حركات هبله أتحداك لو قلت مش بتعملها

صراحه في حركات هبله بنعملها في حياتنا اليوميه و احنا عارفين انها هبله ومع ذلك بنعملها ليييييييه؟؟ مش عارف!!

مـثــــــــــــلا



ليه بعد ما نشرب كانز البيبسى ونخلصه نهز العلبه؟؟
>>يعني مستنى عفريت يطلعلك من الكانز يقولك مبروك كسبت كمان شفطه ..؟؟!!

http://www6.0zz0.com/2008/08/24/07/821040123.gif

*ليه اذا شفنا جدار أو عمود نور مكتوب عليه عباره(احترس من الدهان) ما تصدقش وتجرونجرب بأصابعنا؟؟
>> يعني لازم يحلفوا ..؟؟!!

http://www6.0zz0.com/2008/08/24/07/821040123.gif


ليه لو كانت بطاريه الريموت كنترول ضعيفه تضغط بقوه على الأزرار؟؟
>>يعني هو كده هتتشحن البطاريه؟؟!!!

http://www6.0zz0.com/2008/08/24/07/821040123.gif

ليه لو أتاخر الأسانسير نضغط على الزرار ميه مره؟
>>يعني كده خلاص هيحس على دمه وبيفتح

http://www6.0zz0.com/2008/08/24/07/821040123.gif

ليه بنوطى صوت الكاسيت فى العربيه لو كان الطريق زحمه أو لو تهنا؟؟
>>يعني كده الطريق هيفضى ولا هنعرف فين الطريق ؟


http://www6.0zz0.com/2008/08/24/07/821040123.gif

ليه لما بنكون قاعدين فى مكان عام ونسمع رنه مسج ولا رنه موبايل على طول تشوف موبايلك ؟؟
ليه حضرتك مهم للدرجه دى علشان يرن موبايلك من بين البشر دى كلها ولا أنت يعنى مش عارف رنه موبايلك


http://www6.0zz0.com/2008/08/24/07/821040123.gif


كل واحد يقول بصراحه بيعمل ايه من دول وافضح نفسك احسن؟

مسروق ..... قصدى منقول

فعلا انا ساعات كتير بعمل الحالات 3 4 5 لكن الباقى مش بعمله

الكانز لازم نهزها طبعا
يعني يرضيك نرميها ولسه في احتمال يكون فيها نقطتين تلاتة
بس انا بصراحة مش بعملها لان استحالة اقدر اخلص كانز لوحدي

وباقي الحاجات بعملها بس بطلت حركة الاسانسير دي بعد ما قريت الموضوع ده مرة قبل كدة

موضوع الكاسيت و الريموت دووووووول لازم اعملهم!
تصدق انك لما بتضط على زرار الريموت جامد بيشتغل حلاوة
الكاسيت بوطيه عشان مش ناقص لابخة

صدقنى مش باعمل اى حاجه من الكلام ده كله غير انى فعلا ممكن اوطى الكاسيت فى حاله الزحام او التوهان

انا الصوت العالي عموما بيوترني
ولما اكون تايهة او الطريق زحمة بكون متوترة اساسا مش ناقصه توتر

اقتباس:

---

ليه بنوطى صوت الكاسيت فى العربيه لو كان الطريق زحمه أو لو تهنا؟؟
>>يعني كده الطريق هيفضى ولا هنعرف فين الطريق ؟

---

انا لما يكون الطريق زحمة بعلى الكاسيت
لما اكون بدور على ركنة بطفى الكاسين خالص... و لا لما اجي اركن .. مبكونش طايق حد يكلمني.
و بعمل بتاعت الاسانسير برضه..

انت بقى بتعمل اية؟

انا بعملهم كلهم
عدا الموبايل
عادى جدا

اقتباس:

---

المشاركة الأصلية كتبت بواسطة freeefair

انا بعملهم كلهم
عدا الموبايل
عادى جدا

---

وانا كمان

انا بعملهم كلهم ما عدا بتاعت الموبايل و الدهان d:

انا باهز الكانز علشان اتأكد انى شربت العفريت كله مش ناقص ايد ولا رجل
وباوطى صوت الكاسيت علشان مستوى التركيز يعلى بس باقى المواضيع مش تبعى

وإنتا صغير وسنتك تكسر ترميها فى الشمس وتغنى

أنا هحاول أرد على كل حاجة بعملها و أقول السبب يمكن أقنعك

اقتباس:

---

المشاركة الأصلية كتبت بواسطة hacker5

صراحه في حركات هبله بنعملها في حياتنا اليوميه و احنا عارفين انها هبله ومع ذلك بنعملها ليييييييه؟؟ مش عارف!!

مـثــــــــــــلا



ليه بعد ما نشرب كانز البيبسى ونخلصه نهز العلبه؟؟
>>يعني مستنى عفريت يطلعلك من الكانز يقولك مبروك كسبت كمان شفطه ..؟؟!!
دى مش بعملها الحمد لله نفدنا

http://www6.0zz0.com/2008/08/24/07/821040123.gif

*ليه اذا شفنا جدار أو عمود نور مكتوب عليه عباره(احترس من الدهان) ما تصدقش وتجرونجرب بأصابعنا؟؟
>> يعني لازم يحلفوا ..؟؟!!
مش عارف ساعات بيبقى عند الواحد فضول يعرف الدهان نشف و لا لسه
ههههههههههههههه طبعا مش كل الناس عمرى الحمد لله ما جربت الموضوع ده

