستخدمة فى نظام العفشة يعنى زى نظام العفشة فى ال523 ال99
فى العفشة الجديدة والقديمة وفرق السعر فى العربيتين حوالى 20 الف جنية تكنولوجيا بتاعت العفشة هو دة قلى بتكلم علية

**ehabbasha30** · 05-07-2009 02:26 PM

المشاركة الأصلية كتبت بواسطة drguevara

يعني انتا غيرت 2001 ب 1989؟؟؟؟؟؟؟!!!!!!

فعلا انا غيرت اوبل 2001 ب يى ام 89
دة لانى وقتها كنت محتاج لفرق الفلوس
وكنت طاير من الفرحة بالاوبل لانى كنت بحبها جدا وكان نفسى اركبها... لكن لما ركبت البى ام بعد الفيكترا حسيت بالفرق

المشاركة الأصلية كتبت بواسطة hesham256

الأسم و العلامة لا يعني شيء مينفعش اقول عربية أحسن من عربية لمجرد الاسم لأنه ملوش اي فايدة و لو علي الاسم برضه أوبل و ده من المانيا معترفة ان اوبل أول أحسن شركه حالياً و ده موضوع انا عامله في الصفحة التانية او التالتة.

و مش متهيائلي أن 89 هتبقي احسن من 2001 و لو علي كلامك قولنا احسن في أيه من غير الاسم بس عشان أوبل اسمها احسن.. و يا ريت عن تجربة...
و شكراً

اولا يا اخ هشام كلامك مش مظبوط ابدا ابدا
ازاى العلامة والاسم لا يعنى شئ .... الاسم وحدة يكفى ودة مش كلامى دة تاريخ البى ام يشهد بالكلام دة

ثانيا مش معنى كلامى ان الاوبل وحشة طبعا الالمانى كلة ممتاز بس فى حاجة اسمها درجات وافضلية ... ومستحيل تكون الاوبل افضل من البى ام والمرسيدس والفولكس والاودى
ممكن تكون عملت موديل كويس تفوقت بية عليهم فى فترة معينة لكن بيرجع كل ماركة لوضعها الطبيعى لما الباقى ينزل الموديلات بتاعتة

ثالثا المقارنة بين عربيتين لازم يكونوا فى نفس الحالة مينفعش تقارن عربية سليمة بعربية تعبانة
ودة اللى خلانى اقول ان البى ام احسن
الاوبل اللى كانت معايا كانت كأنها خارجة من الفابريكة حالة فوق فوق الممتازة
والحمد للة لما ركبت بعدها البى ام كانت برضو لا تقل عنها فى الحالة برغم الموديل القديم
عشان كدة قدرت احكم بينهم
البى ام : ثبات افضل - عزم اكبر - سرعة تجميع اكبر - مناورات اسهل
وعلى فكرة الاتنين 1600 سى سى

مش معنى كلامى ان الاوبل وحشة بالعكس ... انما فية الجيد وفية الاحسن وفية الممتاز
درجات فى الافضلية
ودة عن تجربة مش كلام نظرى ياريت انت تجرب بى ام بشرط تكون نفس حالى الاوبل وبعديت تقارن... لان على فكرة مفيش بى ام نضيف كتير ودة انا شفتة بعينى

تحياتى ليك

الموضوع: اوبل ول بى ام

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عايز ميكانيكى اوبل الاسكندرية ويكون كويس عشان اوبل كورسا 2000

ايه الفرق بين اوبل فيكترا بموتور اوبل وموتور اوكتيك

معايا اوبل كورسا 1994 ومزغللة عينى اوبل استرا 2000 مع واحد صاحبى بيبيع ايه رأيكو؟

معايا اوبل استرا 2001 وعايز اوبل فيكترا ايكو تك راس براس

فصة حياة موديلات اوبل.. (الحلقة الاولي- اوبل كورسا A)

الكلمات الدلالية لهذا الموضوع

المفضلات

المفضلات

ضوابط المشاركة