http://www6.0zz0.com/2008/08/24/07/821040123.gif


ليه لو كانت بطاريه الريموت كنترول ضعيفه تضغط بقوه على الأزرار؟؟
>>يعني هو كده هتتشحن البطاريه؟؟!!!
بصراحة الريموت بتاعى و يمكن يكون ده تفرد منه لما البطارية بتضعف ضغطة قوية و انت قريب أكتر من المستقبل بيشتغل و إلا يبقى بيشتغلنى أنا
بس حقيقى بيشتغل لما تدوس عليه جامد مش بيشحن

http://www6.0zz0.com/2008/08/24/07/821040123.gif

ليه لو أتاخر الأسانسير نضغط على الزرار ميه مره؟
>>يعني كده خلاص هيحس على دمه وبيفتح
دى اللى بصراحة حاجة تضحك بس برده بعذر الناس اللى بتعملها بتبقى زهقانة و ما عندهاش حاجة تانية تعملها فبتضيع وقتها بالضغط تانى زى و انت قاعد على النت ما تتأخر صفحة فى التحميل شوية فتروح عامل ريفريش مع الاختلاف فى إنها فى الحالة التانية أحيانا بتجيب نتيجة

http://www6.0zz0.com/2008/08/24/07/821040123.gif

ليه بنوطى صوت الكاسيت فى العربيه لو كان الطريق زحمه أو لو تهنا؟؟
>>يعني كده الطريق هيفضى ولا هنعرف فين الطريق ؟
لو تهنا آه أنا بصراحة بعملها علطول بس طبيعى عشان أقدر أركز فى الطريق لأن طول ما الموسيقى شغالة مش هعرف أركز فى طريق ما أعرفوش ده غير إنى ممكن أحتاج أسأل حد فإيه الللى يخللينى كل ما آجى أكلم بنى آدم أوطى الكاسيت أو أطفيه ما أعرف أنا فين الأول و بعدين أشغله براحتى


http://www6.0zz0.com/2008/08/24/07/821040123.gif

ليه لما بنكون قاعدين فى مكان عام ونسمع رنه مسج ولا رنه موبايل على طول تشوف موبايلك ؟؟
ليه حضرتك مهم للدرجه دى علشان يرن موبايلك من بين البشر دى كلها ولا أنت يعنى مش عارف رنه موبايلك
بصرف النظر حضرتى مهم ولا مش مهم هو مش معايا موبيل يعنى ممكن يكون فعلا موبيلى اللى بيرن أنا أو أى حد من الموجودين أعتقد إن كلنا فرصنا متساوية إنه يكون موبيل أى حد فينا و بعدين فى الزحمة و الصوت العالى حواليك و انت مخصص أكتر من نغمة مثلا أو عامل لسه نغمة جديدة ماحفظتهاش أوى أو دخلة موسيقى مشابهة أو نغمة كنت حاططها قبل كده قريب كل اللى فات ده يخليك تبص فى موبيلك بمجرد إنك تسمع موبيل بيرن


http://www6.0zz0.com/2008/08/24/07/821040123.gif


كل واحد يقول بصراحه بيعمل ايه من دول وافضح نفسك احسن؟

مسروق ..... قصدى منقول

---

اللى بعمله الكاسيت و ده علشان التركيز طبعااااا .

و الاسانسير ساعات لما بيكون اسانسير قديم شوية و بيعلق .

اقتباس:

---

المشاركة الأصلية كتبت بواسطة Hacker5

صراحه في حركات هبله بنعملها في حياتنا اليوميه و احنا عارفين انها هبله ومع ذلك بنعملها ليييييييه؟؟ مش عارف!!

مـثــــــــــــلا






ليه لو كانت بطاريه الريموت كنترول ضعيفه تضغط بقوه على الأزرار؟؟
>>يعني هو كده هتتشحن البطاريه؟؟!!!


ايوه دي باعملها لأن ممكن يلقك لما اضغط اكتر من مرة او اقترب من الجهاز ..... سلو بلدنا كدة

http://www6.0zz0.com/2008/08/24/07/821040123.gif

ليه لو أتاخر الأسانسير نضغط على الزرار ميه مره؟
>>يعني كده خلاص هيحس على دمه وبيفتح

احنا الاسانسير بتاعنا لازم تضغط اكتر من مرة ..... مش بيسجل الطلبات .... نوعه قديم اوي

http://www6.0zz0.com/2008/08/24/07/821040123.gif

ليه بنوطى صوت الكاسيت فى العربيه لو كان الطريق زحمه أو لو تهنا؟؟
>>يعني كده الطريق هيفضى ولا هنعرف فين الطريق ؟

انا فعلا باطفي الكاسيت لما يكون الطريق زحمة علشان اقدر اركز في السواقة .... طبيعي


http://www6.0zz0.com/2008/08/24/07/821040123.gif

ليه لما بنكون قاعدين فى مكان عام ونسمع رنه مسج ولا رنه موبايل على طول تشوف موبايلك ؟؟
ليه حضرتك مهم للدرجه دى علشان يرن موبايلك من بين البشر دى كلها ولا أنت يعنى مش عارف رنه موبايلك


مش يمكن يكون موبايلي هو اللي رن .....
ولو مش هو .... أهو برضه اتمنظر بالموبايل بتاعي شوية قدام الناس .... ولا يعني ماليش نفس


http://www6.0zz0.com/2008/08/24/07/821040123.gif


كل واحد يقول بصراحه بيعمل ايه من دول وافضح نفسك احسن؟

مسروق ..... قصدى منقول

---

انا بقا بعمل بتاعت الاسانسير احيانا لما بكون مستعجل وخلاص مش طايق استني ثانيه واحده
وحكايه الكاسيت دي لما بكون تايه او شاكك انو فيه صوت في العربيه
او لو تايه او كدا علشان اقدر اركز اكتر
بس